Los peb hais, "Kwvtxhiaj"

First topic message reminder :

Nijyai..., cas teeb txheej hov txawb txhaim es luj yig hov txhaim tshaj..., ntauj taws sua yeev tuaj txog xav tsa lub ncauj nrog lawm nej hais los ntshai tib ruj rwg tsam peb tus me sab sij huam laij puas nyab lawm nej zaj,

Nijyai..., cas teeb txheej hov txawb txhaim es luj yig hov txhaim txheeb..., ntauj taws sua yeev tuaj txog xav tsa lub ncauj los nrog lawm nej hais los ntshai tib ruj rwg tsam peb tus me sab sij huam laij puas nyab lawm nej xeeb,

Ces ntshe nim yuav chim laj tsis chim xeeb, chim lub laj xeeb xaus xi tuaj rau zos hmongheaven, ceeb tsheej ntuj, zaj no ces hais tuaj cob nkaus rau me nraug hmoob Tsimnuj.

Nij yai…e…, cas qab tsua txawm nplooj mus tsawb sua, qaum tsua txawm nplooj mus tsawb txhaw, txiv leej tub, plees nkauj nraum txawm nyob deb npaum twg es ntiaj teb no nraug muaj coob npaum li nplooj los cas koj ib leej thiaj hais tau lus ntxim kuv niam leej ntxhais no 48 nplooj plawv mog.

Nij yai…e…, cas qab tsua txawm nplooj mus tsawb sua, qaum tsua txawm nplooj mus tsawb liab, txiv leej tub, plees nkauj nraum txawm nyob deb npaum twg es ntiaj teb no nraug muaj coob npaum li nplooj los cas koj ib leej thiaj hais tau lus ntxim kuv niam leej ntxhais no 48 nplooj siab mog.

Ces nim zoo laj xeeb xaus xi tuaj rau nej nroog es zaj no ces hais tuaj rau kuv leej me nus zoo ib leeg mloog mog.

NkaujNyiag wrote:

Lubpajzoo thiab Vimhlubthiajmob,

Kuv tsis paub hais kwv txhiaj ces kuv sau lus xwb...hehehe

Cas neb yuav txawj seev tau tu siab ua luaj
Ua rau kuv lub siab nrog neb mob
Cas neb yuav txawj tuaj seev tau mob plawv
Ua rau kuv lub plawv dhia tsis haum
Xav sau pajhuam caum
Nrog neb daws pob caus
Seb peb dhia puas dhau
Seb puas muaj hnub peb dhia dhau lub pob caus kom peb nyob taus kaj siab

Txoj kev mob yeej mob chob siab zim yuav khiav tsis dim
Yuav kom dim yuav tau rov mus sib fim
Thaum chim xav tias khiav mus nyob tim qab tsuas tob
Thiaj yuav dim txoj kev mob
Qab tsuas tob haj yam yog chaw ti
Txhob xav ntau tsam tsis tau chaw tig
Vim qab tsuas tob yog me nroj me tsuag li
Luag yuav ua mab laum yus tsis pub yus nti

Thaum nyuaj siab xav tias kheev lam muaj tis
Yuav ya yuj yees mus nyob ntuj ceeb tsheej
Thiaj yuav nyob tsheej mam pib dua lub neej thiaj nyob tau kaj siab ces dhia dhau kev chim
Tseg kiag txhob ntshaw txoj kev muaj tis vim tsis tau txog yus thib
Yus yuam cai mus ua ntej ces yog mus rau txim
Vim ntuj tsim nyias muaj nyias thib
Yog tsis tau txog yus thib ua siab ntev sib ib
Hnub ntawv yeej yuav txog ces yus mus thiaj zoo siab hlo
nas cov me vivncaus txhua tus ua muaj kev ntxhov siab nyo....hehehehe...lam nrog neb sau xwb.

Vuag!
NkaujNyiag, koj mas txawj ntuas wb heev li lawm os.
Yog koj ntxov ntuas ces kuv twb tsis pom qabtsuas li los hos
Ua tsaug rau koj cov lus qhuab lus qhia kom kuv paub
Yog koj ntxov ntuas ces ntshe kuv twb tsis tau saub
Vim tsis ntxov paub koj ces kuv twb mus ob peb zaug lawm
Tabsis mus mus tsis taus ces mam nco tias tseem tshuav leej nkawm no na,hahahaha,

Koj cov lus mas hais tau zoo thaj li os, sis aw, ua tsaug ntau nawd,
Yuav khaws mus cia kawm rau nruab plawv lawm nawd, sis aj.

