April 2024 | Sun | Mon | Tue | Wed | Thu | Fri | Sat |
---|
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | Calendar |
|
Latest topics | » Duab Zaj (The Rainbow) by davdub Sun Apr 21, 2024 12:15 pm
» pajhuam nco by davdub Mon Apr 01, 2024 10:38 pm
» Yuav Tos Koj Txog Hnub Twg by davdub Mon Apr 01, 2024 10:23 pm
» hlub lwm tiam by davdub Mon Apr 01, 2024 9:57 pm
» Happy New year 2024 by davdub Mon Apr 01, 2024 9:46 pm
» Luag Lam Ntxias by davdub Mon Apr 01, 2024 9:41 pm
» Upload Duab Thiab Post Duab by davdub Thu Sep 14, 2023 11:38 pm
» PUAS NCO KUV LAWM by davdub Sat May 06, 2023 12:02 am
» TXOJ TWG THIAJ YUAV YOG TIAG by davdub Wed Mar 01, 2023 12:21 pm
» Xaus Li No by davdub Sun Feb 26, 2023 8:40 am
» KHAWS TSEG UA DAB NEEG by Ntsuj_Plig Sun Feb 26, 2023 7:22 am
» KUV COV PAJ HUAM by davdub Tue Oct 25, 2022 3:49 pm
» TSO DUAB TAU SAIB by davdub Thu Jul 28, 2022 1:32 pm
» Mus nchig saib lub State Hawaii by Ntsuj_Plig Tue Jul 19, 2022 6:09 pm
» Hmong American Weekly: with guest Mayor Steve Ly of Elk Grove, CA Published on May 26, 2018. by davdub Thu Apr 21, 2022 2:52 am
» Ploj lawm ntsiag Moos by davdub Wed Apr 20, 2022 11:26 pm
» Nyob zoo xyoo tshiab rau 2022 by davdub Thu Apr 14, 2022 8:26 pm
» Sib Nug Moo by davdub Thu Apr 14, 2022 8:16 pm
» Update Forum lawm puas yog by davdub Tue Apr 05, 2022 11:18 pm
» Tu siab by davdub Tue Apr 05, 2022 11:15 pm
» Nthwv Cua Ib Vua Dua by davdub Tue Apr 05, 2022 11:12 pm
» Nyob Li Cas Lawm by davdub Tue Apr 05, 2022 11:10 pm
» Happy valentine by davdub Tue Apr 05, 2022 10:14 pm
» Zaub Mov Hmoob Txhua Hnub by davdub Fri Mar 25, 2022 11:29 pm
» Hmong CRC by davdub Thu Feb 24, 2022 10:15 am
» Cas tsis pom nej tag lawm by Ntsuj_Plig Thu Feb 17, 2022 6:01 am
» Kab mob covid by davdub Mon Dec 27, 2021 8:09 pm
» ~KOJ PUAS NOJ TSHAIS~ by davdub Mon Dec 27, 2021 1:41 pm
» Ncoibsim Tus Qub Mob by davdub Wed Dec 22, 2021 3:52 pm
» Happy Early Christmas rau ib tsoom phooj ywg by davdub Sun Dec 19, 2021 1:35 pm
» Nco Nco Koj by davdub Mon Nov 22, 2021 1:10 pm
» Dab Neeg "Nkauj Nog Suav Quav Tsuag" by davdub Sun Oct 17, 2021 11:38 pm
» Saib Koj Ib Phav Zaus by davdub Fri Aug 27, 2021 3:07 pm
» Happy New Year 2021 by davdub Mon Aug 02, 2021 10:05 pm
» SIB NUG MOO 2020 by davdub Mon Aug 02, 2021 10:02 pm
» TSHAJ TAWM NRHIAV TSWV ZOS HMONG HEAVEN by davdub Thu Jul 15, 2021 1:20 pm
» tseem nco ntsoov koj rau hauv siab by nkaujhnubqub Sun May 09, 2021 9:36 pm
» Tus siab heev by nkaujhnubqub Sun May 09, 2021 9:29 pm
» Me npaujnpaim aw!! by nkaujhnubqub Sun Dec 20, 2020 8:35 am
» kab mob covi 19 by nkaujhnubqub Mon Dec 07, 2020 1:02 pm
» KEV HLUB HAUV INTERNET by Ntsuj_Plig Sun Aug 02, 2020 4:22 pm
