Nag hmo (9/11/10) kuv tau hnov Looj Ceeb Radio tau tau tham txog tias nyob Fresno, CA. xyoo no yuav muaj 2 pab neeg yuav los ua 2 lub tsiab peb caug xws li pab qub yog Ntsuab Rwg lawv cov qub uas ib txwm ua hos pab tshiab yog Hmong 18 Council. Vim li no thiaj ua rau muaj kev tsis sib haum xeeb los yog tsis sib to taub txog rau qhov txiv Nai Phoo, Dr. Vaj Sawm, thiab Col. Tub Pos lawv tau los tawm suab nyob hauv xov tooj cua.
Yog li ntawd, kuv thiaj xav kom peb ib tsoom phooj ywg thiab cov muam nej sim ho txav los peb ho pab tawm tswv yim seb yuav ua li cas thiaj yuav tsis ua rau Hmoob tawg ua 2-3 pab mus ntxiv.
Ua tsaug ntau.
Hauv nov yog xov xwm Fresnobee tshaj tawm...
Hauv nov yog peb Hmong Internation qhov chaw qhia nej mus saib lawv ces koj nias rau qhov, mus saib lawv tau...
Hehehehehehe......zoo siab rau koj tuaj tso lub topic hais txog 2 pab neeg yuav noj 30 xyoo tshiab nyob rau Fresno, California os. Raws li kuv mloog yawg loj cov lus mas Lub ib yog noj raws Colonel Ntsuab Rws Vaj lub qub koom haum hos lub ob yog noj raws Hmoob 18 Xeem lub khoom puas yog os?
Kuv xav tias yog thaum peb Hmoob lub nroog Fresno loj txaus thiab muaj peb Hmoob nyob coob heev lawm ces yog yuav ua ib yam kev lom zem uas yuav tau txais profit txog pua txhiab thiab sib faib tsis sib haum ces yeej yuav kawg tau noj ntau lub peb caug los tau mas vim tias peb Hmoob nyob lub nroog Fresno tsis yog tsawg heev thiab lawv cov profit los yeej tsis yog tsawg kiag li vim peb muaj ntau xeem Hmoob nyob rau hauv lub nroog no ces yog lawv tsim tsis muaj ib lub koom haum kom loj txaus los tuav peb tsav neeg nyob rau lub nroog no es kom lawv ua tau profit li cas los lawv tej nyiaj thiaj li siv muaj nqis rau lub zos nroog ntawm.......hahahahahahahahahahahaha.
Thaum ub peb tej laus nyob nplog teb los lawv nyias yeej noj nyias peb caug es tus ho xav mus pov pob rau lub zos twg los thiaj li tau mus saib hluas nkauj ne. Txawm peb tuaj nyob rau lub teb chaws vam meej lawm los yuav tau noj ntau lub 30 caug at them same time es sawv daws thiaj li muaj chaw tsav tsheb mus los sib ntsib ib hnub kom zoo siab mas. Yog sawv daws ho yuav ua me muv tuaj mus sib ntsauv rau ib lub chaw xwb ntshe yuav sib txiv tag li xwb os.........hahahahahahaha.
Txawm noj tsawg lub 30 thiab peb Hmoob yuav npaj tau tsawg tus miss Hmoob los yee zoo kawg li es peb thiaj li pom lawv cov ntxhais zoo nkauj coob npaum li cas los tau kawg mas vim kuv tseev xav pom Miss Hmoob 18 Xeem thiab laiv......hahahahahahaha. Tab sis, qhov zoo ces vim peb tseem muaj yawg hlob Vaj Pov nrog peb nyob ua niam ua txiv rau ntawm ces peb yuav tau mloog nws hais seb nws nyiam li cas es sawv daws ho mus vote seb ua tau yam twg zoo raws nws siab es kom nws thiaj li muaj siab tuaj nrog sawv daws koom kev lom zem ua lub chaw tshua rau peb Hmoob tej tub hluas ntxhais hluas txoj me kev zoo siab ntshe yuav yog ib qho zoo heev li os.
Qhov tsis zoo ces yog ib tug tswv khaws cov nyiaj xwb ces zoo li neeg mus casino xwb ntshe pej xeem Hmoob Fresno ho yuav tsis pom lawv lub koom haum siv nyiaj los txhawb lub nroog lawv nyob li cas ces tsam neeg hos nroo nroo xwb os........hahahahahahahaha. Muaj ntau yam hais, yog leej twg tshwm nyiaj los ua lub 30 ces tus ntawm khaws cov nyiaj xwb los zoo mas vim sawv daws tsis muaj cov deposit los nqes tes tsim lub xyoo tshiab ces chim tsis tau li os.
Nov yog kuv lus tham pem ua si xwb es cia seb peb Hmoob Fresno yuav noj tsawg lub peb caug rau lub xyoo 2010 os...
Koj xav li cas los yog li ntawm. Tab sis, kuv xav mas nws yog ib qho zoo ua peb Hmoob yuav los xyaum nrog luag sib tw hais lus txog txoj kev tawm ncauj tawm lus li yawg loj lawv hais tawm ntawm es peb thiaj li tsis muaj qhov txhawj txog peb lub neej pem suab vim yam twg peb ua tau lawm thiaj muaj kev nyab xeeb vim peb muaj cov tswv Hmoob coob leej yuav los ua taus niam taus txiv sawv tej laus chaw nyob rau nyias lub zos nrog txhawb nyias tej communities kom zoo zuj zus mus.
Kuv xav tias thaum peb cov nom tswv Hmoob tsis sib haum xeeb lawm peb thiaj li yuav xyaum mus koom nrog cov nom tswv Americans leg hauj lwm rau city nyob rau ob tog xws li tog republican los sis tog democrat kom sawv daws xyaum los sib tw ua tej yam zoo rau pej xeem huab hwm thiab nyias li kev cai dab qhuas kom zoo ntxiv mus tsis tu ncua. Yog tias peb nyias nkaum nyias tes es tsis muaj qhov nco txob nco txhawj txog yus Haiv Hmoob li ces thaum tsis muaj tej laus lawm sawv daws yuav muaj kev ntxhov siab dua qub. Txawm hais tias yawg loj pom zoo ib tog xwb los vim nws yog tus loj ces nws yuav tsum hais lus tuaj tog ib txwm tuav lub tsiab peb caug. Yog tias thaum kawg peb Hmoob cov councils ho hloov tau mus ua dua lwm yam lawm los qhov ntawm nws tshuas yog ib yam tshiab ntxiv rau peb Hmoob kom zoo zuj zus mus xwb. Kuv xav tias yuav tsis muaj teeb meem loj li cas rau peb Hmoob txoj kev sib hlub lawm yav tom ntej.
Ntsuj Plig, kuv xav tias txhua yam peb Hmoob xav ua yuav tsum muaj tawm ncauj tawm lus li yawg loj thiab xov xwm nov ua ntej es nws yog ib tug qauv zoo dua qhov hauj lwm qab rooj.......hahahahahahahahahahahaha. Kuv ces lam hais lus kom zoo nyeem xwb es kuv twb tsis paub hauj lwm qab rooj yog zoo li cas os.