Hnub no lub ntuj huv si nrog rau tus me duab tshav ntuj ci, Kuv tuaj ncig ntawm wb tej qub chaw ua si los tsis pom koj nyob qhov twg li, Hnub no lub ntuj ntsuab xiab nrog rau tus me duab tshav ntuj ci ntsa tshiab, Kuv tuaj ncig ib hnub tsis ntsib koj cas yuav kho kho kuv lub siab
Kuv tus me neeg zoo, koj dua twg lawm cia li tawm los rau kuv pom Kuv lub siab quaj dhi rau txoj kev hlub twb yog vim koj ib leeg xwb os, Ua li koj puas tseem nyob rau ntawm thaj chaw no? Thov tawm los rau kuv pom ib zaug ntxiv tsis txhob cia kuv nco nco koj li no os mog,
Last edited by Npauj Npaim on Mon Oct 10, 2011 9:55 am; edited 9 times in total
Author
Message
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Ab..., yim tham ntau ces yim ua rau kuv mob taubhau, Ces cia tsis txhob tuaj tham kom koj tsis txhob paub, Ab..., yim tham ntau lo ces yim ua rau kuv muab koj nco, Ces cia tsis txhob tham kom koj tsis txhob paub txog,
Yog tias hnub twg koj ncig tuaj txog wb tej chaw uasi, Kom koj paub tias kuv lub siab yeej tseem chis kawg li, Yog tias hnub twg koj ncig tuaj txog wb tej chaw seev, Kom koj paub tias kuv lub siab yeej tseem chim heev,
Lub siab chim los twb vim koj tsis nco wb tej lus cog tseg, Koj thiaj mus lawm tsis tuaj nrog kuv sib tuav tes, Lub siab chim los twb vim koj tso kuv nyob ntawm no ntev, Koj tsis tuaj pab txhawb kuv lub zog thiab tuav kuv tes mus kev,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Roojteb no uacas yuav nyob tau khosiab ua luaj, Lub ntuj no txawm muaj kuv los twb tsis muaj koj tuaj, Roojteb no uacas yuav nyob tau khosiab zim, Lub ntuj no txawm muaj kuv los twb txawm tsis muaj koj li,
Roojteb no yuav cia kuv nyob ibleeg tsis muaj tug hlub, Lub ntuj no txawm muaj niam leej ntxhais los twb tsis muaj Hmoob txiv leej tub, Roojteb no yuav cia kuv nyob ibleeg tsis muaj tug hmov tshua, Lub ntuj no txawm muaj niam leej ntxhais los twb tsis muaj Hmoob tej tubhluas,
Roojteb no nyob ibleeg kho siab seev yees tsis muaj neeg hnov, Lub ntuj no txawm muaj me kab Npauj Npaim zoonkauj los tsis muaj neeg kov, Roojteb no nyob ibleeg kho siab seev yees tsis muaj neeg pom kiag, Lub ntuj no txawm muaj lub me paj zoonkauj los tsis muaj neeg hnia,
Roojteb no nyob tau ntsiag to tsis muaj ib lub suab sab, Lub ntuj no txawm muaj lub me lwgdej los ntshe ib pliag nws yuav rov yaj, Roojteb no nyob tau ntsiag to tsis muaj ib lub suab sab nyob qhovtwg, Lub ntuj no txawm muaj me Npauj Npaim los ntshe ib hnub yuav tau rov vim tsis muaj phoojywg.
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Hnub no kuv rovqab tuaj ncig txog wb tej qub chaw, Kuv tuaj ncig pom koj tus me duab hneev taw, Ua rau kuv lub siab rov qab xav txog koj dua, Uali yog koj tiag los yog kuv ua npau suav?
Zoosiab tau hnov tias koj rovqab mus ua haujlwm lawm, Puas yog vim li ntawd es koj thiaj li tsis tawm, Yog tias muaj tseeb ces kuv nrog koj kajsiab mog, Kheev lam yog kuv xwb, tus uas nrog koj uake mus nthua nroj,
Uali koj mus nthua nroj puas hnov sab thiab, Yog sab no ces ho xav txog kuv kom zoo lub siab, Txawm kuv lub cev nyob deb los lub siab twb nyob ze, Yog sab no los so pw xav txog thaum wb nyob uake,
Seb puas yuav kaj koj lub siab lawm ib chim mog, Vim tias kuv nyob deb lawm tuaj pab tsis tau koj, Yog nyob ze ces ntshe kuv twb pab koj ua teb lawm, Tabsis vim nyob deb lawm ces cia mob rau kuv nawd,
Vim xav cev tes los pab nws nthua nroj thiab ne, Xav npaum licas los nim nrog tsis tau nws sawv ua ib ke, Hlub npaum licas los pab tsis tau nws ib pliag, Ntshe yuav cia nws nyob ib leeg kho siav khuav cia,
Uacas nws yuav seev tau ntximhlub ua luaj, Ua rau Lubpajzoo kub siab lug khiav yeev tuaj, Tuaj ncig tej qub chaw seb puas ntsib nws ibpliag, Yog ntsib nws lawm tiag ces kuv thiaj zoo lub siab,
Kuv mam nyob ntawm no tos kom txog thaum koj tuaj dua, Vim xav nrog koj tham txog wb tej kev sib tshua, Kuv mam nyob li no tos kom txog thaum kuv ntsib koj, Vim xav nrog koj tham txog wb tej kev sib nco nawd mog,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Home 
Calendar
