Ncoibsim Tus Qub Mob

Tej niag qub dab neeg nov ces yog koj tus hluas nkauj tsis mus yuav Suav ces tej zaum kuv twb tsis ua duab rau koj nco qhov kuv ua duab rau koj tau nco nws thaum koj tuaj ua hauj lwm ces tsuas yog peb tuaj sim kev txawj (skill) seb peb puas tshaj lij li lub ntiaj teb tias peb ua tau tej yam peb nyiam rau peb Haiv Hmoob tuaj rag txuj laug hnub lom zem xwb hos txhua yam yeej yog li koj hais lawm os.

Hais txog ntawm koj tus hlub tam sim nov neb lub neej ces yog neb sib sib hlub es me nyuam puv vaj puv tsev lawm ces tej zaum koj txawm yuav tham qhia nws hais tias thaum ub koj muaj ib tus qub hluas nkauj yog leej twg thiab ntxim ntxim hlub npaum li cas los yog koj qhia nws ncaj ncees li koj zaj keeb kwm xwb ces nws yuav tsis xav li cas rau koj thiab nws yuav txaus siab rau koj hais tias zaum no koj yog nws tus hlub mus ib txhis lawm ces nws yeej txaus siab nrog koj ua neej lawm ces kawg ob leeg yuav sib hlub mus kom txog rai hnub ob leeg nkag nkuj nkoos mus kev tsis zawj lawm los tseem sib hlub qees.

haha tij laug...............,

kuv nyiam daim duab uas nyob saum lub hli no heev li os, tij laug a tos kuv ho niaj hnub muab coj tuaj seev rau nej tau mloog los kuv ib sim neej ces nws ib leeg thiaj coj tau tus yam ntxwv haum kuv tshaj plaws li thiab nws hlub kuv tshaj plaws li xwb tsuas hnov tej laus hais tias yus muaj zoo kwv tij neej tsa los yog zoo nkauj muam nraug nus es thaum yus mus saib lawv thiaj li tua qaib rau yus noj xwb tab si txhua zaum uas kuv tau mus saib tus hluas nkauj no nws yeej ntim qaib tuaj rau wb noj tas li xwb thiab zaum kawg uas kuv mus saib nws tsis ntev los no nws tau tua ib tug qaib vom siav2 thiab ib pob mov tuaj rau wb noj hos thiab hnub kuv yuav los nws kuj tua ib tug tuaj ntim kuv su thiab hos, muab xav qhov nws cia kuv nyob ib leeg rau lub teb chaw nplog no mas kuv yeej chim2 rau nws kawg os tab si xav qhov nws tau ua zoo2 li no rau kuv mas tseem nco nws heev li os tseem niaj hnub seev txog nws tas li xwb os.
tos nws ho ua ib siab mus yuav suav lawm los tej zaum nws ua zoo txaus rau kuv lawm los kuv nim tsis paub maj li nws thiaj tu siab nrho mus lawm tiag2, txhua zaum kuv mus saib nws ces nws yeej quaj tas li xwb thiab nws hais tias ua cas kuv yuav siab qeeb ua luaj kheev lam nws yog txiv neej ntshe nws twb tuaj nqis tsev hais kuv lawm no hos..................

yeej li os tij laug aw,

yog kuv ntxov paub tias wb daim ntawv yeej tsi tau los ua niam txiv ces thaum ntawv kuv twb ua tus tsis paub nws lawm thiab kheev lam tias nws mus yuav peb cov hmoob nyob lub teb chaw nplog no xwb mas thaum twg kuv muaj kev ntxhov siab los yog rov nco2 nws ces kuv yuav mus ncig kom txog nws tej qab vag tsib taug seb nws nyob li cas lawm txawm tsis tau pom thiab tsi tau nrog nws tham lawm los tsuav tau pom nws tej khob ncaws ziab nraum tej zoov xwb kuv twb zoo siab lawm os, hos nws mus suav teb lawm ces xyov nws mus zoo li cas, mus tau lub neej zoo ua los yog mus tau lub neej ntxuag kua muag los kuv yeej tsi paub li lawm,
thaum nws yuav mus tiag2 ces nws tsua hais tau tib los tias txij no tov ces tsis muaj ib tug Khamla ruam quaj2 taug los rau kuv chim ntxiv lawm thiab nws yeej lees txhua yam txoj kev txhaum li cas los tsuav kuv txhob pauv phone number xwb seb nws mus zoo li cas no nws mam rov hu los tab si twb tsis tau pom nws rov hu los li tiag...................