Cawmsiab

Subject: Cawmsiab Mon May 10, 2010 12:53 am

First topic message reminder :

Nyob zoo cov phooj ywg Nkauj muam Nraug nus sawv daws,

Hnub no kuv muaj lus tshwj xeeb zoo siab tau tuaj ncig txog nej lub zos Hmongheaven Forum, tuaj pom nej sawv daws nyob lom zem xauv npo li lub zos Hmongza thiab zos Hmoob tshav ntuj. Kuv nyob ntuj qub qab qub teb qub chaw uas peb cov phooj ywg nkauj muam nraug nus muaj hnub nyoog li 35 xyoo tawm rov sauv uas tseem muaj tsho tsuj tsho npuag nyob ntuj qub qab es kuv nyob deb puag ib ntxee ntuj ya dav hlau tuaj ib hnub ob tog tsaus thiaj yuav tuaj txog nej .

Peb txawm tsis sib pom tsis tau tuav tes los lub quag ntuj tshiab no yooj yim rau peb kev sib tham sib pauv tswv yim hauv Forum lawm muaj dab tsi peb sib cog qhia sib cog kawm kom paub koj paub kuv es peb mam sib pauv tswv yim mus rau qhov zoo thiaj yuav ua rau peb hmoob vam meej mus rau yav pem suab.

Subject: Re: Cawmsiab Fri Dec 17, 2010 9:48 pm

Leej nus Hmoob Ntuj Qub Qab

Tus me neeg txawj nqee
Hais lo twg los seev yee tau zoo lus ua luaj
Nws ma cas yuav txawj qhua
Nws ua rau leej muam nquag lawm ob peb kauj ruam
Nws ma txawj hais lus zoo qhia luag
Nws cov lus zoo txhawg zog zoo tiag
Nws hais kiag hauv nws lub siab tuaj kiag
Leej muam qhuag pliag lawm ob peb hnub
Leej muam ma ntshai rwg
Tsam leej muam tsis txawj nrog luag txuas lus
Luag yuav tsis tseeg leej nus cov lus
Muaj leej nus qhua qhua leej coj tau tus
Ces leej muaj yuav tau xyaum coj zoo zoo mus
Leej nus thiaj tsis poob koob npe rau luag nroo
Leej nus txawj qhuas leej muam txawj coj
Leej muam yuav tau xyaum coj
Kom leej nus lub koob txhob poob ploj
Leej nus thiaj muaj phoojywg coob poog poj
Puv ntiaj tog qaum pes muaj koob nrov npe
Nas leejnus Hmoob Ntuj Qub Qab tus lus zoo cuag zig ntab...hehehee

Leej nus saib paj daj tawg tsaj zaj puv hav tau zoo nkauj tshaj os

Hmoob ntuj qub qab wrote:: Nyob zoo nkaujhnubqub

nws tuaj nrog leej muam Nkauj Nyiag wb txuas lus kom peb thiaj txawj hais lus tus
leej muam Nkauj Nyiag nws hais lus zoo txhua leej thiaj xav poog
leej muam Nkauj Nyiag nws txawj hais lus ncaj txhua leej thiaj tias nws zoo tshaj
wb yuav tau kawm kev hais lus ntawm leej muam Nkauj Nyiag wb lub siab thiaj nyob kaj liag
yuav tau yoog tus neeg txawj thiaj yuav tsis txhawj
ua yam twg los zoo txhua tsav los muaj hmoo
nas nkaujhnubqub tus neeg ntxim hlub

Subject: Re: Cawmsiab Sun Dec 19, 2010 9:48 pm

NkaujNyiag wrote:: Nyob zoo os leej nus Hmoob Ntuj Qub Qab

Cas ob peb hnub no
Leej muam lub sijhawm yuav tsawg ua ua luaj
Xav nrog leej nus txuas lus los cas sijhawm tsis txaus
Xav nrog leej nus tham thiab nyob ib pliag
Los cas sijhawm tsis ti nkaus
Hais tsis tau ib los lus zoo ntxim raug nws plawv
Vam tias leej nus yuav tsis chim tsis hais lus tshawv
Sijhawm ceev ceev ces lam hais tom ntej rau tom qab
Vam tias leej nus yuav tsis xav li cas
Leej nus tseem yuav rov tuaj tsham nug moo hav tshooj cab sab
Vim nco nco leej nus ces qee sijhawm tuaj hais lus ob peb kab
Kom hnov nws ib lo lus kab ntsab
Rov mus lawm los lub siab thiaj nyob kaj
Thiaj xav ua num txhua txhia fab
Leej nus cov video sib pab ciaj vaj
Yog ib co lus nyiaj los lus kub
Yog leej twg txawj mloog txawj khaw
Ces yuav coj tau mus ua neej muaj koob nto npe
Yuav kawm tau coj mus ua zoo ib tug niam tsev txiv tsev
Lawm yav tom ntej mus ib sim neej
Nas yuam leej nus Hmoob Ntuj qub Qab

Mloog nkauj xyoo tshiab os leej nus
Thiab ua tsaug rau leej nus lub paj
Zoo nkauj tshaj saib tag lub siab twb kaj