TUAJ PEB SAU PAJ HUAM

Subject: TUAJ PEB SAU PAJ HUAM Sun Jul 11, 2010 6:23 pm

First topic message reminder :

NTAWM NO MUS YOG LUS PAJ HUAM
HAIS CUAM TSHUAM TXOg RAU NTSUJ PLIG
XAV TUAJ NCIG NROG NEJ UA SI
TSIS TAS LI XAV NTAUS PHOOJ YWG
TXAWM LEEJ TWG LOS THOV TXHOB NTXUB
PEB SIB HLUB UA PHOOJ UA YWG
NYOB QHOV TWG TUAJ PEB SIB THAM
NYOB IB TSAM NQHIS MOV TSHAIB PLAB
MUS NRAM LAB PEB HMOOB BUFFET
NOJ TAS CES UA PLAB TSAU NPO
HO ROV LOS SIB THAM UA SI
LOS SIB NTSHI HAIS LUS TAUM HUAM
TSHAIS IB RUAM LUB NEEJ TOM NTEJ
PEB HMOOB NEJ PUAS TSEEM NCO QAB
LOS NROG PAB KUV SAU DAB NEEG
NEJ PUAS NTSEEG TSAM NTIAJ TEB KAWG
PEB HMOOB TAWG CES YUAV PLOJ MUS...LAWM XWB TIAG!!!

Subject: Re: TUAJ PEB SAU PAJ HUAM Wed Aug 11, 2010 5:13 pm

Ntsuj_Plig wrote:: " NYOB TOS KOJ "

Lub caij twg koj thiaj yuav tuaj
los koj muaj dua tus hlub tshiab
tshav ci iab lub dej lwg poob
xav tsis thoob nco koj ib leeg
koj puas ntseeg os kuv luv cev
koj mus ntev lub siab puas kaj
thaum tuaj ncaj ho puas nco kuv
niaj hnub thuv txhua txhia qhov chaw
kuv tseem ntshaw koj lo lus zoo
yog muaj hmoo wb ho sib ntsib
cia mam pib dua lub neej tshiab
mus nco thiab ho hlub tshua txog
yuav mov mog tuaj sib faib noj
kuv nco koj thaum pw xub ntiag
txawm ib pliag yog tseem zoo dua
muab koj tshua mus tas ib tiam
thiaj li nyiam koj lawm xwb tiag........!!!

Yeej tsis muaj lwm tus lawm os,
Niaj hnub tos nrhiav txoj xub ke,
Me Ntsujplig e..., koj puas tseem nco,
Tias zoo hmo koj mam rov tuaj,
Wb sib cuag li yav ntuj thaum i,
Tham luag ntxhi sij hawm mus sai,
Tsis nco ntshai vim muaj koj lawm,
Nyob sib khawm hnia koj tus ntxhiab,
Lub siab kiab thaum tau nrog koj,
Mov tsis noj los yeej tsis hnov tshaib,
Kuv me naib koj puas tseem hlub,
Kuv li qub lawm nas, me Ntsujplig?

Subject: Re: TUAJ PEB SAU PAJ HUAM Wed Aug 11, 2010 5:19 pm

Ntsuj_Plig wrote:: Ntsuj plig tos Lubpazoo los mas
vim li cas thiaj nug li koj
niaj hnub soj pajzoo xwb tiag
yog pom kiag yuav muab nyiag mus
ntshe leej nus yuav zoo siab heev
lawv puas kheev rau kuv nyiag na
tsis txhob dag ntsuj plig muaj siab
ho muaj txiab tsis ua neeb kho
thaum mob no ho txav deb deb
lub ntiaj teb yuav ua cas nyob
lub siab txob vim nco lubpajzoo
thov nug moo yog tau sib ntsib
wb mam pib txoj kev sib tham os mog.....

Vim ntev dhau mam li ntsib koj,
Thiaj muab zoj nug koj xwb tiag,
Lub plawv dhia thaum tau hnov lawm,
Thov tuav khawm koj rau kuv hlub,
Yuav tsis pub koj lub siab mob,
Tsis pub txob vim rau kuv dag,
Zoo siab tshaj tsis pub koj chim,
Tus mob ntsim tsis pub rau koj,
Mov tsis noj yog koj tsis tuaj,
Lub siab quaj teev kua muag poob,
Me nraug hmoob ntseeg kuv thiab mog,
Kuv yeej nco thiab hlub koj heev,
Thiaj tuaj seev tuaj nrhiav koj ntxiv,
Yuav tos pib wb txoj kev hlub,
Nrog Hmoob tej tub li koj xwb tiag,

