~WB TSIM CIA~

WB TSIM CIA

Txoj kev hlub uas wb tsim cia..., yuav khaws cia rau nruab siab mus ib txhis,
Tias kuv hlub koj tiag..., yuav tsis ncaim koj mus hlub lwmtus ntxiv,
Thov cog lus rau koj tias..., ciaj tuag los yuav hlub koj ibleeg,
Yuav tsis ntseeg..., tsis hlub nrog lwm leej lwm tus txivneej,
Hauv lub ntiajteb no..., koj ibleeg thiaj yog kuv tus me txiv,
Ciaj tuag..., los yuav tsis ncaim koj mus hlub lwmtus ntxiv,
Yuav hlub nrog koj..., ibleeg mus tag ib txhis os, me koj txiv.

Wb tsim cia muaj nyob yog wb txoj kev hlub,
Wb tsim cia muaj nyob yog wb cov me tub,

Wb tsim cia muaj nyob yog wb tej lus hais,
Wb tsim cia muaj nyob yog wb tej me ntxhais,

Wb tsim cia muaj nyob yog wb txoj kev,
Wb tsim cia muaj nyob yog wb tej vajtsev,

Wb tsim cia muaj nyob yog wb txoj hawjlwm,
Wb tsim cia muaj nyob yog wb tej nyuj tej twm,

Wb tsim cia muaj nyob yog wb txoj phuam ntxuavmuag,
Wb tsim cia muaj nyob yog wb tej qaib tej npua,

Wb tsim cia muaj nyob yog wb tes txujci,
Wb tsim cia muaj nyob yog wb tej nyiaj hli,

Wb tsim cia muaj nyob yog wb lub tebchaws,
Wb tsim cia muaj nyob yog wb ib txwm zoo txijnkawm,

Wb tsim cia muaj nyob yog wb txojkev hlub tseeb,
Wb tsim cia muaj nyob yog wb cov txujci neeb,

Wb tsim cia muaj nyob yog wb txojkev hlub tiag,
Wb tsim cia muaj nyob yog wb ob txhais tes tsim cia,

Txhua yam wb tsim cia kuv yuav khaws tsis pub qub,,
Txhua yam wb tsim cia yog wb txoj kev sibhlub,
Txhua yam wb tsim cia kuv yuav khaws tseg mog,
Txhua yam wb tsim cia yog wb txoj kev nco,