Subject: Re: ~LOS NAG HAUV LUB SIAB~ Wed Jul 14, 2010 3:22 am
Nyob zoo Ntsuj Plig thiab Npaum Npaim,
Hehehehehehehe.....kuv mas xav nyeem Ntsuj Plig thiab Npauj Npaim tej paj huam mas zoo ua luaj vim yog muaj Ntsuj Plig tuaj pab kuv thiab es thiaj li muaj tus txawj hais paj huam nrog Npauj Npaim os. Peb ua tib neeg nyob ces tsis hais leej twg yeej muaj hnub los nag hauv nruab siab mas. Tab sis, kuv tsis paub tias tej laus thaum ub nyob nplog teb es thaum lawv mus pw tom tej teb tsev nplooj tsawb xwb ne thaum ntuj los nag hauv nruab siab lawv puas hnov xob nroo thiab lub sua nag nrov lib lib laub laub ne yom. Yog thaum ntawm leej twg muaj tus hlub ntshe yuav tau zoo puag kawg li os. Peb cov nyob teb chaws vam meej mas txawv lawm deb heev li vim tias peb pw hauv tsev ntom ntom xwb ces tsuas hnov xob nroo xwb hos tsis hnov nag nrov hauv lub siab li tam kuv xav xwb.......hahahahahahahahaha.
Ntsuj Plig zaj music sau yog kuv tso rau koj daim reply mas vim koj txawj txawj sau lus tau zoo ntxim kaj siab kawg li. Koj tuaj sau paj huam ntxiv Npauj Npaim thiab mas cas peb lub zos no yuav tshiab lawm ntau heev li os.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: ~LOS NAG HAUV LUB SIAB~ Wed Jul 14, 2010 2:35 pm
Wow! Nujqiam, zoo li koj tshajlij heev rau sab tham seev txog kev hlub. Kheev lam sij hawm tig tau rovqab, muab peb tig mus nyob rau ntuj qub qab, cia koj thiab kuv, wb mam mus pw tom tej tsev nploojtsawb lossis tej tsev nqeeb seb thaum ntuj los nag hauv nruab siab wb puas hnov xob nroo thiab mas yom. Hahahaa, kuv xav tias ntshe wb yuav tsis hnov xob nroo li os, puas yog nas?
Hmmm..., ntshe twb tsis nco saib tias tej tsev nplooj tsawb lossis tsev nqeeb ntawd puas xau nag li os yom? Hahahahaha, kuv tas lauv xwb es txhob xav licas mog.
Subject: Re: ~LOS NAG HAUV LUB SIAB~ Wed Jul 14, 2010 5:33 pm
Npawg Nujqiam....
Ua tsaug koj tseem xav nyeem Npauj Npaim wb cov lus thiab os Kuv los tsis txawj sau tsis phim Npauj Npaim tab sis cia kuv lam tuaj sau kom hnub luv nrog nej os npawg.
Npawg........ Nyob Los Tsuas teb tus los nag hauv nruab siab ces kuv tiag, Kuv tseem nco muaj ib hmos Nkauj Ntxoo wb pw puag tom ib thaj teb nyob hauv plawv zoov los nag xuj xuav hnov suab qav quaj ntsuag qees zoov nuj txeeg lwg poob rhij rhuaj hos tseem muaj liv nyuj quaj hav nta vos thaum ntawd Nkauj Ntxoo khawm kuv khov li khov. Kuv thiaj hais rau nws tias puas yog koj ntshai lawm na? Nws teb kuv tias yog nrog koj lawm txawm yuav yog dab yog tsov los kuv yeej tsis ntshai li os.
Cia muaj caij kuv mam tuaj piav zaj no peb mloog nawb.....hahaaaa
Subject: Re: ~LOS NAG HAUV LUB SIAB~ Thu Jul 15, 2010 3:09 am
Nyob zoo Npauj Npaim thiab Ntsuj Plig,
Npauj Npaim, koj cov lus mas cas yuav zoo tau npaum kob me nag hauv nruab siab tiag li os. Txawm hais tias tig tsis tau rov mus plig ua dua tshiab thiab nyob li tej laus ib txhis coj lawm los yog muaj hnub koj thiab kuv tau mus tsham lub teb chaws nplog ib nyob hoom ua ke ces kuv mam li coj koj rnog kuv mus pw puag pem Hmoob zos chaw khuam siab es txawm muaj hluas nkauj coob npaum twg los kuv yuav tsis ua siab coob li os. Kuv yeej xav kom wb mus kom txog rau lub tsev nplooj tsawg thiab tsev qeeb xov nruab thaum yus mus pw los tseem pom kev tshwm sab nraum es yav thaum sawv ntxov mam li sawv los mloog Hmoob tuav cog thiab diaj zeb os......hahahahahahahaha.
Nsuj Plig, koj zaj dab neeg mas ntxim siab kawg kiag li thiab os vim Nkauj Ntxoo txawm ntshai npaum li cas los nws muaj koj lawm ces nws lub siab thiaj li tawv qawm nkawm koj es tsis nco ntshai tej qav quaj ntawm li lawm......hahahahahahahaha.