NYIAJ TXIAG PAUV TSIS TAU KEV HLUB

Ntsuj Plig,

Ua cas koj zaj dabneeg no yuav hais tau tu siab ua luaj li os. Kuv nyeem ces kuv lub siab twb quaj dhi nrog koj tus me hluasnkauj no lawm os. Cas koj twb muaj txoj hmoo es twb tau hlub nws npaum no es vim licas nws ho yuav tso koj tseg rau lub ntiajteb no os?

Ntsuj Plig, sim neej no yog yus tsis tau tus nws hlub yus thiab yus hlub nws mas ua neej yeej tsis sov siab li. Txawm tias tom qab no yus ho tau lwmtus lawm los yeej tsis yog nws thiab yus, ces txawm tus tshiab yuav hlub yus npaum licas los yus yeej muaj ib lub siab xav ntsoov txog tus qub tag li xwb.

Koj hais yog lawm, nyiajtxiag ces yus khwv tau, tabsis txojkev hlub uas nws muab rau yus ntawd, yog dhau nws mus lawm ces yus yeej khwv tsis tau li os.

Koj mas txawj tham heev li os. Tham tau kho siab heev li xwb na.

Npauj Npaim

Ua tsaug koj tuaj pab nyeem kuv zaj dab neeg os. Yog yuav muab piav mas nws yog ib zaj dab neeg ntev heev rau kuv li, tab sis cia kuv mam muab ua ib xyoos tham nrog nej seb nej puas muaj tej yam zoo li kuv thiab os.

Tu siab yus yug los rau lub neej pluag nws txawm hlub thiab nco yus npaum twg los nws niam nws txiv xav kom nws tau lub neej zoo. Thaum kawg yus thiaj zam kev rau nws, cia siab tias nws tau lub neej kaj siab lawm ces yuav tshav nws ntuj. Ua cas thaum kawg nws tseem ho ua siab tso lub ntiaj teb tseg, thiab hais rau nej neeg zej zog zogtias " NYIAG TXIAG YEEJ PAUV TSIS TAU WB TXOJ KEV HLUB.... NYIAJ KUB TSUAS YOG NWS LUB NEEJ KUA MUAG XWB" ua rau kuv mam tig xav thiab rov hlub nws tias ntshe nws hlub kuv lawm tiag no xwb os.

Ntsuj Plig, uacas koj zaj dabneeg no yuav tu siab ua luaj. Kuv hnov me me xwb los kuv twb hlub hlub neb nrog teev kua muag quaj lawm. Txawm kuv paub tsis tag koj zaj dabneeg los kuv twb pom tej zaj movies uas lawv ua yuav thooj li koj zaj no thiab.

Ntsuj Plig, kuv tsis nkagsiab tias vim licas es thaum ib tug hluas nkauj nyiam thiab hlub tus hluas nraug ntawd kawg siab kawg ntsws li los tus hluas nraug ntawd pheej ntshai tej laus heev li es tsis muaj tsab peev xwm yuav los pab tau tus hluas nkauj ntawd thiab coj nws khiav mus ua lub neej kom deb ntawm tej laus. Txhua tus tub kuv pom mas yeej ntshai tej laus heev ces xum cia tus hluas nkauj ntawd mob siab txog thaum nws tuag kiag xwb.

Koj puas paub tias yog thaum kuv hlub hlub nws lawm, txawm tej laus yuav muab kuv yuam yuav tus lawv nyiam los kuv yeej xum tuag vim tsis xav kom kuv lub cev no raug tus neeg kuv tsis nyiam ntawd kov kiag li.

Hmmm..., nws yog ib zaj dabneeg uas mob lub siab heev li uas tuag taus vim kuv hlub koj xwb.