Los peb hais, "Kwvtxhiaj"

Nijyai..., cas teeb txheej hov txawb txhaim es luj yig hov txhaim tshaj..., ntauj taws sua yeev tuaj txog xav tsa lub ncauj nrog lawm nej hais los ntshai tib ruj rwg tsam peb tus me sab sij huam laij puas nyab lawm nej zaj,

Nijyai..., cas teeb txheej hov txawb txhaim es luj yig hov txhaim txheeb..., ntauj taws sua yeev tuaj txog xav tsa lub ncauj los nrog lawm nej hais los ntshai tib ruj rwg tsam peb tus me sab sij huam laij puas nyab lawm nej xeeb,

Ces ntshe nim yuav chim laj tsis chim xeeb, chim lub laj xeeb xaus xi tuaj rau zos hmongheaven, ceeb tsheej ntuj, zaj no ces hais tuaj cob nkaus rau me nraug hmoob Tsimnuj.

Wow................Lubpajzoo koj txawj hais kwv txhiaj thiab los, cas hais tau kho siab ua luaj cia kuv lam qw mw mw nrog koj seb.

Nim yes..............

Tab laj tej tuj vaj ntxwv nyob hos suj tuj laj tis xyuam tsuab yim kum yim lub cuab txiaj ntsim tuaj tso kev to kooj ziag kab zaig hniav khiav khais nyob li yuj, muaj txiaj ntsim kev kho siab nthuav tuaj peb hais mus qhia txuj.

Tab laj tej tuj vaj ntxwv nyob hos suj tuj laj tis xyuam tsuab yim kum yim lub cua txiaj ntsim tso kev to kooj ziag kab zaig hniav khiav khais nyob li yis, muaj txiaj ntsim kev kho siab nthuav tuaj peb hais mus qhia ci.

Muaj nyiag txiag hnyuav tuaj mus peb vab muaj txiaj ntsim kev kho siab hais tuaj lawm niaj peb fab.

Muaj nyiaj txiag hnyuav tuaj mus peb tee muaj txiaj ntsim kev kho siab hais tuaj lawm niaj peb ntxee.

Ces yuav chim lub laj xeeb xaus xis suav txawj txeeg cim liaj ia, muaj siab tiag hais hmo no tawm kaj ntuj wb li tso cia.

Hahahahaa, Ntsuj Plig,

Lubpajzoo tuaj hlob tebchaws no xwb es tseem ke kawm ke hais xwb nas, ces tsis paub xyov koj zaj txhais tau licas li lawm os, hahahahaha, kuv yoob lawm os vim tsis paub txhais koj zaj kwvtxhiaj lawm os, leej nus aw.

Ua tsaug ntau koj tuaj seev ib zaj pub kuv mloog tabsis ntshe yuav tsis txawj seev kom tau ib zaj phim koj zaj ces txhob xav licas nawd mog.

Yog muaj sijhawm no ces thov rovqab tuaj hais ntxiv rau kuv tuaj kawm thiab od,

kuv twb tsis txawj nrog nej hais es Lubpajzoo