» HNUB CAIV by Ntsuj_Plig Tue Mar 31, 2020 12:45 pm
» Lub Neej Ib Vuag Dua by Ntsuj_Plig Wed Dec 11, 2019 10:20 am
» KUV XAV MUAB KOJ NYIAV IB ZAUG by davdub Fri Nov 08, 2019 5:31 pm
» Nyiam Nagtshia Heev by davdub Fri Oct 25, 2019 12:22 am
» LUB NEEJ NRUAB DAB NTUB by Ntsuj_Plig Thu Oct 24, 2019 10:26 am
» PUAS YOG DAB LOS NYOB LUB ZOS NO LAWM NE?? by nkaujhnubqub Wed Aug 21, 2019 11:02 am
» Nej Dua Twg Tas Lawm? by nkaujhnubqub Tue Aug 20, 2019 4:36 am
» Ntuj no 2019 by Ntsuj_Plig Mon Feb 11, 2019 8:05 am
» Yuam Kev Nyob Hauv Koj Nruab Siab by Nraug Ntses Tue Jan 29, 2019 1:23 am
» Lub Me Pajhavzoov by Nraug Ntses Tue Jan 29, 2019 1:13 am
» Sib tw seev cev tau txais kev muaj yeej by Ntsuj_Plig Fri Aug 03, 2018 9:31 am
» Sib Tw Seev Cev by Ntsuj_Plig Fri Aug 03, 2018 9:09 am
» Haus Coffee Thaum Sawv Ntxov Tsees by Guest Thu Jul 26, 2018 11:47 pm
» Tig Rov Saib Peb Hmoob MN 40 Lub Xyoo Lom Zem Tshaj Plaws Nyob Xyoo 2015 by Guest Thu Jul 19, 2018 7:17 am
» Hmong Live 7/11/2018 by Guest Thu Jul 12, 2018 7:31 am
» LEEJ TWG ZAJ DAB NEEG NE? by 8tos8nco Mon Jul 09, 2018 3:25 pm
» Kuv Xav Yuav Txiv by Guest Sat Jul 07, 2018 8:36 pm
» Hmoob Wausau Festival Lub Koob Tsheej Yuav Muaj Rau Lub July 28-29, 2018 by Guest Thu Jul 05, 2018 2:12 pm
» Paj Nqeeb Laim Pom Dheev Nraug Hmoob Meskas by Guest Thu Jul 05, 2018 10:45 am
|
Statistics | We have 80 registered users The newest registered user is lken18
Our users have posted a total of 22012 messages in 890 subjects
|
| | KEV HLUB HAUV INTERNET | |
| | |
Author | Message |
---|
Ntsuj_Plig Moderator
Posts : 1940 Points : 2244 Reputation : 3 Join date : 2010-07-06
| Subject: KEV HLUB HAUV INTERNET Sun Aug 02, 2020 7:34 am | |
| Brother Davdub, tsis muaj neeg tuaj li lawm ces cia kuv sau ib zaj dab neeg tso tseg rau ntawm no es koj mam tuaj nrog kuv nyeem nawb.
PAGE 1:
Title: KEV HLUB HAUV INTERNET
Sub title: Nkauj Dab Ntub thiab Nraug Npau suav lub neej ib vuag dua.
Muaj ib hnub nyob rau lub caij nplooj ntoos hlav hauv xyoo 2008, me paj hmab paj ntoos sam sim tawg nra paug mus puv toj ua rau tej me kab me noog thiab npauj npaim ya tsheej npoj los ntsauv paj. Tej hluas nkauj hluas nraug tuav tes rawv tuaj mus kav kiab kav khw, hos Nraug Npau Suav tseem nyob zaum ib leeg pem ib tsob qab ntoo lub siab quaj dhi rau ib tug neeg uas ploj mus lawm tau ntau xyoo tsis hnov moo. Lub sij hawm ntawd thiaj hnov tej neeg cav tias nyob hauv hmoob lub qub zog Tojsiab yog tej hluas nkauj hluas nrau qhov chaw tuaj mus xa xov xa moo thiab muaj qee zaus yog muaj hmoo tseem tau ntsib tej qub hluas nkauj hluas nraug uas twb sib ncaim mus lawm tau ntau xyoo thiab.
