TIAM DHAU LOS KOJ PUAS NCO TAU?

Subject: TIAM DHAU LOS KOJ PUAS NCO TAU? Wed Dec 15, 2010 1:44 am

First topic message reminder :

koj hais tias koj yog kuv tus
thaum wb sib ncaim mus
yav tiam dhau los
es koj lub siab thiaj hnov kuv tos

nws puas muaj tseeb tiag
los tsuas yog koj lam npliag
kom tau kuv los puag
vim koj pom kuv tawm lub kua muag

tiam dhau los puas muaj tiag
yog muaj muaj tseeb thov rov los npliag
nws tseem yog koj lub siab qub
tig kiag rov los hlub

txawm tias koj yog dab yog ntxoog
los kuv mam sim yoog
koj tsis zoo nqaug
los ntshe kuv yeej qaug

vim hlub ib leeg nyob dhau txhua tiam
pes tsawg tiam los yeej yog tus qub tus koj nyiam
yog koj hlub kuv heev
ces khaws ntsoo koj tej lus seev

lub siab tsis txhob dag ntxiv
tsam kuv siab khi tsis paub ntxiv
thov ua siab zoo pab kuv os mog
koj yog kuv me txiv tiam tag los puas yog

Subject: Re: TIAM DHAU LOS KOJ PUAS NCO TAU? Sun Dec 19, 2010 2:07 pm

Niam laus tsis muaj neeg nrog kuv tham txog li es
ntshe lawv tsis paub li ho, hahaha kav liam os.
kuv tuaj tos tos koj tsis tuaj ces kuv mus lawm os
mam ntsib dua nawb

NkaujNyiag wrote:: Niamhluas nkaujhnubqub

Yog koj yuav tham txog "Txoj Kev Hlub Txhua Tiam"
Ntse kuv tsis paub tham ho
Seb niamlaus Npaujnpaim thiab cov phoojywg puas paub
Kuv tsuas paub tias ua neeg muaj ib tiam xwb

Tus kuv hlub
Pom nws thawj hnub
Ua rau kuv lub siab nyoob
Pom nws thawj zaug
Ua rau kuv lub siab qaug
Lub siab xav ntsoov txog nws
Leej twg tham
Tsis Hnov luag lus
Cuag neeg lag ntse
Cov laus thiaj tias
Tus ntawv yog neeg vwm
Vim noj mov tsis nco xo
Lam nrog luag zaum ntawm rooj
Nyob ib tug ntseg ntsees twb tsis co
Neeg vwm rau txoj kev hlub puas yog zoo li no
Lam los nrog neb sau pajhuam ua si xwb...heheee

Subject: Re: TIAM DHAU LOS KOJ PUAS NCO TAU? Tue Dec 21, 2010 8:05 am

nkaujnyiag kuv tso koj zaj paj huam rau haub nos lawm os nawb
hauv no tham txog txhua tiam na hehehe
ua tsaug rau koj zaj pjahuam os

Quote :: Tiam dhau los yog koj tseem nco tau
Ntse yuav zoo dhau
Tiam tas los yog koj nco tseeb
Kev kho siab yuav tsis muaj kev seev
Yog koj ntseeg tias muaj tseeb
Txoj kev hlub yuav nyob dhia dhees
Tiag thiab dag yuav yog koj mloog koj lub siab kom tseeb ntag
Kuv yuav qhia tsis tau rau koj vim kuv twb tsis nyob hauv koj tiam
Koj yuav tau mloog hauv koj nraug siab qhov koj nyiam thiab koj tus npau suav

Subject: Re: TIAM DHAU LOS KOJ PUAS NCO TAU? Tue Dec 21, 2010 8:20 am

Niamhluas Nkaujhnubqub,

Koj ma ua rau kuv xav ntev xav ntau
Kuv xav tias cas ntus no
Kuv me niamhluas yuav xav txawv ua luaj
Kuv thiaj tsis paub nrog nws seev
Kuv thiaj tuaj zaum ntsia nws rheev na
Yog nws lam tias tiam tas los xwb lov??.....hehehehee

Kuv yuav tau tawm mus ua num me me tso
Ib tsam kuv mam rov los nrog koj tham dua

nkaujhnubqub wrote:: nkaujnyiag kuv tso koj zaj paj huam rau haub nos lawm os nawb
hauv no tham txog txhua tiam na hehehe
ua tsaug rau koj zaj pjahuam os

Subject: Re: TIAM DHAU LOS KOJ PUAS NCO TAU? Tue Dec 21, 2010 9:53 am

Niam laus koj puas ntseeg tias muaj tiam tas los no nab?

Kuv qhia koj os, hauv kuv siab
Nws muaj ib lub suab phej txob kuv thiab
Ua rau kuv thiaj xav tau ntau ntau
Tias tseem tshuav ib tiam tas los dhau

Kuv nco tsis tau zoo
Tiam sis lub suab phej ua rau kuv nroo
Muaj tej yam nws tshwm sim los
Zoo li kuv lub siab nrog tus ntsuj plig tseem tos

Tus neeg kuv hlub yav dhau
Zoo li nws tus ntsuj plig twb tuaj nrhiav kuv tau
Nws hais qhia kuv yam li kuv ua npau suav
Tias tiam tas los wb yog txij nkawm nyob sib tuav

Nws hais tiag tiag li no
Vim nws hais tias nws nco
Ua rau kuv cia li tsis xav tsim los
Kuv tseem xav hnov nws cov me lus mos

Thaum kuv hnov zoj
Kuv twb tsis kam nteeg
Tiam sis nws hais tau tej yam deeg
Cia li khuam hauv kuv lub siab tsis ploj

Ua rau kuv zoo siab heev
Xa ya nrog cua mus sau lo lus deev
Xav kom rov muaj nws dua
Vim zoo li kuv lub siab cia li tshua

Tus neeg tsis zoo heev
Tiam sis nws lo lus seev
Cuag li yog tiag
Kuv cia li xav mus rau nws puag kiag

Kuv xav kom nws plhws kuv taub hau
Kuv cia li xav kom nws puag kuv ntau ntau
Kuv lam hnov tau nws ua hnub ua hmo
Txhua lub sij hawm tas li kuv cia li muab nws nco

Koj puas ntseeg tias muaj tiaj ma lov?

Subject: Re: TIAM DHAU LOS KOJ PUAS NCO TAU? Tue Dec 21, 2010 10:02 am

Mloog zaj nkauj no nrog kuv ntxiv thiab os cov phooj ywg

» Nco nco txhua tiam dhau los
» TIAM TAG LOS PUAS YOG WB NPAU SUAV
» Hli Dhau Mus Ua Xyoo
» Mam hlub koj rau lwm tiam
» TIAM TWG LOS YUAV TOS KOJ