Hnub no lub ntuj huv si nrog rau tus me duab tshav ntuj ci, Kuv tuaj ncig ntawm wb tej qub chaw ua si los tsis pom koj nyob qhov twg li, Hnub no lub ntuj ntsuab xiab nrog rau tus me duab tshav ntuj ci ntsa tshiab, Kuv tuaj ncig ib hnub tsis ntsib koj cas yuav kho kho kuv lub siab
Kuv tus me neeg zoo, koj dua twg lawm cia li tawm los rau kuv pom Kuv lub siab quaj dhi rau txoj kev hlub twb yog vim koj ib leeg xwb os, Ua li koj puas tseem nyob rau ntawm thaj chaw no? Thov tawm los rau kuv pom ib zaug ntxiv tsis txhob cia kuv nco nco koj li no os mog,
Last edited by Npauj Npaim on Mon Oct 10, 2011 9:55 am; edited 9 times in total
Author
Message
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Yog hnub ntawd tau hlub koj raws wb lub siab ntshaw, Yuav sau siab hlo los hlub koj kom kawg plawv, Yuav nrog koj tsim kom muaj ntxhais thiab muaj tub, Yuav sib pab khwv kom nrog luag muaj nyiaj thiab muaj kub,
Yog hnub ntawd los txog rau wb lub neej lawm tiag, Txhua yam yuav nrog koj khwv kom haum wb lub siab, Yuav nrog koj ua lub neej rau lwm tiam thiab, Vim koj ib leeg xwb, thiaj coj haum kuv lub siab,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Me nploojsiab aw, wb txojkev ntshaw twb zoo sib xws, Yog hnub ntawd los txog kuv yuav tsis cia koj ib leeg khwv, Kev ua noj ua haus hauv lub vaj lub tsev koj txhob txhawj, Txhua yam ntawm wb lub neej kuv tso koj ua tus ntaus thawj,
Koj nyiam licas kuv coj li koj hais thiab mloog koj lus, Txhua txoj kev yog koj coj thiab pub kuv mam nrog koj mus, Me tub me ntxhais kuv yug rau koj ua tus qhuab qhia, Wb mam tsim kom muaj raws li poj ua tseg yawm ua cia,
Lub neej thiab txojsia yuav cia tswv ntuj ua tus tuav, Txhua yam hauv wb lub neej yuav coj kom caum cuag wb tus npausuav, Li ntawd thiaj tsim nyog qhov wb sib ntshaw thiab sib yuav, Ua lub neej sib sibhlub koom ib lub cev, tuav ib txojsia mus txog hnub tuag,
Yog hnub ntawd los txog lawm tiag, kuv yuav nco ntsoov, Tsawg tiam neej los yuav thov kom yog wb txoj hmoov, Yuav mus thov tswv ntuj muab wb txojkev hlub sau ntaus cim kub, Kom tsawg tiam neej los wb rovqab tau los sibhlub,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Hmmm..., es koj ua zoo tag npaum li no los yog ua rau kuv xwb? Kuv twb xav kom qhov koj ua zoo ntawd yog ua rau wb, Yog koj yuav ua zoo pub rau kuv ib leeg xwb no ces, Ntshe yog txojkev hlub kuv muab rau koj yeej tsis muaj nqes,
Kuv xav kom qhov wb sib sau los ua lub neej yog ob leeg pomzoo, Wb lub neej txojkev sibhlub kom tsis muaj hnub nroo, Yog koj hlub kuv li koj hais tiag tag nrho txhua lolus, Kuv yuav coj kom haum koj lub siab thiab mloog koj lus,
Koj tej kev pab kuv yeej txaus siab nrho txais, Tej menyuam txhua tug kuv yuav nrog koj ua zoo hais, Wb lub neej yuav nrog koj tswj kom ruaj khov, Koj txhua lolus zoo saum muaj txiaj ntsim heev rau kuv li hod,
Kuv yeej yeem thiab zoo siab li koj tus ua txiv tej lus qhuab, Lub neej yuav zoo yuav yog koj thiab kuv wb ob leeg tuav, Wb twb tsis yog ib tug yuam yuav ib tug ntxub, Twb yog wb muaj lub siab ntshaw ib yam wb thiaj los sibhlub,
Yog li kuv yuav coj kom haum li wb lub siab ntshaw mog, Tsawg tiam los yuav thov hlub nrog kuv tus me txiv no ibleeg xwb os, Hlub koj tsis muaj hnub dhuav thiab hnub tso tseg li, Tsis hais kev nojqab nyobzoo lossis kev tsaus ntuj nti,
Yog hnub ntawd koj yog kuv tug lawm ces kuv yuav yog koj li, Yuav nyob txhua tiam li niam nkauj hnub nyob nrog txiv nraughli, Yuav ua li lub hnub tuaj ci rau lub ntiajteb tshiab, Yuav nyob ua lub neej nrog koj kom wb muaj kev kajsiab mog,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Me nploojsiab...e..., txojkev hlub ces tsis hais uasi los yog tiag, Yeej ntshaw thiab xav kom muaj xwb thiaj li hais tawm thiab, Yog tau hais tawm lawm yeej ntshaw thiaj li hais tiag nad, Yog tsis ntshaw tiag ces yeej tsis nyob rau lub siab xav,
Yog ib tug neeg tsis muaj txojkev ntshaw lub neej zoo, Xees koj zoo nraug npaum cas los nws yeej tsis nroo, Yog nws tsis xav tau lub neej zoo thiab txojkev hlub, Xees hais zoo thiab yim pab nws los tsuas tau txojkev ntxub,
Yog muaj kev sibhlub lawm ces kev sib pab yeej muaj li koj hais, Koj pab kuv ib chim es kuv pab koj ib ntsis los wb mam uake pais, Niam hais txiv yuav, txiv hais niam mloog es ua lub neej sib nug moo, Niam mob txiv nrhiav tshuaj rau, txiv mob niam muab tshuaj kho kom zoo,
Kev sibhlub ntawm ib nkawm niamtxiv mas yog qhov kuv ntshaw tshaj, Vim tias tsuas paub txog tiam neej no xwb tsis paub txog lwmtiam li naj, Tiam no twb tau los nyob uake lawm, yuavtsum sibhlub kom kawg, Yog tiam no twb tau hlub koj lawm yuav tsis tso koj mus rau leej twg li nawd,