Hnub ntawd thiaj ua rau Nraug Npau Suav lub siab rov xav txog ib zaj dab neeg uas twb dhau mus tau 20 xyoo lawm. Zaj dab neeg ntawd yog Nkauj Ntxoo thiab Yim Laj lub neej muaj ntsiab lus tias " NYIAJ TXIAG PAUV TSIS TAU KEV HLUB...NYIAJ KUB YOG LUB NEEJ KUA MUAG " Zaj dab neeg no yog sau txog Nkauj Ntxoo thiab Yim Laj lub neej ua nkauj ua nraug tsis sib tau. Nkauj Ntxoo yog Yim Laj ib tug qub hluas nkauj uas twb tau ncaim nws mus lawm tau ntau xyoo tsis tau ntsib, tsuas yog tshuav Nkauju Ntxoo ib daim ntawv uas tseem khuam siab heev nyob nrog Yim Laj saib ua dab muag lawm xwb. Nyob hauv Nkauj Ntxoo tsab ntawv no tau sau tseg muaj ntsiab lus tias " TSAB NTAWV TU MOO".
(Continue page 2)
Last edited by Ntsuj_Plig on Mon Aug 03, 2020 12:16 pm; edited 9 times in total | |
| | | Ntsuj_Plig Moderator
Posts : 1940 Points : 2244 Reputation : 3 Join date : 2010-07-06
| Subject: Re: KEV HLUB HAUV INTERNET Sun Aug 02, 2020 8:04 am | |
| Page 2:
Thaum Nraug Npau Suav muab nyeem mus txog ib nqes nram qab uas yuav kawg Nakuj Ntxoo sau hais tau tu siab heev, Nkauj Ntxoo sau tseg tias " Yim Laj...., twb tshuav tsis ntev lawm xwb uas kuv twb yuav tau ncaim ntawm lub neej kua muag mus nyob lub neej kaj siab lug tsis nco txog tus neeg kuv hlub thiab kuv nco lawm os mog. Li ntawd tsuas thov ntsib koj los kawg li no xwb mog, Yim Laj tus neeg kuv hlub thiab tshua. Nkauj Ntxoo tseem sau hais ntxiv tias " Kawg no, ib puas tsav yam nyob hauv lub ntiaj teb kuv tsis ntshaw li lawm os txawm yuav sau tas nrho kuv niam thiab kuv txiv tej nyiaj los yeej pauv tsis tau koj txoj kev hlub, txawm yuav muaj nyiaj muaj kub los tsuas yog lub neej kua muag xwb mog. Vim li no kuv thiaj ua ib siab ncaim lub ntiaj teb no mus vim txoj kev hlub thiab nco koj xwb mog. Ncaim mus zaum no yuav ncaim koj mus ib sim neej tsis rov los lawm mog kuv me neeg ntxim hlub tus kuv nco. Ncaim mus lawm mog..., Ncaim koj mus lawm os mog, mam ntsib koj hauv npau suav lawm xwb os....mog.
Tom qab Nraug Npau Suav rov mus muab Nkauj Ntxoo tsab ntawv nyeem tag thiaj ua rau nws kho siab heev thiab nco ib tug neeg uas muaj lub siab hlub nws uas ncaim mus yam tsis muaj hnub rov los lawm. Nraug Npaoj Suav thiaj tau tuaj mus ncig ua si nyob rau qub zog Tojsiab. Lub sij hawm tuaj txog rau qub zog Tojsiab kuj pom tej hluas nkauj hluas nraug tuaj sib tham thiab sib tawb yam lom zem xauv npos. Tab sis nyob ntawm Nraug Npau Suav nws tsis paub leej twg li, tsuas yog lam tuaj saib thiab seev txog nws tus me Nkauj Ntxoo uas twb tau ncaim mus ua poj ntxoog los tau ntau xyoo lawm xwb. Hnub ntawd Nraug Npau Suav tuaj ncig ua si ib hnub tav caiv rov los mus tsev nws kuj cia li rov los tsev yam nro ntshi uas tsis tau ntsib nws tus me Nkauj Ntxoo uas twb mus ua Nkauj Ntxoog los tau ntev lawm.
