~LUBPAJZOO~

Subject: ~LUBPAJZOO~ Thu Sep 23, 2010 5:20 pm

First topic message reminder :

Lubpajzoo, yog paj xeem Xyooj,
Zoo tsis thooj li nej txhua tus,
Tsis zoo lus thiab tsis zoo nkauj,
Lam tuaj xauj tuaj saib nej xwb,
Txhob mob hlwb thaum pom Lubpajzoo,
Lam nug moo kuv yeej tsis tom,
Yog tau pom kuv yeej zoo siab,
Kuv tuaj tshiab kuj xav paub nej thiab mog.

Subject: Re: ~LUBPAJZOO~ Mon Feb 28, 2011 2:14 pm

Tuaj ua si
Tuaj nrog wb ntxhi
Kom koj lub siab kaj li thaum i

Tuaj nrog kuv tso dag tso luag
Kom peb muaj lawm lub chaw sib cuag
Peb thiaj tsis nyob nrog lub kua muag

Txoj kev hlub ces zoo li no
Koj mus lawm ntev peb thiaj sib nco
Hauv lub siab tseem muaj koj rawv tsis tau tso

Subject: Re: ~LUBPAJZOO~ Mon Feb 28, 2011 2:22 pm

ua cas nej khiav tas lawm nab?

Subject: Re: ~LUBPAJZOO~ Mon Feb 28, 2011 2:25 pm

nkaujhnubqub wrote:: HOb....!
Nyob zoo niam laus Lubpajzoo
kuv tuaj tos niam laus nkauj nyiag neb txhua zaus li os
tab sis kuv tsis khoom ntau li es tuaj me me ploj pliag xwb na.
Koj ne nyob li cas lawm nab?

Nkaujhnubqub, tus me niamhluas siab zoo
Ua tsaug ntau nws niaj hnub tuaj nug kuv moo
Nkaujhnubqub, tus me niamhluas lus mos
Ua tsaug ntau nws niaj hnub tuaj tos kuv mog

Kuv ces noj los qab haus los tsau heev lawm
Vim li thiaj nyob taus taus tsis pom tawm
Kuv ces haus los tsau hos noj los qab heev
Vim li thiaj nyob taus tsis tawm tuaj nrog nej seev

Kuv ces zoo li tus neeg quav yeeb mus haus tshuaj
Vim xav kom thum tau yeeb thiaj tsis xav tuaj
Kuv ces zoo li tus neeg quav cawv yuav tau tseg
Vim xav kom thum tau cawv thiaj tsis kho siab ned

Hahahaahaa, tabsis xav tias tsis tuaj los vim nco nco nej
Tuaj los zoo li lub ntuj no ua voj ua viag tsis paub taug kev
Xyov yuav taug txoj twg thiaj mus txog lub chaw so
Vim tseg tau ntev ntev lawm ces tsis paub pib qhov twg los

Subject: Re: ~LUBPAJZOO~ Mon Feb 28, 2011 2:29 pm

Pib tog twg tuaj
Los tsuav txhua lo
Koj hais muaj
Kuv yeej zoo siab hlo

Subject: Re: ~LUBPAJZOO~ Mon Feb 28, 2011 2:32 pm

Kuv xav kom niaj hnub muaj koj
Nrog kuv nyob ze tsis txawj ploj
Kuv xav koj nkauj nyiag
Neb nrog kuv nyob ke sib ze tiag

Niam laus aw... Muaj tej lub sij hawm
Kuv nco nco neb tsis pom qab tawm
Txawm tuaj txog los neb tsis nyob
Kuv tuaj txog los tsis muaj neb nrog kuv sib txob

Nyob nyob ib hnub tos
Los tsis pom neb los
Ma kuv rov mus siab quaj dhi
Nco nco neb kawg li...

» Xav ntsib LUbpajzoo