Subject: Cas yuav kho siab ua luaj li.. Wed Mar 24, 2010 1:03 pm
First topic message reminder :
Nej puas muaj tej hnub es kho khoooooo siab tsis pom qab yuav ua li cas li... Ua cas kuv mas tej lub sij hawm mas kho siab kawg li.. Kuv tsis paub tias xyov yog vim li cas li, tsuas yog pheej kho kho siab xwb. Kuj tsis paub tias xyov yus nco leej twg li thiab tiag.. Tsuas yog kho siab xwb tiag.. It's so hard to describe...
Ntshe tej zaum kuv tus nruj plig poob zoo lawm pob? Es thiaj li ua rau kuv kho siab ua luaj li pob???
Author
Message
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: Cas yuav kho siab ua luaj li.. Wed Mar 24, 2010 4:44 pm
Nyobzoo Nkauj Nyiag,
Oh, kuv tham uasi xwb os. Yog yuav muab tham tias vim licas yus thiaj nyob tau kho siab, tu siab, thiab chim siab ces kuv muaj ib zaj thiab mas.
Koj ho mloog kuv zaj nawd,
Kuv kho siab vim kuv ua neej tsis xws luag, Kuv kho siab vim kuv lub neej ntsuag, Kuv kho siab vim kuv ua neej tsis phim lawv, Kuv kho siab vim kuv tsis txawj ntaub ntawv, Kuv kho siab vim kuv niam kuv txiv nyob deb, Kuv kho siab vim kuv ua neej tsis xws ntiajteb, Kuv kho siab vim kuv niam kuv txiv tuag tag, Kuv kho siab vim kuv ua neej tsis xws ntiajnrag, Kuv kho siab vim kuv ntshaw lub neej zoo, Kuv kho siab vim kuv tsis muaj txoj hmoo zoo, Kuv kho siab vim kuv ntshaw txojkev hlub, Kuv kho siab vim kuv tsis muaj txoj hmoov kub, Kuv kho siab vim kuv ntshaw luag niam luag txiv, Kuv kho siab vim kuv tsis paub luag lub siab chis, Kuv kho siab vim kuv tsis paub tias uacas kuv zoo tsis txaus, Kuv kho siab vim kuv tsis muaj viv muaj ncaus, Kuv kho siab vim kuv ntshaw niampog txivyawm txojkev hlub, Kuv kho siab vim kuv tsis xav ua lub siab dub, Kuv kho siab vim kuv ntshaw nkauj ntshaw muam, Kuv kho siab vim kuv raug luag cem thiab thuam, Kuv kho siab vim kuv ntshaw kwv ntshaw tij, Kuv kho siab vim kuv lub neej kuv npaj tsis muaj txhij, Kuv kho siab vim kuv ntshaw lolus zoo, Kuv kho siab vim kuv xav nug txhua tus moo, Kuv kho siab vim kuv ua npaum twg los tsis zoo, Kuv kho siab vim kuv tsis pom kuv txoj kev txhaum, Kuv kho siab vim kuv hlub luag los luag tsis lees paub,
Haub yauj..., hais tsis paub tag li os, ahhahahaha, tso dag xwb os.
Subject: Re: Cas yuav kho siab ua luaj li.. Thu Mar 25, 2010 7:31 am
Nyob zoo os niamlaus Npaujnpaim,
Wow! yog koj muab tag nrog yus lub neej los xav li koj ces kuv kawg die tam sim no lawm xwb os........kuv ces poob qab tas txhua txhia yam li lawm os niamlaus. Muab hais los twb piv tsis tau koj/lawv ib qho me me li rau tes li. Kuv ho muab xav hais tias yus lub peev txwm mus tsis txog ces yus ua tau li yus lub peev xwm xwb. Yog yus lub peev xwm mus txog yus yeej muaj nyiaj muaj kub muaj vaj muaj tsev zoo zoo nrog luag nyob...thiab kawm yuav siab siab ib yam luag thiab. Tab sis qhov ntawv yog yus lub peev xwm mus tsis txog yus yuav tsum zoo siab txij qhov yus ua tau xwb. Tsuav yus ib niam txiv sib sib hlub xwb...Luab tej tom tej tsis hlub yus los txhob ntshaw...Qhov yus ntshaw tshaj ces yog yus tus txwj nkawv hlub yus xwb os me niamlaus.
Niamlaus ma muab xav tob tob dhau lawm es tsam kuv ntsha nce thiab laub.......ehehehhe
Subject: Re: Cas yuav kho siab ua luaj li.. Thu Mar 25, 2010 12:51 pm
Ob tug viv ncaus Npauj npaim thiab Nkauj nyiag... Yog muab hais los ces peb ntshaw ib yam xwb..
Kuv tu siab vim kuv ruam, tsis paub lus paub ntawv, ua lub neej tsis phim lawv. Kuv tu siab vim kuv tsis nrog luag txawj luag ntse, lub neej thiaj li poob nqe. Kuv tu siab vim kuv ntxom nyem thiab pluag, lub neej thiaj caum tsis cuag luag. Kuv tu siab vim kuv zoo nkauj tsis txaus, luag thiaj hlub yus tsis sib npaug. Yog kuv lam zoo li niam pog txiv yawg ntshaw, ces ntshe kuv ua lub neej twb tsis los lub kua muag daw.