Txawm li ntawd los Nraug Npau Suav kuj tsis tau tso tseg txoj kev tuaj mus ncig ua si nyob rau zos Toj siab thiab. Muaj qee hnub muaj caij nws kuj tseem tuaj mus ncig saib tej phooj ywg thiab lawv tej hluas nkauj hluas nraug tuaj mus nqaum nqaum nruas. Muaj ib hnub nyob hauv lub 6 hli ntuj xyoo 2008 tom qab Nraug Npau suav tuaj mus ncig ib lwm saib qub zog toj siab tas. Nws thiaj tau seev txog nws tus me Nkauj Ntxoo nkawd lub neej txoj kev nkauju kev nraug uas zoo tam li nthwv cua ib vuag dua los lawm.
(Continue Page 3)
Last edited by Ntsuj_Plig on Mon Aug 03, 2020 12:16 pm; edited 5 times in total | |
| | | Ntsuj_Plig Moderator
Posts : 1940 Points : 2244 Reputation : 3 Join date : 2010-07-06
| Subject: Re: KEV HLUB HAUV INTERNET Sun Aug 02, 2020 8:53 am | |
| Page 3:Lub sij hawm nws tsis nco qab saib dab tsi thiaj muaj ib lub suab hu txias zias tias " Nraug Npau Suav koj pheej tuaj seev ua dab tsi ntawm no na" Thaum ntawd Nraug Npau Suav tig hlo los tsis pom dab tsi tsuas yog hnov ib nthwv cua tuaj txias zias xwb, nws thiaj teb tias " Kuv lam tuaj hais dab neeg xwb os leej muaj koj yog leej twg ne?" Tus ntawd yog Nkauj Dab Ntub hu Nraug Npau Suav. Thaum ntawd Nkauj Dab Ntub thiaj teb ntua tias "Yog kuv xwb mas Nraug Npau suav, Nkauj Dab Ntub hais ntxiv tias koj paub kho siab thiab los Nraug Npau Suav." Nkauj Dab Ntub thiab Nraug Npau Suav nkawd thiaj tau sib tham zoj ib pliag tsis muaj pes tsawg los, Nkauj Dab Ntub txawm hais rau Nraug Npau Suav tias " Leej nus sij hawm tag lawm kuv yuav tau mus thov koj tus email kuv mam xa duab rau koj saib nawb." Nraug Npau suav los kuj tsis xav dab tsi txawm cia li muab email rau Nkauj Dab Ntub tas ces nkawd cia li sib ncaim nyias mus nyias lawm.Hnub tom qab Nraug Npau Suav mus qhib email cas txawm pom ib tug email sau tias revpajsaumntxa@hotmail.com thiab xa tau ib daim duab uas nws tsis tau paub dua xyov yog leej twg thiab txawm sau tias " Nyob zoo os Nraug Npau Suav, kuv yog Nkauj Dab Ntub na koj puas nco tau kuv lawm os lod, Nkauj Dab Ntub tseem nco koj os Nraug Npau Suav. Kuv yog Nkauj Dab Ntub os teb kuv nawb thov xa ib daim duab tuaj pub kuv saib os OK."Thaum Nraug Npau Suav tau pom ib daim duab uas nws ib txwm tsis tau paub thiab pom dua tus neeg ntawd los li kuj ua rau nws muaj ntau yam xav Nraug Npau Suav thiaj tsis teb Nkauj Dab Ntub tsab email rov qab. Tau ob - peb hnub tom qab Nkauj Dab Ntub thiab Nraug Npau Suav nkawd kuj muaj hmoo tau rov sib ntsib nyob hauv qub zog Tojsiab dua. Nkauj Dab Ntub thiaj nug tias " Nraug Npau Suav koj puas tau txais kuv daim duab na cas tsis teb rau kuv li" Nraug Npau Suav teb Nkauj Dab Ntub tias " Nkauj Dab Ntub kuv tau txais ib daim duab mas tab sis nws txawv heev li kuv tsis paub tias xyov puas yog koj kuv thiaj tsis tau teb rau koj xwb os." Nkauj