Ib Leej Niam Zoo

Niam me ntxhais niam hlub koj heev,
Tsis txhob seev txhob quaj lawm mog,
Los ntawm no niam hais koj mloog,
Tsis txhob ntsoos txhob quaj nawv mog,
Niam nyob nov yuav saib xyuas nws,
Me siab ntsws cia li kaj nrig,
Tawm mus ncig mus saib lub hnoob,
Tawm pem roob muaj huab cua zoo,
Tsis txhob nroo mloog niam hais mog,
Tus niam nco yog niam me ntxhais,
Kavtsij pais ncig uasi kom lub siab kaj,
Niam mam npaj mov tos nws los noj,
Niam yuav coj nws nrog niam mus uasi mog.

Leej Niam Zoo:

Leej niam zoo ces lub pluas noj yeej tsis txhawj,
Vim leej niam yog tus leg tag tej hauj lwm ntawd,

Leej niam zoo ces lub pluas noj yeej tsis txob,
Vim leej niam yog tus leg tag tej hauj lwm no,

Leej niam zoo ces tej menyuam tsis ntshaw hnav,
Vim leej niam yog tus ua tag txhua yam,

Leej niam zoo ces tej menyuam tsis ntshaw noj,
Vim leej niam yog tus npaj tag txhua yam lawm os,

Leej niam zoo ces tus txiv yeej tso siab plhuav,
Vim leej niam yog tus pib thiab tus ua,
Leej niam zoo ces tus txiv yeej tso siab lug,
Vim leej niam yog tus pib thiab tus tu,

Leej niam zoo ces luag tej fwm thiab yeej qhuas,
Vim leej niam yog tus txhawb leej txiv lub ntsejmuag,

Leej niam zoo ces luag tej qhua yeej qhuas thiab yeej fim,
Vim leej niam yog tus txhawb thiab tsa leej txiv lub fwjchim,