Tseg Tsis Taus

TSEG TSIS TAUS

Kuv twb xav tias yuav ncaim nej mus,
Tabsis kuv lub siab pheej nyob tsis tus,
Kuv twb xav tias yuav tso nej tseg,
Los kuv lub siab pheej mob tej rhe,

Vim licas kuv thiaj tseg tsis taus nej li,
Lub ncauj lam hais tias mus los lub siab mob lwj dhi,
Vim licas kuv thiaj tseg tsis taus nej tseg,
Lub ncauj lam hais tias mus los lub siab mob tej niag teg,

Vim kuv tseg tsis taus kuv thiaj rov qab tuaj,
Vim kuv tseg tsis taus koj thiaj ua rau kuv quaj,
Vim kuv tseg tsis taus kuv thiaj rov qab los,
Vim kuv tseg tsis taus koj thiaj ua rau kuv mob,

Zaum no cia kuv mam ua ib siab ncaim koj mus,
Zaum no cia koj mam nyob koj mog leej nus,
Zaum no cia kuv mam ua ib siab mus lawm mog,
Zaum no cia koj mam nyob koj rooj teb no,

Kuv ces tseg tsis taus Hmongheaven xwb,
Vim thaj chaw no yog qhov kuv tuaj khibdwb,
Kuv tseg tsis taus nej txhua leej mus txhua tug,
Vim nej yog kuv cov phoojywg uas niaj hnub thuv,

Vim nco nej dhau thiaj tso tsis tsaus nej tseg,
Vim li thiaj rov qab tuaj ncig seb puas ntsib nej ne,
Twb yog vim nco nej dhau thiaj rov qab tuaj,
Twb yog vim nej xwb thiaj nyob kho siab khuav,

Ncaim nej lawm ntev loo nej nyob licas lawm na,
Puas tseem nco tau tias muaj kuv lawm thiab ma,
Zoo siab tuaj pom nej nyob luag ntxhi li qhov qub,
Yog muaj sijhawm no ho rov tuaj peb sib nug moo,