Dab Ntub teb tias " Nws txawv li cas na Nraug Npau suav?" Nraug Npau Suav teb tias " Daim duab ntawd zoo li yog forward lwm qhov los xwb kuv tsis xav tias yuav yog koj tiag os Nkauj dab Ntub" Nkauj Dab Ntub thiaj hais rau Nraug Npau Suav tias " Nraug Npau Suav yog kuv los mas mog kuv muab lub phone thaij xwb, xa hauv phone rau email ces mam xa rau koj xwb ne. Yog kuv mas Nraug Npau Suav koj xav puas tsim nyog kuv muab lwm tus duab xa rau koj ma lod" Nkauj Dab Ntub hais ntxiv tias " Kuv mam xa ib daim ntxiv nawb thiab xa koj ib daim duab rau kuv saib os Nraug Npau Suav".Nraug Npau Suav los kuj teb tias " Ua li mas Nkauj Dab Ntub". Txij ntawd los thiaj ua rau Nkauj Dab Ntub thiab Nraug Npau Suav ib hhnub sib paub ntau zuj zus.Nkauj Dab nTub los kuj xav ntsoov tias kheev lam rov ntsib Nraug Npau Suav dua hos Nraug Npau Suav los pw tsis dhuj dheev nruab dab ntub xav pom Nkauj Dab Ntub ntxiv. Nraug Npau Suav xav tias kheev lam Nkauj Dab Ntub zoo li lub paj ntshe yuav muab de kiag coj los hnia seb tsw qab npaum li cas, hos Nkauj Dab Ntub los kuj xav nraim tias kheev lam Nraug Npau Suav yog lub txiv ntshe yuav muab de kiag coj los noj seb qab zib npaum li twg."(continue page 3)
Last edited by Ntsuj_Plig on Mon Aug 03, 2020 12:12 pm; edited 2 times in total | |
| | | Ntsuj_Plig Moderator
Posts : 1940 Points : 2244 Reputation : 3 Join date : 2010-07-06
| Subject: Re: KEV HLUB HAUV INTERNET Sun Aug 02, 2020 11:08 am | |
| Page 3:
Thaum nkawd ob leeg xav li no Nkauj Dab Ntub thiaj zoo nkaus lub paj tsw qab mus thoob ntuj, hos Nraug Npau Suav los zoo nkaus lub txiv uas qab zib mus thoob ntiaj teb. Ib hnub dhau ib hnub ua rau lub caij nyoog mus lawm zuj zus tab sis Nkauj Dab Ntub los kuj tsis tau pom Nraug Npau Suav hos Nraug Npau Suav los kuj tsis tau ntsib Nkauj Dab Ntub. Nkawd lub neej tsuas yog tau sib ntsib nyob rau qub zog Tojsiab thiab hauv tus dab ntub npau suav xwb.
Muaj ib zaug nyob hauv Nkauj Dab Ntub thiab Nraug Npau Suav nkawd lub neej txoj kev sib hlub sib nco, uas ib hnub loj hlob zuj zus zoo tam li tus dej nag uas ib hnub huam loj zuj zus yuav puv ntug. Thiaj ua rau nkawd ob leeg muaj kev sib nug moo mus los tsis tu ncua. Muaj ib zaug Nkauj Dab Ntub thiaj tau sau ib tsab ntawv rau Nraug Npau Suav muaj ntsiab lus tias "KUV TSHEM TSIS TAU KOJ TAWM HAUV WB TUS NPAU SUAV LAWM". Nkauj Dab Ntub sau tias:
....HI.....Morning os kuv me nraug qab zib.
Ua cas zoo li koj ntshai kuv lawm naj los. Ntuj nis kuv me nplooj siab kuv paub tias koj ntshai kuv lawm, tab sis thov koj txhob ntshai kuv nawb. Txoj kev nco koj kuv yuav tshem tsis tau tawm ntawm lub siab mus lawm nav, thov koj nkag siab kuv nawb mog. Muaj qee yam uas koj yuav tsis paub thiab to taub txog ntawm kuv lub neej ntxuag kua muag, tab sis yog muaj caij nyoog kuv mam qhia koj.
