Subject: Hmong American New Year 2017-18 Wed Aug 30, 2017 10:22 pm
First topic message reminder :
Hais txog peb Hmoob kev noj peb caug txais tos lub xyoo tshiab tsis yog kev sib tw lag luam los yog meej mom kom peb Hmoob yuav tsum to taub hais tias Hmoob lub peb caug yog poj ua cia yawm ua tseg yog tsim tsa lub koob tsheej los txais tos lub xyoo tshiab kom muaj kev cia siab rau tub ntxhais tuaj mus sib nrhiav txij nrhiav nkawm thaum lawv tej niam tej txiv khwv khwv puag ncig lub xyoo ib xyoos ntuj zeeg puag ncig tig rov los txog es tsav neeg Hmoob thiaj li muaj hnub so (self-holiday) los nyob xwb yog los so, los zaum, thiab los haus dej qab zib kom lom zem xauv npo txais tos lub xyoo tshiab mas yog li ntawm Hmoob thiaj li los npaj nyias lub peb caug es txawm hais tias lub zos twg yuav muaj neeg coob thiab tsawg los nyias yuav tsum muaj nyias txoj cai los txhawb nqa thiab noj nyias lub peb caug qhuas txog nyias lub zej lub zos ces twb yog tej laus txoj kev ywj siab rau tub txhais tuaj lom zem ua si ywj siab (sib tham luag ntxhwb ntxhi ua si) uas yog ib xyoos muaj ib zaug rau Hmoob cov niam nkauj ntsuab thiab txiv nraug nab (hnav zam thiab tsoos tsho tshiab tshiab haib haib) tuaj sib nrhiav ua lub chaw cim tseg thiab txais tos lub xyoo tshiab kom noob neej Hmoob txawj Hmoob hlub Hmoob lub neej pem suab yuav nyob li ntawm mus tsis tag tsis kawg.
Hais txog kev yees duab thaum noj peb caug rau hauv duab thiab rau hauv yeeb yas kiab ces yog nyias lub peb caug muaj cov neeg txawj yees duab (paub txog tej chaws tsom duab) kom pom cov neeg tseeb tseeb thiab zoo nkauj zoo nraug, pom muaj background kom phim lub xyoo tshiab, paub txog cov duab muaj tsim uas yuav tso tawm rau saum huab cua, thiab interview tej neeg zoo nkauj zoo nraug los yog tej laus neeg kom muaj cov neeg hais lus zoo zoo cia rau keeb kwm Hmoob ces lub peb caug ntawm yeej nrov kawg li las ma. Tab sis, yog lub peb caug twg neeg mus yees duab es pom ntsaum khiav lig nqas thiab duab los tsis pom zoo nkauj zoo nraug li ces txawm lub peb caug twg los yeej tsuas qhia tias qhov co co thiab nti nti tim yog noj peb caug xwb hos xyov nws yog nws dab tsi li ces Hmoob yeej khaws tsis tau ib yam puav pheej tseg ua dab neeg Hmoob li mas peb Hmoob cov neeg yees duab thiab peb com nom tswv Hmoob yuav tsum nco ntsoov hais tias lub peb caug yog lawv lub thiab lawv kev saib xyuas ywj siab tau li qhov lawv nyiam kom lawv lub peb caug nrov vim lawv lub zeem muag twb nyob ntawm lawv ob lub qhov muag thiab ob txhais tes lawm es tsis txhob pheej cia noj peb caug tag mam li saib seb lub peb caug puas ua tau zoo nkauj li cas xwb ces lub sij hawm tig tsis tau rov qab lawm ces yeej kawg mam li npaj tos rov rau lwm xyoo lawm xwb vim li ntawm es peb thiaj li pom muaj qee lub peb caug nrov nrov hos nqee lub peb caug ces lam noj xwb tsis nrov li los muaj.
Piv xam li nov, cov neeg yees duab twb yog cov neeg tuaj ua free gifts rau lub koob tsheej lawm mas cov nom tswv yuav tsum muaj ib qho chaw seem nruab nrab nyob kom ze rau lub sam thiaj kiag rau cov neeg yees duab tuaj ncig mus ncig los ywj siab yees duab mas lawv thiaj li yuav ua tau hauj lwm rau Hmoob lub peb caug seb zoo nkauj npaum li cas hos yog Hmoob cov nom tswv cia cov neeg yees duab mus nyob puag nram qab kawg zoom in tuaj mus rau puag tim daim sam thiaj yees duab xwb ces txawm leej twg yuav muaj koob yees duab zoo npaum li cas los yeej kawg saib ntsaum xwb los yog.