Ntsuj_Plig wrote:

Lubpajzoo.........

Tsis ua cas os zaj kwv txhiaj ntawd nws yog ib zaj kwv txhiaj hmoob hu tias "KWV TXHIAJ PUAM FAB" yog nws hais txog tias koj muaj paj ntsha lus taum los yeej meem tuaj wb hais sib lwv no xwb os....hahaa

Txhob xav li cas rau kuv thiab nawb, tsis yog kuv yuav tuaj lwv koj tab sis tsuas yog muab sau tseg rau nej cov hluas tau kawm mus hais xwb os.

Koj puas xav mloog kuv hais tiag, lwm zaus kuv yuav tso kiag ib qho me me rau koj mloog kuv lub suab nawb....hahaa

Wow! Tiag tiag li lod? Koj kam muab suab rau kuv mloog lawm lod? Ces kaw ib qhov coj tuaj tso rau kuv mloog mas nawd, kuv xav xav mloog lawm os, Ntsuj Plig.

Kuv tsis tau hnov dua cov lus koj hais ntawd li os, nws yog ib cov lus tshiab rau kuv xwb es ua tsaug koj pab qhia rau kuv nawd. Kuv yeej xav xav mloog koj cov kwvtxhiaj thiab xav hnov cov lus tshiab tshiab no es thov tuaj hais ntxiv rau kuv mloog nawd.

Ntsuj_Plig wrote:

Nim yes....... Txhiaj txheeb kav txhiaj txim nyuj choj nyuj muas, muas choj muas yam yi teev lauj yig hov kob txhaim, txhaim laj txhaim kab kub. Kuv kom koj hais koj tsis hais muaj hnub koj ua nyab tag kuv muaj tab muaj zag dua koj nco wb me plees nkaum nrauj ces nthe yuav dai dhuj dhuam qab mus ntuj dub.

Txhiaj txhim kam txhiaj txheeb nyuj choj nyuj muas, muas choj muas yam eeb teev lauj yig hov kob txhaim txhaim laj txhiam kab huab. Kuv kom koj hais koj tsis hais muaj hnub koj ua nyab tuaj laus tag kuv muaj tab muaj zag tuaj laus dua koj nco wb me plees nkauj nraum ces yuav dai dhuj dhuam qab mus ntuj ntsuab.

Ces yuav chim siab nyog luaj no xaus xi tuaj nruab xub zaj no hais rau Lubpajzoo tus ntxim hlub

Vuag! Zoo tiag tiag li os, Ntsuj Plig aw..., nej cov ntsiab lus no es yog lus mab los lus suav los lus miskas naj? Kuv nyeem tau xwb txhais tsis tau li es, hehehhee,

Nij yai..., cas nyuj muas nyuj siv muas nyuj cheej mog…, cas xyoo no peb nim ua nkauj thiab ua nraug rau ntuj yuam sib txoog txoj niag kev deb…, cas nkaujxwb ntauj taws sua yeev tuaj txog xav tsa lub ncauj pag suab see nrog lawm koj hais los ntshe peb tus me xwm fab npoj ces laij pus tej lawm nej tus xwm fab zeej mog,

Nij yai..., cas nyuj muas nyuj siv muas nyuj choj mog…, cas xyoo no peb nim ua nkauj thiab ua nraug rau ntuj yuam sib txoog txoj niag kev deb…, cas nkaujxwb ntauj taws sua yeev tuaj txog xav tsa lub ncauj pag suab see nrog lawm koj hais los ntshe peb tus me xwm fab npoj ces laij pus tej lawm nej tus xwm fab npoj mog,

Ces yuav chim lub laj xeeb xaus xi tuaj rau tim i, zaj no ces hais cob nkaus rau me Ntsuj Plig mog.

Ibzaugntxiv wrote:

Haha, cas nej khiav los sib lwv khwv txhiaj no nej tsi caws kuv tus nraug seem no li thiab lov...

Txhiaj txhim kam txhiaj nyuj dub, kuv tsi txawj hais ces kuv noj taum dub es hais zaj twg los zaj qub xwb laud....

Ua tsaug tau tuaj saib nej sib lwv khwv txhiaj os

Hehehee, kuv leej me nus, Ibzaugntxiv, thov zamtxim rau koj me muam ibzaugntxiv dua mas mog. Vim tias tsis nco qab caw koj lawm es nws txhob xav licas, nws twb tuaj txog lawm ces kavtsij seev suab hais kwvtxhiaj pub nws me nkaujmuam mloog mas nawd, mam nyob nov mloog nws hais kiag mas mog.

Thov caw nawd...,