Ntuj nis kuv me Nraug Npau Suav kuv yeej nkag siab tias koj yog ib zaj me npau suav tsim los xwb, koj tsuas yog tus npau suav xwb tab sis kuv txaus siab yuav nyob nrog koj li no mus. Txawm kuv tsis tau koj nyob rau tiam no los kuv yuav ua lub neej nrog koj nyob hauv npau suav mus kom tag lub neej tiam no. Kuv kuj tsis nkag siab tias yog vim dab tsi thiaj nqa tau koj tus xyw hlub los rau kuv. Thiaj ua rau kuv xav hlub nrog koj xav ua phooj ywg nrog koj, xav lom zem nrog koj, thiab xav koom lub neej nrog koj.
Tsis tag li ua rau kuv ib hnub nco koj ntsuj ntsoov li tus neeg qaug txaj.Kuv txoj kev nco koj zoo tam li tus neeg pw hauv lub lav mob, ntshe yuav tsis muaj tshuaj los pab tau kom tus mob no tawm mus thiab ho zoo taus. Muab xav kuj tsis txaus ntseeg kiag li tab sis nws yeej muaj tseeb, tsis paub tias txoj kev tsis muaj chaw mus lawm los lub siab nco koj ua luaj. Yeej paub tias wb yug los txawv caij txawv nyoog ib leeg nyob rau ib sab ntuj los cas lub siab ua nyuj nyes rau txoj kev nco koj xwb. Zoo li tus neeg raug dab tsis paub tias yog tim dab tsi lawm, tab sis kuv yuav tsis pub kom koj raug txoj kev nyuaj siab os mog. Kuv yog ib tug me neeg to taub zoo kuv yuav tsis pub kom tus neeg kuv hlubraug txoj kev nyuaj siab os, siab loj nawb. Kuv qhia txhua yam uas muaj nyob hauv kuv lub siab tawm los pub koj mloog, txawm tias koj yuav ntseeg thiab tsis ntseeg los kuv tsuas hais qhov muaj tseeb xwb. Kuv paub tias tiam tag los wb tau sib hlub los lawm. Txij li kuv paub koj los kuv lub siab yeej tsis kaj kiag li, xav pom koj xav nrog koj tham xav nyob nrog koj. Yog kuv tuaj pom koj lawm zoo li kuv tau pom tus neeg kuv hlub ua rau kuv lub siab kaj, pom xwb kuv lub me ntsej muag twb luag ntxhi rau koj lawm los koj tsis pom tsis paub xwb os mog.
Txawm kuv tsis tau koj los nyob nrog txoj kev npau suav xwb los kuv yeej zoo siab lawm, txoj kev nco koj tshem tsus tau lawm nawb mog. Txawm tiam no wb tsis tau nyob ua ke los kuv zoo siab qhov kuv tau rov los ntsib koj ib zaug nyob rau tiam no. Me qab zib txawm yog kuv yuav sau ntawv ntau npaum twg los tsuas kawg rau ib los tias " HLUB thiab NCO" xwb. Kuv paub tias koj yuav tsis muaj tej yam li kuv muaj nyob nrog koj tab sis kuv txaus siab os mog.
Thov lub ntuj kom fab lwm tiam kuv los nrhiav tau koj nawb, tiam no kuv yeej paub zoo lawm tias tsuas yog lub neej npau suav xwb. Txawm kuv yuav npau suav pom thiab tau koj xwb los kuv txaus siab lawm mog. Thov koj txoj kev hlub nyob nrog nraim kuv hauv npau suav xwb kuv zoo siab heev lawm. Thov txim kuv sau ntawv ntau heev ua siab ntev saib nawb, txawm npaum no los twb piav tsis txhua kuv txoj kev nco thiab kev hlub koj rau koj mloog os mog. Cia lwm zaus mam piav dua me nraug hlub kuv me txivnraug Npau Suav.
......... Nakuj Dab Ntub ....Hlub koj nawb.....Tsawg tiam los hlub....Bye.