Hais txog ua koob tsheej txais tos lub xyoo tshiab hauv tsev mas yuav tsum muaj ntau lub sam thiaj thiab chawm mus li nram nov:
sib tw txhais nkauj tsuab thiab nraug nab nws yuav tsum muaj nws ib lub sam thiaj.
hmoob cov singers yuav tsum tuaj show lawv tej suab seev music nws yuav tsum muaj nws ib lub sam thiaj yog ua tau.
neeg tuaj hais kwv txhiaj, seev lus taum, thiab pov pob tso tshav plhuav rau hauv lub loom tiaj xwb.
neeg tuaj ntau ping pong, ntau qaib, dhia hlua yas, ntaus kab poom, ntaus kab taub, pov masketball rau me nyuam yaus tau tuaj txawb ball, thiab ntau npas mas yog muaj chaw txaus nyob rau hauv lub loom tiaj mas thiaj li yuav ua tau yog last option.
Note: Tseeb thiab cuav, tej lus peb tuaj sau tham pem ua si laug hnub saum nov tsuas yog niag lus piav pem xwb es thov nej cov tuaj nrog nyeem peb tej lus ho ua siab ntev mog.
Author
Message
nrhm Guest
Subject: Re: Hmong American New Year 2017-18 Thu Nov 16, 2017 7:02 pm
nrhm Guest
Subject: Re: Hmong American New Year 2017-18 Wed Nov 29, 2017 8:57 pm
Hehehehehehe......zaj nkauj nov qhia tau tias peb Hmoob tuaj ciaj ua ib tsav neeg Hmoob-Meskas nyob rooj teb no lawm tiag vim tej laus rov tsis tau qab lawm ces tej laus yuav plhis mus ua cuam kub cuam tooj lawm xwb es thov kom peb tsav neeg Hmoob yug los tshiab yuav tsum sib sib hlub nyob rooj teb no ces yog sawv daws tu tub tu kiv los sib hwm, sib zeem, thiab sib paub mus nrhiav nyias txij mus nrhiav nyias nkawm es kom peb Hmoob thiaj li nrog luag muaj lub neej Hmoob ua nyob zoo li Hmoob mus tsis tag tsis kawg.
(right click rau daim duab koj yuav muaj ntau options ntxiv thiab koj yuav saib duab nrog lub suab music 24hrs los tau)
Looj Ceeb thaum Hmoob yuav ncaim koj mus ua zaug kawg, Hmoob txhua tus quaj kua muag sis daub thiaj ua rau peb cov nom tswv Hmoob thiab lawv tej poj niam tub se nyob lub nroog Looj Ceeb tau mus sib tw nce dav hlau C-46 thiab C-130 uas yog pab Hmoob 2500 tus tau ya tawm lub teb chaws Nplog hla tus niam dej Nab Khoom mus rau sab Thaib Teb tso lub nroog looj ceeb nyob ntsiag txiaj thiaj ua rau Haiv Hmoob raug tawg ri rws ua sab ua sua mus nyob rau nruab zoo nruab tsuag nrog nyaj thiab cuam ua lub neej nyob yoo tshaib yoo nqhis tsis muaj tus hlub es peb Haiv Hmoob thiaj li muaj ib feem raug tawm teb chaws mus nyob thoob plaws lub ntiaj teb lawm.
Yog koj tseem nco lub nroog Looj Ceeb tiag ces kuv thiaj li qab siab mus nrwb, mus nrhiav, thiab mus rub luag tej duab yeeb yaj kiab los rau peb saib vim yeej tseem muaj cov neeg rov mus yees tau duab videos lub nroog Looj Ceeb tseg cia rau Youtube lawm. Tab sis, tsis paub hais tias lub sij hawm nov luag cov neeg nom tswv Nplog puas kam peb Hmoob rov mus yees duab lub nroog Looj Ceeb seb Pub Thawj thiab neeg Los Tsuas puas tseem nrog zov Hmoob lub nroog Looj Ceeb rau Hmoob rov mus saib mus xyuas os.
Hehehehehe...... true or false, kuv lam sau lus ua si xwb vim kuv tsis paub lub nroog Looj Ceeb zoo ces tsuas mus nyeem hauv tej ntawv xov xwm los sau ua tab ua tauv xwb los thov nej cov tuaj nrog nyeem ho ua siab ntev mog.
nrhm Guest
Subject: Re: Hmong American New Year 2017-18 Thu Jan 18, 2018 8:33 am