Posts : 426 Points : 546 Reputation : 3 Join date : 2010-02-23 Age : 58 Location : US of A
Subject: ***Dabneeg Sibtxuas...*** Wed Mar 17, 2010 7:56 am
First topic message reminder :
Los nrog kuv sau zaj dabneeg no kom tag seb cov phoojywg sawvdaws... Kuv ua tus pib nawb... yog koj nco tau li cas ces sau li ntawd tabsis thov txhob sau ntau ntau losyog mus mus los los xwb... sau kiag li koj paub sau ntag(be creative kom lomzem rau sawvdaws xwb.
Ceebtoom uantej, nov tsuas yog kev lomzem xwb.
Cia pib tom Lostsuasteb tuaj. Thaum ub peb tseem nyob tim Lostuasteb lub xeev (ab... nco tsis tau lawm ne). Kuv ua ib zaj npausuav tias muaj ib hnub kuv yuav tau ntsib ib pab neeg hmoob uas kuv tsis tau paub dua. Pab neeg no ciali dhau los ua ib co phoojywg rau kuv. Thaum peb los txog Thaibteb los kuv kuj tsis pom pab neeg no li thiab. Ces kuv tsim dheev los mas kuv pheej xav xav tias pab phoojywg ntawd yog nyob qhovtwg nev.... Zaj npausuav no mas yeej tseem nyob hauv kuv lub hlwb los txog niajhnub no li...
Subject: Re: ***Dabneeg Sibtxuas...*** Fri Mar 19, 2010 1:50 pm
Hehehehe.......Kuv los ib yam thiab mas Deegsiab thiab NkaujNyiag,
Muaj ib zaug kuv mus saib Hmoob noj peb caug thawj thawj zaug nyob Fresno, cas kuv mus ncig hauv lub tsav pob nyob tom lub park es muaj cov txoob tawg paj ntsa iab cas kuv mus ncig txog twg los pheej pom tib tug hluas nkauj qub sawv ze ze nrog nraim kuv txog twg xwb. Lub sij hawm ntawm kuv yeej tsis tau xav tias yuav saib leej twg li vim kuv tsuas xav saib Hmoob xwb. Cas thaum kuv yuav tawm los mus tsev es kuv yuav ncaim ntawm lub tshav pob los tseem pom nws los sawv kiag ntawm kuv ncauj ke ua kuv lub siab dai dhuam. Tab sis, thaum ntawm ces twb lig rau kuv xav txog nws lawm vim kuv lub siab cheem tsis tau kuv lub cev thiab lub sij hawm sib ncaim rau thaj chaw ntawm vim kuv yuav mus lawm tiag es yuav tig ntsia nws ib plia lawm xwb.
Xav kom lam yog NkaujNyiag thiab Deegsiab peb sib ntsib rau lub sij hawm ntawm ntshe xav kom peb 3 leeg tau ua ke mus noj fawm seb qab li cas.
Last edited by Nujqiam on Sun Mar 21, 2010 4:53 am; edited 3 times in total
Subject: Re: ***Dabneeg Sibtxuas...*** Fri Mar 19, 2010 2:12 pm
Nujqiam,
Sub tus ntawv yog koj ntag. Kuv tseem me thiab kuv tsis nco qab xyov yog xyoo twg lawm. Kuv twb nyob Fresno thiab xyoo ntawv. Kuv kuj mus koom lawv lub 30 thiab tiag. Kuv pom ib tug nraug Hmoob ma zoo nraug tshaj. Cas lub ntuj ho pub pom xwb tsis pub tau . Kuv mus txog nrav los pom nws. Kuv mus txog pev los pom nws dua. Thaum yuav txog caij los mus tsev kuv nyob tom qhov rooj tos kuv tus nus los tseem pom nws tov thiab. Kuv xav hais nyob zoo rau nws kawg tab sis kuv tseem yau kuv ntshai tsam nws tias kuv niag me nyuam yau tseem tsw tsw quav xwb. Kuv thiaj nyob ib cag nyiag ntsia nws xwb. Kuv phej tos seb nws puas los hais nyob zoo rau kuv. Tab sis nws los phej nyiag ntsia kuv thiab xwb nws kuj tsis los tom kuv li thiab. Kuv los tseem yau thiab kuv kuj xav tau ntau yam thiab. Kuv kuj xav tias xyov nws ntsia kuv yog kuv zoo nkauj los nws ntsia kuv yog kuv phem phem quav. Ces kuv haj yam txaj muag lawm thiab laub.
Ab! Nujqiam cas mloog li koj piav ma cas zoo li koj yog tus ntawv ne. Yog koj yog tus ntawv no zaum no kuv rov tau ntsib tus neeg kuv xav pom ntev los lawm tiag. Koj tsis paub hais tias kuv nrog kuv niam lawv mus taj laj ma kuv yeej nyiag ntsia neeg seb puas muaj ib tug zoo li koj kiag li xwb tiag. Tab sis xam npaum li cas los tsis muaj ib tug zoo li koj li lawm. Kuv thiaj xav tias ntse tsis yog wb hmoov sib raug es ntse yog wb hmoov los sib pom xwb. Txij hnub pom koj los kuv yeej tsis xav tham hluas nraug li lawm tiag. Yeej tsis muaj tus piv tau koj. Yeej xav lawm tias yuav ua nkauj laug tos seb paus muaj hnub rov tau ntsib tus neeg kuv pom ib pliag ntawv no. Tab sis tos ib hnub dhau ib hnub. Tos ib hli dhau ib hli los yeej tsis pom thiab tsis ntsib nws qhov twg li. Muaj ib xyoo kuv txiv tus npawg tus tub tuaj pom kuv ces nws nyiam nyiam kuv ces lawv cia li tuaj nqis tsev hais kuv rau lawv tus tub ntawv lawm. Kuv tsis kam yuav los cov laus lawv pom zoo tias nws yog ib tug tub zoo es kom kuv mus yuav nws es nws thiaj hlub kuv mus txog hnub laus no. Kuv tawv tsis dhau lawv ces kuv thiaj ua ib siab mus yuav nws lawm.
Nujqiam a! Txawm kuv mus yuav txiv lawm los kuv yeej tseem xav twj ywm tias kheev lam kuv rov pom nws ib zaug ntxiv thiab. Kuv xav hnov nws los lus seb nws puas nyiam kuv li kuv nyiam nws thiab. Koj puas paub tias kuv ib nyuag mob taub hau thiab dia hau los kuv ntshai tsam kuv txoj sia tu es kuv nim nrhiav tshuaj noj tas zog kom kuv lub taub hau zoo es tswj kuv txoj sia nyob ntev li ntev tau seb puas yuav muaj txoj hmoo tau rov tsib koj xwb tiag.
Nujqiam koj puas paub tias hauv kuv lub siab tseem nco ntsoov koj lub me cev yiag tus zoo nraug ntxiag na lov. Thaum ntawv koj los tseem yau kuv los tseem me es wb nyias nim txaj txaj nyias muag li es lub sijhawm thiaj tsis tos. Wb txoj kev xav hnub ntawv thiaj tau ploj lawm tav no. Zaum no rov ntsib koj lawm ces kuv yuav qhia rau koj tias. Koj yog tus kuv ntshaw thiab xav tau lub sijhaw ntawv na. Es hauv koj lub siab ho xav li cas rau kuv thiab os? Es koj nes puas tau muaj tab muaj zag na?
Last edited by NkaujNyiag on Fri Mar 19, 2010 5:05 pm; edited 3 times in total