Hnub no lub ntuj huv si nrog rau tus me duab tshav ntuj ci, Kuv tuaj ncig ntawm wb tej qub chaw ua si los tsis pom koj nyob qhov twg li, Hnub no lub ntuj ntsuab xiab nrog rau tus me duab tshav ntuj ci ntsa tshiab, Kuv tuaj ncig ib hnub tsis ntsib koj cas yuav kho kho kuv lub siab
Kuv tus me neeg zoo, koj dua twg lawm cia li tawm los rau kuv pom Kuv lub siab quaj dhi rau txoj kev hlub twb yog vim koj ib leeg xwb os, Ua li koj puas tseem nyob rau ntawm thaj chaw no? Thov tawm los rau kuv pom ib zaug ntxiv tsis txhob cia kuv nco nco koj li no os mog,
Last edited by Npauj Npaim on Mon Oct 10, 2011 9:55 am; edited 9 times in total
Author
Message
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Ua cas hnub no kuv twb rovqab los, Tabsis ho tsis muaj koj nyob ntawm no tos, Ua cas hnub no kuv twb rovqab los lawm, Tabsis ho tsis pom koj tus hneev taw tawm,
Txawm licas los kuv mam nyob kuv ib leeg, Txawm tsis muaj koj los kuv yeej ua taus ib yig neej, Txawm licas los kuv mam nyob kuv ib leeg yeej tau, Txawm tsis muaj koj los kuv yeej ua taus lub neej laus,
Hos yog tias koj tseem chim vim xav tau kuv ib lolus zoo, Ces ciali los ntsib kuv tsam ces koj ho tsis hnov kuv moo, Hos yog tias koj tseem chim vim xav kom kuv lees txais koj, Ces ciali los ntsib kuv sai tsam ib pliag ho lig lawm os mog,
Vim twb yuav txog kuv lub caij rovqab mus tsev, Kuv nyob txawm tsis muaj koj los kuv mam ua lub siab ntev, Vim twb yuav txog kuv lub caij rovqab mus tsev lawm mog, Kuv nyob txawm tsis muaj koj los kuv mam ua ib siab os,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Yog tias lwm tiam muaj dua no kuv yuav thov rov los hlub nrog koj, Vim tiam no wb sib hlub npaum licas los yeej hlub tsis txaus li mog, Yog tias lwm tiam muaj dua no kuv yuav thov los hlub koj ib zaug ntxiv, Vim tiam no wb sib hlub npaum licas los yeej tsis txaus kuv siab li,
Yog lwm tiam muaj tiag no thov kom wb sib paub dua thiab, Kuv mam hlub koj dua kom kawg nkaus kuv lub siab, Yog lwm tiam muaj tiag no thov kom wb sib ntsib thiab mog, Kuv mam hlub koj dua kom kawg nkaus kuv siab no li os,
Last edited by Npauj Npaim on Wed Sep 08, 2010 2:23 pm; edited 1 time in total
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Tsum kiag…, nws tsis txhob quaj lawm mog kuv me nploojsiab, Txawm tias tiam no wb tsis sib tau los tseem tshuav lwm tiam thiab, Tsum kiag..., Nws tsis txhob quaj quaj lawm mog kuv me nplooj plawv, Txawm tias tiam no wb tsis sib tau los lwm tiam wb mam mus thov dua ntawv,
Yog koj pheej yuav quaj rau txojkev hlub ces kuv los yuav quaj ibyam thiab, Vim kuv saib tsis taus koj lub kua muag poob ua rau kuv mob lub siab, Yog koj pheej yuav quaj rau txojkev hlub ces kuv los yuav quaj nrog koj, Vim kuv mob mob kuv lub siab thaum kuv pom koj teev kua muag nrog,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Me nploojsiab..., kuv yuav nco ntsoov wb cov lus, Yog lwm tiam muaj tiag kuv yuav los ua koj ibleeg tus, Me nploojsiab..., kuv yuav nco ntsoov wb cov lus hais cia, Yog lwm tiam muaj tiag kuv yuav los hlub koj dua thiab,
Kuv yuav khaws wb txojkev hlub cia rau nraub siab, Yuav cia nyob kom txog thaum wb tau los uake kiag, Kuv yuav khaws wb txojkev hlub cia rau nruab plawv, Yuav cia nyob kom txog thaum wb tau los uake kiag nawv,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Yog txojkev hlub hais tau ua tau thiab hlub tau li tiag tiag, Tsawg tiam neej los yeej xav kom muaj koj puag kuv rau lub xubntiag, Yog txojkev hlub hais tau ua tau thiab hlub tau li tej ncauj lus, Tsawg tiam neej los yeej xav kom muaj koj ib leeg yog kuv tus,
Yog txojkev hlub hais tau thiab ua tau tsis hloov siab, Txhua hnub txhua hmo yeej xav nyob nrog koj tsis pub khiav, Yog txojkev hlub hais tau thiab ua tau tsis hloov kev xav, Txhua lub sijhawm yeej xav kom muaj wb ob leeg xwb nad,
Vim ua neej nyob paub hnubno tsis paub tagkis yuav zoo licas, Yog hais tau hlub tau lawm tiag ces kuv yeej txaus siab hlo hlub koj thiab nas, Vim ua neej nyob paub hnubno tsis paub tagkis lwmhnub yuav hloov ntxiv, Yog hais tau hlub tau thiab tsis hloov siab ces yuav nrog koj nyob mus tag ib txhis mog.