Hnub no lub ntuj huv si nrog rau tus me duab tshav ntuj ci, Kuv tuaj ncig ntawm wb tej qub chaw ua si los tsis pom koj nyob qhov twg li, Hnub no lub ntuj ntsuab xiab nrog rau tus me duab tshav ntuj ci ntsa tshiab, Kuv tuaj ncig ib hnub tsis ntsib koj cas yuav kho kho kuv lub siab
Kuv tus me neeg zoo, koj dua twg lawm cia li tawm los rau kuv pom Kuv lub siab quaj dhi rau txoj kev hlub twb yog vim koj ib leeg xwb os, Ua li koj puas tseem nyob rau ntawm thaj chaw no? Thov tawm los rau kuv pom ib zaug ntxiv tsis txhob cia kuv nco nco koj li no os mog,
Last edited by Npauj Npaim on Mon Oct 10, 2011 9:55 am; edited 9 times in total
Author
Message
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Hnub no lub ntuj los los nag, Ua rau kuv nco nco koj li na, Hnub no lub ntuj los nag xujxuav, Ua rau kuv nco nco koj kho siab khuav,
Hnub no lub ntuj los nag tsaus nthi, Kuv xav nyob ntawm koj ib sab nrog koj hais lus ntxhi, Hnub no lub ntuj los nag xauv npo, Kuv xav nyob ntawm koj ib sab nrog koj ua pa sovso,
Ab cas lub ntuj yuav los nag tsis tu, Tsam no twb yuav txog lub caij wb mus noj sus, Ab cas lub ntuj yuav los nag tag li xwb, Ntuj los nag li no mas zoo zoo pw nyob sib nwj,
Uali koj puas nyiam ntuj los nag mas me hlub, Yog nyiam no los wb pw uasi nyob laug hnub, Uali koj puas nyiam mloog cov nag poob nrov li zawv, Yog nyiam no los wb pw uasi nyob sib tawb,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Lub ntuj no cas yuav nyob tau khosiab zim, Tuaj ncig txog los tsis muaj ibtug neeg li, Lub ntuj no cas yuav nyob tau khosiab ua luaj, Mus saib pes tsawg lwm los tsis muaj neeg tuaj,
Puas yog tias nej tuaj sawv ib sab saib xwb, Es kuv thiaj ntsia tsis pom nej nas nraug hmoobxwb, Nej tsis kam los nrog kuv seev kev hlub, Los kuv mam nyob kuv ib leeg nrog tshavntuj kub,
Nej tsis kam los saib kuv ib muag los tseg, Kuv mam nyob kuv ibleeg hauv kuv lub tsev, Nej tsis kam los nrog kuv hais lus los kavliam, Kuv mam nyob kuv ibleeg li no xwb tiag,
Last edited by Npauj Npaim on Thu May 27, 2010 5:31 pm; edited 1 time in total
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Me naib aw..., uacas koj yuav chim ua luaj, Luag kiag ib suab rau kuv es tsis txhob quaj, Qhia kuv seb vim licas koj thiaj li chim, Kuv xav kom koj nyob luag ntxhi tag li,
Koj lub me ntsejmuag mas cas yuav ntximhlub, Qhia kuv seb vim licas nas Hmoob tej me tub, Uacas koj yuav nyob ib tug ntsiag to li ko, Luag kiag ib suab pub rau kuv mloog mog,
Kuv xav kom koj nyob luag ntxhi xwb, Kuv thiaj li tsis mob mob hlwb, Vim kuv hlub koj lawm nas me naib siab zoo, Luag kiag los wb tham lus sib nug moo,
Kuv tuaj tos koj ib hnub no koj puas paub, Vim kuv nco nco koj kuv thiaj tuaj saub, Kuv tos koj ib hnub no lawm koj puas ntseeg, Vim kuv nco nco koj thiaj tuaj seev,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Txiv neej lub siab hlub yeej tsis qhia tag, Yog tsis ceevfaj mas feem ntau yeej raug nws dag, Txiv neej lub siab hlub yeej tsis qhia tseeb, Yog tsis ceevfaj mas feem ntau yeej raug nws dag deev,
Siab txiv neej ces lam dag kom pojniam ntshaw, Nws yeej tsis hlub tiag los lam dag thiab lam tawb, Siab txiv neej cas lam dag kom pojniam vwm, Nws yeej tsis hlub tiag los lam dag kom tau muag nwj,
Siab txiv neej yeej zoo li ntawd ntau xwb puas yog, Los yog kuv no lub siab me thiab siab mos thiaj hais li xwb os, Siab txiv neej yeej zoo li ntawd ntau xwb puas yog lawv, Los yog kuv no yeej tsis paub tiag thiaj lam muab nthuav tawm,