Yog Lwm Tiam Muaj Tiag

Koj cov lus qab zib mob siab
vim koj piav tau ntxim hlub heev
thiaj li seev poob lub kua muag
vim kev tshua ntawm ob tug neeg
thiaj li ntseeg cia siab ntsoov tos
tias tiam no tsis tau los kav liam
tso rau lwm tiam wb mam sib nrhiav
mam li piav txhua yam qhia koj
yog hmoov txog wb mam pib dua
txoj kev tshua kom tsis muaj tag
li dej nag poob saum ntuj los
mam nyob tos tus neeg txawj hlub
yog ntuj pub kuv mam hlub koj rau lwm tiam mog.

Lwm tias tsi muaj lawm
txhob cia lub sijhawm dhau mus
yog yuav hlub, hlub tiam no
thiaj li nco tias tseeb
ua siab qeeb yeej tsi tau
txhob xav ntau, cia li mus xyua
coj los puag thiaj yog tiag tiag
txhob tos pliag tsam li rau koj
mov tsi noj vim nco nws xwb
neej xiam hlwb vim nco tus hlub
neej thaum ub txawv neej niam no
ua hnub ua hmo nco tsi xav mus work
txhob txawj txawj tsam tsi sib tau
mob niam yau twb yog tshaw hlub
lub siab dub nyiag kev ua hlua
zoo tsi cuag li lub siab xav
thiaj khib lav mus tham lwm tus
muab xav mus ces lig dhaum
hloov tsi tau rov qab
neej nyuaj sab ces zoo li no
muab xav txog vim hlub yuav kev
neej xiam ntsev los kuv tsi care
vim lwm tiam tsi muaj lawm
yog yuav hlub hlub nim no
thiaj li nco mus ib txhis
yeej tsi lig rau koj
ua siab loj thiaj tau
txhob xav ntau thiaj tsi mob hlwb
yeej thiab swb los tsi ua cas
kuv thiaj hais tas tas rau nej
mog cov me phoojywg.

Lwm tiam nws yeej tsi muaj lawm os lawv E..
Yog leej twg yuav hlub ces hlub tiam no lawm xwb os nawb.
Thaum tuag lawm ces yeej tsi paub tias mus twg lawm.
Qhov paub tseeb ces mus ua av lwm xwb E.
Yog lub ntuj yeej paub tias muaj lwm tiag.
Ces neeg yeej xav kom tuag mus es thiab li tau los rau tiam ntawm.
Kev npau suav tiam no ces yeej tsi muaj lawm.
Yog yus tsi mus caum.
Tus yus hlub nyob ntawm yus ib sab.
Yus tsi qhia rau nws tias yus hlub nws.
Thaum tag txoj siav lawm mas hais quaj ces nws lig heev lawm.
Li no qhov yus tau ntawm tiaj li yog yus li.
Tsi txhob mus ua npau suav tshav ntuj nrig rau lwm tiam.
Tsam ces tsi muaj lwm tia os lawv E..