Tsovliab Lub Tsev

Subject: Tsovliab Lub Tsev Thu Mar 03, 2011 7:46 pm

Ntawm no, yog kuv lub tsev kuv tsis kaw qhov rooj li kuv qhib rooj lug tos nej txhua tus tuaj saib kuv es yog nej leej twg tuaj no ces cia li nkag los nrog kuv tham ov vim kuv nyuam qhuav los nyob tshiab nyob lig xwb ces dej los tsis tau muaj haus thiab luam yeeb los tsis tau npaj txhij li. Tab sis, kuv muaj 1 nyuag lub taub coffee xwb nyias los tso nyias haus nawb mog.

Subject: Re: Tsovliab Lub Tsev Thu Mar 03, 2011 8:00 pm

Nyob zoo os TsovLiab

Koj vaj tsev zoo tau ci ntsa li iab
Kuv tuaj nrog koj nyob puas xis koj siab
Koj vaj tsev zoo tau ci ntsa li awv
Kuv xav tuaj nrog koj zaum tsis xav sawv
Koj puas kam ua li kuv hais ma...hahaha

thiab Zoo siab koj tuaj tu koj lub tsev os

Subject: Re: Tsovliab Lub Tsev Sun Mar 06, 2011 9:27 am

Nkaujnyiag,

Kuv twb tsis muaj tsev nyob li kuv nyob tshav puam xwb lam muab 1 lub nyuag taub dej kub los tso rau sawv daws haus xwb los mas. Koj muaj sij hawm ces tuaj nrog kuv nyob tham pem laug hnub laug hmo kom hnub hmo tsis txhob ntev ntev.

Ua cas koj yuav txawj hais lus tau qab zib cuag suab thaj vim koj hais lus dhos pes daws lawm tsheej zaj.
koj yuav txawj hais lus qab zib cuag zib mu vim koj hais lus dhos pes daws lawm tsheej ntu.
Ua rau kuv tsis txawj teb koj li os me leej muam nkaujnyiag tus me nkaujhmoob lub siab txawj siab nkiag.

Subject: Re: Tsovliab Lub Tsev Mon Mar 07, 2011 10:11 am

Tsovliab,

Koj lub tsev tshav puam
Yog lub kuv xav tuaj cuam tshuam
Txawm tsis muaj dej kub rau peb haus
Los tsuav tuaj pom koj xwb twb zoo peb siab
Kuv tsis txawj hais lus qab zib os
Kuv cov lus qab zib ces yog lus zab...hahaha
Koj txhob maj thab koj thiaj tsis poob qab ntab..hahaha
Kuv cov lus dho yog lus tsis yog
Kuv lam tuaj nrog nej xyaum lus dho kom tog..hahaha
Yog koj tsis txawj teb ces koj kuj zaum saib
Kuv zoo siab tig xom lees rau koj ntsias....hahaha

Subject: Re: Tsovliab Lub Tsev Sat Mar 12, 2011 7:47 am

Nkaujnyiag,

Tus neeg siab zoo tus neeg ntxim hlub, cas nws yuav txawj ua yeeb yam tig xam lees tau txaus nyiam txaus nco ua luaj es leej twg yog nws tus txiv tsev tuaj pom nws nrog kuv tso dag ntawm no ntshe leej twg yuav mob siab tej niag teg thiab ov yom.

» ~"PHOOJYWG"~ Tsev Nug Moo
» Lub Tsev Saib Movies
» Lub Tsev Mloog Yassuab
» Wb Lub Tsev Pheeb Suab
» General Vang Pao Vang Vaj Tsev Neeg