Subject: Re: TUAJ PEB SAU PAJ HUAM Tue Aug 17, 2010 3:07 pm

Lubpajzoo wrote:

Ntsuj_Plig wrote:: " NYOB TOS KOJ "

Lub caij twg koj thiaj yuav tuaj
los koj muaj dua tus hlub tshiab
tshav ci iab lub dej lwg poob
xav tsis thoob nco koj ib leeg
koj puas ntseeg os kuv luv cev
koj mus ntev lub siab puas kaj
thaum tuaj ncaj ho puas nco kuv
niaj hnub thuv txhua txhia qhov chaw
kuv tseem ntshaw koj lo lus zoo
yog muaj hmoo wb ho sib ntsib
cia mam pib dua lub neej tshiab
mus nco thiab ho hlub tshua txog
yuav mov mog tuaj sib faib noj
kuv nco koj thaum pw xub ntiag
txawm ib pliag yog tseem zoo dua
muab koj tshua mus tas ib tiam
thiaj li nyiam koj lawm xwb tiag........!!!

Yeej tsis muaj lwm tus lawm os,
Niaj hnub tos nrhiav txoj xub ke,
Me Ntsujplig e..., koj puas tseem nco,
Tias zoo hmo koj mam rov tuaj,
Wb sib cuag li yav ntuj thaum i,
Tham luag ntxhi sij hawm mus sai,
Tsis nco ntshai vim muaj koj lawm,
Nyob sib khawm hnia koj tus ntxhiab,
Lub siab kiab thaum tau nrog koj,
Mov tsis noj los yeej tsis hnov tshaib,
Kuv me naib koj puas tseem hlub,
Kuv li qub lawm nas, me Ntsujplig?

Lubpajzoo

Yog muaj hmoo wb tau sib ntsib
yuav rov pib lub neej sib hlub
yuav tsis ntsub txawm yog luag tug
zam du lug yuav tsis rau txim
twb yog vim txoj hmoo thiaj ntsib
yuav rov pib hlub lub me pajzoo
kom ntuj ntxhoo hnub qub dawb vog
kuv tseem nrog koj pw ua ke
txawm los te cia kuv puag koj
thaum xav noj cia kuv mam pub
txoj kev hlub kuv yeej yuav puag
txog thaum tuag kuv coj koj mus
txhua lo lus nco ntsoov nawb mog....

Subject: Re: TUAJ PEB SAU PAJ HUAM Tue Aug 17, 2010 4:20 pm

Hmmm...., ua li kiag nas me Ntsuj Plig,
Tshav ntuj nrig koj nyob qhov twg,
Txog caij pw tsis pom koj los,
Kuv nyob tos saib tej hnub qub,
Lub ntuj dub kuv nco txog koj,
Mov tsis noj mam tos koj ntxiv,
Me koj txiv kuv ua hmo siav,
Npaj tau tiav tos koj los tso,
Wb mam noj uake thiajli qab,
Pw yas npab mloog koj lub siab,
Haus dej ncia vim xav txog koj,
Tseem xav zoj txog thaum koj pub,
Txoj kev hlub kuv yeej yuav nco,
Kom tsim nyog hnub wb tau uake,
Nyob sib ze sib pus kom tag tiam no mog.

Subject: Re: TUAJ PEB SAU PAJ HUAM Tue Aug 17, 2010 6:09 pm

Wow........Lubpajzoo koj mas tshaj lij kawg li nawb

Caij ntuj tsaug snow dawb vog
kuv los txog tsis pom koj nyob
lub siab txob tsis ua dab tsi
siab quaj dhi nrhiav koj ib leeg
koj puas ntseeg kuv me koj niam
yog ntawv tiam wb sib yuav tau
txawm ntuj vau los cia kuv txheem
yuav tsis yeem ciaj koj ploj mus
kuv leej nus yuav hlub koj tiag
tus cev yiag thiab lub siab zoo
puas muaj hmoo ho puas tau ntsib
yam tsob dib puas hlav sib sua
tau sib yua muaj tub muaj ki
siab kaj nrig rau wb lub neej
txheej dhau txheej ua neej nto moo
lub neej zoo ces li no tiag.....Qabzib!!!

» Lus Sij Huam
» Lus Paj Huam
» KUV COV PAJ HUAM
» sau paj huam ua si
» paj huam ncaim