Yog lwm tiam muaj tiag, mam los muab dua ntaub dua ntawv ntshiab mam yus dua tshiab..
Li mam los xaiv dua txij dua nkawm ntshiab. Li mam los nrog luag txawj luag ntse kom lub neej ntxhob poob nqe. Li mam los yug kom zoo nkauj txaus, luag thiaj li xav hlub sib npaug. Li mam los ua lub neej kom muaj, thiaj li caum cuag luag cov muaj. Li mam los ua tus nyab uas niam pog txiv yawg ntshaw, lub neej thiaj li tsis los kua muag iab kua muag daw.
Yog lwm tiam tsis muaj ces ntshe yuav tag ib sim li lawm os hmoob aw...
Subject: Re: Cas yuav kho siab ua luaj li.. Thu Mar 25, 2010 12:55 pm
Npauj Npaim aw... Lub ntuj me li me,.. Es wb yuav mus ncig rau qhov twg..?? Wb txawm yuav mus ncig qab roob dhau qab ha los ntshe twb daws tsis tau wb txoj me kev ntshaw.
Kuv nyiam qhuav mus pem kuv niam lawv los ces kuv tsis mus os.. Es yog koj mus no ces mus lom zem koj nawb.. Lub weekend no ces kuv yuav mus nrhiav ib lub car rau kuv tus daughter os..
Kuv tseem hniaj hnub nyeem phoo bible li thiab ma..But kuv yeej tsis tau taub kiag li os..
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Subject: Re: Cas yuav kho siab ua luaj li.. Thu Mar 25, 2010 1:15 pm
PoobZoo,
Uacas koj yuav hais pajhuam raug kuv lub siab ua luaj, Ua rau kuv lub siab mob mob, lub kua muag poob nthav tawm plaws tuaj, Uacas koj yuav hais pajhuam raug kuv lub neej ua luaj na, Ua rau kuv lub siab mob mob, lub kua muag poob nthav,
Ab..., ua cas wb yuav los sibntsib ua ob vivncaus zoo ua luaj, Wb ob leeg puav leej taug ib txog kev poob kua muag, Ab..., ua cas wb yuav los sibntsib ua ob vivncaus rau tiam no, Wb ob leeg puav leej taug ib txoj kev poob lub kua muag nrog,
Sim neej no tu lub siab tshaj no ces kawg tuag, Xav npaum licas los yus yeej zoo tsis cuag luag, Sim neej no tu lub siab tshaj no ces kawg tuag kiag, Xav npaum licas los yus yeej zoo tsis cuag luag tiag,
Vim yus tsis yog ib tug tsiaj es xav tuag ces muab tua noj, Yus yog neeg ces luag ua phem rau yus los yus ua ib siab muab tej ntawd npog, Vim yus tsis yog ib tug tsiaj es tsis zoo lawm ces xa mus pov tseg, Yus yog neeg ces luag ua phem rau yus los yus ua ib siab uv tseg,
Lub neej ntsim siab ces leej twg los yeej tsis xav taug, Ua neeg nyob leej twg los yeej xav kom zoonkauj thiab zoonraug, Lub neej ntsim siab ces leej twg los yeej tsis xav yuav, Ua neeg nyob leej twg los yeej xav kom muaj txhij muaj txhua,
Xav qhov phem ces yeej tsis xav nyob lub ntiajteb no, Xav qhov zoo xwb es thiaj tsis ua rau yus mob, Xav qhov phem ces yeej tsis xav nyob lub ntiajteb no li, Xav qhov zoo xwb es thiaj lam ua neej nyob luagntxhi os mog.
Poob Zoo wrote:
Ob tug viv ncaus Npauj npaim thiab Nkauj nyiag... Yog muab hais los ces peb ntshaw ib yam xwb..
Kuv tu siab vim kuv ruam, tsis paub lus paub ntawv, ua lub neej tsis phim lawv. Kuv tu siab vim kuv tsis nrog luag txawj luag ntse, lub neej thiaj li poob nqe. Kuv tu siab vim kuv ntxom nyem thiab pluag, lub neej thiaj caum tsis cuag luag. Kuv tu siab vim kuv zoo nkauj tsis txaus, luag thiaj hlub yus tsis sib npaug. Yog kuv lam zoo li niam pog txiv yawg ntshaw, ces ntshe kuv ua lub neej twb tsis los lub kua muag daw.
Yog lwm tiam muaj tiag, mam los muab dua ntaub dua ntawv ntshiab mam yus dua tshiab..
Li mam los xaiv dua txij dua nkawm ntshiab. Li mam los nrog luag txawj luag ntse kom lub neej ntxhob poob nqe. Li mam los yug kom zoo nkauj txaus, luag thiaj li xav hlub sib npaug. Li mam los ua lub neej kom muaj, thiaj li caum cuag luag cov muaj. Li mam los ua tus nyab uas niam pog txiv yawg ntshaw, lub neej thiaj li tsis los kua muag iab kua muag daw.
Yog lwm tiam tsis muaj ces ntshe yuav tag ib sim li lawm os hmoob aw...