(Continue page 4)
Last edited by Ntsuj_Plig on Mon Aug 03, 2020 12:17 pm; edited 5 times in total | |
| | | Ntsuj_Plig Moderator
Posts : 1940 Points : 2244 Reputation : 3 Join date : 2010-07-06
| Subject: Re: KEV HLUB HAUV INTERNET Sun Aug 02, 2020 11:34 am | |
| Page 4:
Tom qab Nraug Npau Suav tau nyeem Nkauj Dab Ntub tsab ntawv tas haj yam ua rau Nraug Npau Suav nco Nkauj Dab Ntub tshaj dua qub ntxiv. Muaj ntaus zaus uas twb pw txog ntuj teb tag hmo lawm los Nraug Npau Suav tseem yuav tau sawv los mus ncig saib qub zog Tojsiab seb puas pom Nkauj Dab Ntub tus hneev tes hneev taw ib vuag thiaj yuav zoo siab rov mus pw tsaug zog. Hos Nkauj Dab Ntub los ib hnub nco Nraug Npau Suav zuj zus ntxiv, muaj ntau zaus lub caij sawv ntxov ntuj tsis tau kaj hnov me noog quaj kho siab zim Nkauj Dab Ntub twb tuaj mus ncig piav yeev tos rau qub zog Tojsiab seb puas pom Nraug Npau Suav rov tuaj. Lub caij nyob nyob hauv Nkauj Dab Ntub thiab Nraug Npau Suav nkawd ob lub siab zoo li cia li los ua ib lub lawm xwb. Thaum twg Nkauj Dab Ntub xav tias mus yuav ntsib Nraug Npau Suav los tuaj txog txawg ntsib tiag, hos Nraug Npau Suav thaum twg xav tias ntshe mus yuav pom Nkauj Dab Ntub no los mus txog txawm pom tiag thiab. Lub caij no ua rau Nkauj Dab Ntub nco Nraug Npau Suav npaum li niam nkauj hnub nco txiv nraug hli, hos ua rau Nraug Npau Suav nco Nkauj Dab Ntub npaum li txiv nraug hli dai dhuam tim npoo ntuj tos niam nkauj hnub.
Vim li ntawd thiaj ua rau Nkauj Dab Ntub thiab Nraug Npau Suav nkawd tseg tsis tau txoj kev sib ntsib thiab sib nco, thaum twg nkawd tau sib ntsib lawm nkawd yuav tau muab tej lus qab zib los tham koj zoo siab hlo. Los ntawm txoj kev ua rau Nkauj Dab Ntub thiab Nraug Npau Suav nkawd txoj kev hlub suav hnub suav loj hlob zuj zus nyob rau qub zog Tojsiab. Zoo tam li tsob paj uas nkawd sib pab nroo ywg dej ib hnub ntsuab zuj zus tuaj zoo li yuav tawg paj thiab txi txiv lawm tiag. Thiaj ua rau lub pas dej nyob zos Tojsiab dhau mus ua ib lub pas dej uas pib muaj tej nkauj nab nraug qav phem thiab thab plaub zuj zus tuaj. Lub caij no thiaj ua rau zos Tojsiab tsis muaj kev thaj yeeb nyab xeeb cia li dhau mus ua ib qho chaw sib tawm tsam rau txoj kev hlub tsis muaj hnub yuav nyob kaj siab li lawm. Muaj ntau zaus thaum Nkauj Dab Ntub thiab Nraug Npau Suav nkawd tau tuaj sib ntsib thiab sam sim sib tham luag ntxhwb ntxhi zoo tam li niam nkauj hnub tau tuaj ntsib txiv nraug hli. Thiaj ua rau cov Nkauj Nab thiab Nraug Qav nyob rau ntawm lub pas dej ntawm qub zog Tojsiab tau dhau mus ua ib co nab phem tom neeg.
(Continue page 5)
Last edited by Ntsuj_Plig on Mon Aug 03, 2020 12:15 pm; edited 2 times in total | |
| | | Sponsored content
| Subject: Re: KEV HLUB HAUV INTERNET | |
| |
| | | | KEV HLUB HAUV INTERNET | |
|
Similar topics | |
|
| Permissions in this forum: | You cannot reply to topics in this forum
| |
| |
| |