Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.
Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no.
Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.
Koj sim muab coj mus xav seb koj ho yuav ntaus nqi li cas thiab no???
Last edited by Ntsuj_Plig on Thu Mar 31, 2016 11:31 am; edited 3 times in total
Neb puas tau mus nyeem txog qhov nov lawv tham txog ua npau suav yog li cas thiab zoo nyeem kawg li os......hahahahahahahaha.
Puas tau muaj neeg mus ua si puag tom tej chaw park es muab dab tsi los thaiv qhov muag es mus zaum twj ywm nraum tej zoov mloog lub suab kab noog quaj, lub suab sab neeg hais lus puag tim tej, thiab ntau tsav ntau yam seb zoo li cas ne yom? Vim yog ib tug neeg ua li ntawm mas yog nws lub qhov muag qi lawm ces tsuas yog lub hlwb kaw tej yam zoo li ntawm los ntawm lub pob ntseg hnov txog xwb ho.
haha 2 tug me phooj ywg ntsuj_plig thiab 8tos8nco aw, hais txog qhov ko ces tus yus tau lawm ces nws cem2 yus thaum yus mus ua hluas los ces zoo li tsi nco qab npau suav pom nws li lawm, tsuas yog zoo caij nyoog mam npau suav pom yus tej me qub kiav roj uas yus tsi tau es khuv2 xim xwb hos kuv kuj tsi paub tia xyov nej sawv daws puas zoo li kuv os yog tam sim no yus qi muag ce tsi hnov suab kab noog quaj lawm tsuas hnov suab me nyuam quaj rau yus mloog lawm xwb os lawv aw!
Hahahahaha.....Viyang thiab Ntsuj_Plig, neb mas yeej tseem nco nco tej me qub hluas nkauj kawg li hos ntawm kuv tus kheej ces nco tus nws nej hnub tuaj nrog yus hais lus hauv cab sab xwb vim yog yus cov ntiv tes thiab nws cov ntiv tes pheej muaj qhov tuaj khob keyboards xwb cas kuv ho tsis npau suav nco leej twg li ne.
yog mas yom tus tij laug 8tos8nco aw, kuv los yeej raug cov hluas nkauj nyob rau hauv cab sab dag los ntau zaus lawm thiab mas nej aw, vim cov sab no lawv xav txiav thaum twg los yeej tau thiab tshua hnov lub suab hauv lub Phone thiab pom hauv Net xwb yeej swb tus nyob tom tsev tos yus lawm hos kuv xav os hahahahahaha?
ViYang nws mus mag lub cab sab twg cabsab mag ViYang na? Sim qhia nagtshia mus cem kiag tus dag Nws ntawv seb .Viyang tso dag xwb os .Yog kawg NkaujNagTshia kuj raug cov me nraug cassab dag 1 yam nkaus .Ab kev hlub hauv cab sab ces yeej tsis ruaj tsis khov...
Lawv thiaj hu tias hauv cabsab no ma vim nws tsua yog cab sab li spider co sab xwb tsis rau tsis kho lo os ViYang zoo siab nws tuaj koom peb tham pem pauv tswv 8 nawb los kav tsij nquag nquag tuaj es Peb thiaj nyob tau tsev sov so nawb los ViYang .Oh Nws tuaj tshiab tshiab es cia nagtshia muab 1 zaj nkauj fee ua nws tug yom......