Thov Qhia Npauj Npaim

Nyobzoo os, kuv leej me nus siab zoo,
Hnub no kuv yuav rovqab tuaj nug nws moo,
Nyobzoo os, kuv leej me nus siab dawb,
Hnub no kuv yuav rovqab tuaj nrog nws sib tawb,

Kuv ncaim koj lawm ntev loo,
Uali koj puas nojqab nyobzoo,
Kuv ncaim koj lawm ntev heev,
Uali puas yog koj tuaj ncig seev,

Kuv tuaj lawm es koj nyob rau nqovtwg,
Los nrog kuv tham ma me phoojywg,
Kuv tuaj lawm es koj nyob qhovtwg lawm na,
Los nrog kuv tham kom koj lub me siab kaj,

Koj saib ma, lub hnub twb tawm tuaj lawm tiag,
Tsuag tsuag kuv tsuas nrog tau koj nyob ntev li ib pliag,
Koj saib ma, lub hnub twb tuaj cia nra iab,
Tsuag tsuag tsam koj tuaj tsis ntsib kuv lawm thiab,

Uacas tav li no koj mam ncig los txog mas, Davdub
Puas yog kuv no yeej tsis ntxim hlub,
Uacas tav li no koj mam rov los tsev dua,
Puas yog kuv no yeej tsis ntxim tshua,

Kuv nyob ib leeg tshaib plab heev,
Kuv thiaj tuaj nyob ntawm no seev,
Kuv nyob ib leeg tshaib plab kawg os,
Kuv thiaj tuaj nyob ntawm no tos,

Kuv twb tos koj los lawm ntev,
Koj mus twg lawm cas hnub no koj mam rovqab los tsev
Kuv twb tos koj los lawm ntau hnub,
Koj mus twg lawm cas hnub no mam hnov koj moo,

Koj los nqa tau dabtsi los rau kuv ma,
Kuv pom dheev koj xwb lub siab twb rovqab kaj,
Koj los nqa tau dabtsi los rau kuv no,
Kuv pom dheev koj xwb lub siab twb zoo lawm os,

Koj saib ma, kuv twb tsis mob ib ce,
Pom dheev koj ces kuv lub siab twb zoo lawm ne,
Koj saib ma, kuv twb tsis mob taub hau,
Pom dheev koj ces kuv lub siab twb zoo lawm ntau,

Zoosiab uas rovqab tau pom koj dua os,
Thov nrog kuv nyob txhob mus lawm mog,
Zoosiab uas rovqab tau pom koj ib zaug ntxiv,
Thov nrog kuv nyob txhob mus lawm mog, me koj txiv,

Npauj Npaim,

Wow.......nws mas tshaj lij rau kev sau paj huam kawg li os. Kuv nyeem tag los tseem xav tag zog mas thiaj li paub xwb. Zoo siab kawg li os.

Sib ntsib dua,