Coj Los Nraujzoo

Subject: Coj Los Nraujzoo Mon Aug 10, 2015 9:49 am

Leej muam ntxim hlub vim muaj koj thiaj muaj kuv

Yog kuv paub tias koj lam ntxias koj tsis xav hlub

Kuv yuav tsis nug koj xov thiab tsis mloog koj moo

Ntshai koj twb tsis cia kuv nyob ntsiag to li poobzoo

Koj mus lawm nto niaj khiav rov mus thawm xyoo

Koj cia kuv nyob ntshaus ntsho li qavkaws quj qabntoo

Koj mus ploj qabntais tsis fi kuv xov koj tseem dag kuv tos

Kuv lub hlwb tseem mos mos tsis paub yuav ua neej tshiab

Kuv niaj hnub quaj ntsia xubke yaigrwg tswjrawv txojsia

Koj tsuas yuj ibvuag li cua mojlwg ntsawj huabzig nagtshia

Kuv lub siab quaj-ncia tsis txawj mus nriav koj qhovtwg

Kuv ua neej ib leeg lwjsiab nyob seevyees ibleeg lwjntsws

Koj coj kuv mus nrauj tseg tag ces koj khiav txhubkab fauslw

Tshuav koj tus xyw los deev kuv siab ciaj sia nyob khosiab

Khaws ntiajteb txoj kev lwjsiab noj hno txuag kuamuag iab

Subject: Re: Coj Los Nraujzoo Mon Aug 10, 2015 2:36 pm

Yajceebtshiab, koj mas txawj sau lus sib dhos paj huam txhua yam kawg li es ua tsaug ntau uas koj tseem tuaj nrog phov kom peb lub zos no ho sov thiab os.

Kuv xav hais tias lam yog Nkaujhnubqub, Nkaujnagtshia, thiab Nkauj_Dala tuaj nyeem ntshe lawv yuav txaus siab kawg li hos kuv ces tag kev cia siab lawm vim kuv tsuas paub nej hnub tuaj ua table lom zem xwb ces kawg li ntawm........hahahahahahahaha.

Subject: Re: Coj Los Nraujzoo Tue Aug 11, 2015 8:56 am

Sim neej no leej muam tus neeg kuv nco koj mus dua qhovtwg lawm od

Koj puas paub kuv nrhiav koj txhua lub sijhawm-lub ntujkub dhau ntujno

Kuv tos koj 1xyoos ntuj ntsig 12 lub hli txhuanrho los tsis pom koj rovlos

Kuv lub me siab npaunqig npaunqig zoo li kua tooj kua hlau ntws sib tov

Ntuj tiag od leej muam tus nco txhua hnub txhua hmo koj nyob licas xwb

Koj tsis nco txog wb tej lus sib daj sib tawb ntuj ntxov rov rau thaum I

Koj thiab kuv nim hais luag ntxhi tias koj hlub kuv ib leeg hauv lub neej

Kuv tus me zoo neeg koj mus nrog leej twg nyob zov tus twg lub xubntiag

Koj ua ibsiab muab kuv nrauj cia nrog me kab me noog seev ncig ntiajteb

Koj mus nyob rau sab ntuj twg-koj nyob saum nqhuab los yog hauv hiavtxwv

Koj sawv los yog koj pw-koj puas nco tias wb niaj hmo sib yaum mus saib hli

Kuv mus saib ibleeg kuamuag si vim kuv tseem hlub thiab nco koj tag wb sim

Subject: Re: Coj Los Nraujzoo Thu Aug 27, 2015 1:33 pm

Nyob zoo os YajCeebTshiab tus neeg qab zib"

Kev hlub yog koj xub pib"

Hnub no koj yog tus mus ntsiag to"

Kuv mam quaj seev nco ces koj twb dhau

Txhob ua siab yau rov tuaj nyob li qub"

Yeej tseem tshuav kev hlub kev tshua"

Tsis txhob ploj tu ncua cia kuv nyob 1 leeg"

Ntawm lub siab yeej 1 txwm ntseeg

Thov ua lub siab loj siab ntev"

Yog hlub tseeb li hais coj mus ua koj sev"

Koj lub ncauj lam daj lub siab twb tsis deev"

Ziag no kuv lub siab yaj lub plawv ntxeev"

Vim koj hais tsis muaj lub chaw tseeb"

Ua rau kuv lub siab mob lub plawv tsis thaj yeeb"

Me leej nus siab zoo tus siab dawb"

NkaujNag tseem nco nws txhua lo me lus tawb"

Tseem xav tias ntshe yog tiag tiag"

Cas hnub no twb ploj mus ntsiag"

NkaujNagTshia ces lub siab ua loj ua lug"

Lub siab ntxhov ntxhov lub plawv tsis tus"

Lam ua nkauj loj leeb loj le"

ua neeg lub siab tsis nyob nrog cev"

Lam ya puv toj dhia puv pes kom siav ntev"

Yeej tsis muaj tug hais lus zoo npaum li nws"

NagTshia tseem hlub nws rau nruab plawv nruab ntsws

Txoj kev nco tsis zoo muab qhia koj

Yeej xav kom wb ploj mus nyob 1 lub ntuj sthiab"

Mus nyob ywj ntsws ywj wb siab"

Xav kom muaj dua 1 lub ntuj rau koj kuv wb nyob ua ke"

Xav los nrog YajceebTshiab nyo 1 tse"

Cas nim tu siab yuj tsis zoo hais"

Vim nws twb muaj tus ua hmo peb nws ua tshais"

Vim paub yajceebtshiab rau yav lig"

Nws nim nyob muaj cuab txoos muaj yig"

Cas lub ntuj yuav tsis hlub nkaujnag"

Yuav cia txhua tsav txhua yam plag"

Nco ntsoov lwm tiam yog tseem muaj"

Yuav rov los hlub yajceebtshiab tsis pub nws quaj"

Noj los yuav pub pw los yuav puag"

Tsis pub nws quaj poob lub kua muag "

Leej nus ntxim hlub ntxim tshua"

Txhob tu siab tu nrho koj lub kua muag "

Los tuav nkaujnagtshia tes mus ua koj luag ma"

Sib ntsib dua mog YajCeebtshiab..."

NkaujNagTshia....................."

Kuv tsis muaj cuab los koj muaj yig lawm os YajCeebTshiab
Mloog nkauj tu siab kho siab ua ke mog