puas muaj ntxiv lawm?

Ncoibsim.....

Yog yuav hais raws li qhov tseeb thiab kom lub neej tom ntej koj tsis muaj qhov xav txog lig mas, ntawm kuv tus kheej yeej xav tias cia koj mus nrhiav dua tus tshiab. Vim tias koj tseem yog ib tug me tub hluas lub koob npe tseem nyob nto moo lug zoo tam li lub txiv uas nyuam qhuav txi tus twg los tseem xav noj seb yuav qab zib npaum li cas. Hos koj tus hluas nkauj nws twb mus ua ib zaug neej zoo tam li lub paj uas kab twb muab yaim khis tas lawm. Tam sim no koj tseem hlub thiab nco nws mas koj tias yuav hlub thiab yuav nws tab sis ntev mus ntshe koj yuav tsis hlub nws lawm, thaum koj xav txog kuv cov lus no ntshe yuav lig rau koj lawm na.

Kuv xav tias txoj kev hlub uas nws thiab koj tau muaj los cia muab ua ib zaj dab neeg ib yam li Yim Laj thiab Nkauj Ntxoo nkawd zaj xwb ntshe yuav zoo dua qhov rov los nyob ua ke lwm hnub tsis hlub. Yog txog thaum ntawd ces ntshe zaj dab neeg ntawd txawm pib tau zoo los ntshe yuav xaus tsis muaj chaw lawm os.

Ib qho ntxiv ntshe xum cia ua li daim paib no hais thiaj yuav tsis mob lub siab lawm os.

Qhov no hais raws li kuv kev xav xwb, tab sis kev txiav txim siab nws yog koj li feem xyuam nawb, Ncoibsim...

Nov yog Yim Laj thiab Nkauj Ntxoo zaj dab neeg.

NYIAJ TXIAG PAUV TSIS TAU KEV HLUB NYIAJ KUB YOG LUB NEEJ KUA MUAG Kuv tseem nco ntsoov thaum koj yuav ncaim lub ntiaj teb no mus, koj tau hais tseg tias " NYIAJ TXIAG PAUV TSIS TAU WB TXOJ KEV HLUB...TXAWM YOG NYIAJ KUB LOS TSUAS YOG KOJ LUB NEEJ KUA MUAG XWB" Vim dab tsi tiag tus neeg kuv hlub, uas koj thiaj ua ib siab tso lub ntiaj teb no tseg. Kuv yeej paub zoo tias kuv yug los rau ib tsev neeg pluag thiaj ua rau koj niam koj txiv tsis kam koj rau kuv los kuv tseem xav tias cia wb mam ua  NKAUJ MUAM NRAUG NUS SIB HLUB tab sis vim dab tsi thiaj ua rau ko ho xav tias koj yuav tsum tau ncaim lub ntiaj teb mus xwb thiaj yuav ploj koj txoj kev hlub kev nco. Suav txij hnub uas koj tau tso lub ntiaj teb tseg thiab ncaim kuv mus lawm nws zoo tam li lub ntuj tsaus nti tsis muaj hnub, ntiaj teb yeej tsis tau txais tus duab tshav ntuj kub. Zoo tam li saum ntuj tsis muaj hli lub ntiaj teb yeej tsis tau txais tus duab tshav ci, thiaj ua rau kuv yog tus yuav tsum tau tiv txoj kev hlub thiab kev nco koj mus ib sim xwb tiag...

zoo siab uas hnub no kuv rov qab tuaj ntsib nej sawv daws dua lawm os cov me phooj ywg zoo,
kuv mus ntev loo  mas nco nej sawv daws kawg li os,
tus tij laug Ntsuj_plig aw tej zaum yuav yog li koj hais lawm os vim kuv rov mus zaum no kuv txhob txwm muab ib lub sij hawm coj mus saib nws yog ua cas ib ntsais muag tom qab 4 lub xyoo xwb nws thiab kuv tau dhau mus ua neeg laus lawm tiag2 nws tsi zoo li Ncoibsim tus Khamla lawm tiag2,
thiab ntshe kuv yuav tu siab nrho tias zaum no tsi muaj nws ntxiv lawm vim txhua yam txawv tag thiab tsi xav kom  nws rov lwj siab dua rau txoj kev ua ib tug poj nrauj yeeb vim kuv xwb thiab cia wb sib nco xwb txhob sib tau thiaj kav laus os,

Ncoibsim......

Thaum koj rov mus pom nws tas yog koj lub siab nqig lawm ces ua ib siab cia neb txoj kev nkauj kev nraug ua ib zaj dab neeg sib hlub tsis sib tau, es mam muab sau cia rau hauv internet no rau peb txhua tus nrog neb nyeem thiab nrog neb quaj txhob cia rau koj ib leeg quaj xwb ntshe yuav zoo dua qhov neb rov los nyob ua ke lwm hnub tsis sib hlub ces tsis xav muab zaj dab neeg no los sau lawm na...

Zoo siab rov ntsib koj dua thiab cia siab tias koj ua kwv yuav ntsib kev noj qab nyob zoo thiab thaum rov mus txog toj siab hnov tej me suab kab suab noog quaj ntshe yuav kho siab zim no os.

Lub sij hawm uas kuv rov tau mus txog pem peb lub qub zos peb ib co me qub phooj ywg kuj tau mus yos hav zoov caum nas caum noog tua lom zem heev li thiab thaum sawv ntxov nim yuav hnov tag lub me suab cuam ib txwm kau uas yav ntuj qub qab lub me neej kev hluas uas ib txwm mloog nim kho kuv lub siab mus tsi tag kheev lam txhua yam rov pib tau li qub ntshe txawm yuav nyuaj thiab tus qhi kim npaum li cas los ntshe kuv yuav muab nyiaj kub npoog kom rov tau tig rov qab dua ib zaug ntxiv