Cas tsis pom nej tag lawm

Subject: Cas tsis pom nej tag lawm Fri Mar 22, 2019 9:33 am

First topic message reminder :

Nyob zoo Ib tsoom phooj ywg.

Yog vim dab tsi ib pliag ntshi zoo yam nkaus tus neeg tuag uas qi muag tsim los tsis pom nej tag lawm. Peb ib txwm nyob ua phooj ua ywg rau thaj chaw no muaj kev sov siab so los lawm tau ib ncua sij hawm. Tab sis hnub no txawm yog thaj chaw no yuav tsim tau zoo nkauj npaum li yawm saub tsim lub ntiaj teb rau tib neeg nyob los, tej neeg uas niaj hnub sib pom thiab sib thab sib zeg ua lub zos no muaj suab nrov ncha ntws npaum li tej me cuam kau pem tej laj roob ua rau lub zoov nuj txeeg nyob tau kaj liag twb ploj mus tag lawm.

Puas yog tias thaj chaw no tsuas zoo ib yam li te neeg los nyob hauv lub ntiaj teb ib vuag xwb yuav dhau mus. Ntau zaus muaj ib txhia ntseeg tias thaum lawv tas lub neej txoj sia lawm lawv yuav tau mus nyob ntuj ceeb tsheej, tab sis kuv ntseeg tias " NTIAJ TEB TSIS YOG PEB QHOV CHAW NYOB MUS IB TXHIS.... QAUM NTUJ YEEJ TSIS MUAJ CEEB TSHEEJ. " Yog thaum koj paub li no lawm yog peb sib ncaim ntawm thaj chaw no mus yuav tsis muaj hnub tau rov sib ntsib li lawm os. Txoj kev ua neej zoo tam li tus dej ntws saum roob tsuas mus rau tiaj nrag, nws yeej yuav tsis muaj ib zaug tus dej ntawd yuav rov ntws los tshuam dua pem lub hauv dej ib zaug ntxiv.

Peb txoj kev phooj ywg uas tau tuaj sib paub hauv no thaum dhau mus lawm yeej sis muaj hnub koj yuav tau rov pom kuv dua kuv yuav tau rov ntsib koj ntxiv. Nco ntsoov tias dej ntsws txawm roob hav yuav thaiv siab npaum twg los nws yeej yuav lug toj lug pes mus kom tshuam hiav txwv. Peb txoj kev phooj ywg thaum dhau ntawm thaj chaw no mus lawm ces suav hnub suav laus zuj zus thiab thaum kawg koj yuav nrig cwj kuv yuav nrig pas lawm xwb tiag.

Yog txhob muab xav kuj tsis ua li cas tab sis yog ua tib zoo muab los zaum xav mas txaus tu siab heev li os. Tus dej toj siab uas qab laj siab heev thaum mus tshuam rau hiav txwv lawm twb mus nrhiav ce tsis tau ib khob los haus mloog tus ntxhiab dej laj siab uas thaum ntws tawm pem roob tsuas los lawm. Txoj kev ua neej thaum koj laus tag kuv laus dua ces ntshe ceeb laj mus nrhiav tau tus mi phooj ywg uas ib txwm nyob Hmong Heaven lub suab luag rov coj los saib dab muag lawm os.

Kawg no, ua ntej thaum koj yuav ncaim thaj chaw no mus yuav tau tuaj sau kom tas koj zaj dab neeg cia. Muaj ib hnub twg koj laus tag kuv laus dua los thiaj tshuav qee yam khaws tseg rau sawv daws tau nyeem mog.

Sib ntsib dua.

Ntsuj_Plig

Subject: Re: Cas tsis pom nej tag lawm Wed Dec 22, 2021 3:34 pm

Nyob zoo Nkaujhnubqub thiab Nkauj Dala,

Zoo siab ntsib koj nawb, tau muaj 2 weeks dhau lo, kuv pom Nkaujhnagtshia sau PM rau kuv hai tias, nws tsi tsua xi neej thiab nws ntxaug ntxaug lawm no, kuv lo kuj tsi paub seb nws ho zoo lawm lo tsi tau. peb cov nyob rau California nov ma cov neeg kis kab mob ma coob kawg nkau, cov tuag lo tuag tsi tseg, sawv daws kis tus kab mob nov ce yeej yog txua yim neeg li os, cov muaj hmoo ce kuj zoo tag lo lawm cov tsi muaj hmoo ce tuag txob ib ob leeg tom ib yig os, muaj tej khub niam txiv lo kuj tuag ua ke li lawm thiab ma tus siab kawg nkau.

Subject: Re: Cas tsis pom nej tag lawm Thu Feb 17, 2022 6:01 am

Nkauj Hnubqub

Ntev heev uas tsis tau sib ntsib koj li lawm puas noj qab nyob zoo os? Cas peb ib txhia phooj ywg ploj tag lawm. Cia siab tias koj thiab tsev neeg yuav nyob zoo nawb.

» Tsis Nco Kuv Lawm Los?
» Yog Tsis Pom Kuv Lawm
» Cas Mus Tsis Rov Tuaj Lawm
» KUV COV PAJ HUAM
» thaj chaw mloog nkauj