zaum no ces koj tsis txhob tos lawm

Subject: zaum no ces koj tsis txhob tos lawm Thu Apr 12, 2012 9:15 am

First topic message reminder :

Txoj me kev deb ncua ntev
Yog luag ib leeg zoo sev
Ntshe nyob nrog koj los tsis zoo
Thiaj ua ib siab mus kom ntsiag moo

Zaum no ces kuv yuav ua hlo ib siab
Zaum no ces kuv mus nrog kua muag iab
Kuv txoj kev hlub tsis muaj nuj nqis
Cia mus mus kom tseg tau koj txhua hlis

Tseg cia kuv txoj kev hlub nrog koj nyob
Mam cia txoj kev kaj siab nrog koj sib txob
Kuv yuav mus tsis rov tuaj lawm mog
Kuv mam mus ua zoo ib leej niam tsev thiaj li yog

Kuv lub siab ua si mam sau zais cia
Yog ib hnub kuv rov mob mam khawb rov los cawm sia
Kuv lub siab tau tso tuaj ua si ntawm no
Kuv tso tseg yog ib hnub kuv nyob tsis muaj khub mam tig rov los nco

Mus lawm mog txoj kev kaj siab
Mus lawm tiam seb puas yuav rov pom koj dua thiab
Mus mam nqa koj nrog kuv lub siab zais
Thaum chim siab sev puas hnov koj rua ncauj nrog kuv sib hais

Subject: Re: zaum no ces koj tsis txhob tos lawm Wed Sep 03, 2014 12:13 am

nkaujhnubqub wrote:: Kuv tuaj phone xwb sau tau me me xwb los lam nyeem os tijlaug Dabpobtawb thiab cov phooj ywg sawv daws.

Dabpobtawb cas tuaj lig ua luaj
Tos kuv quaj mam sawv los qhub
Puas yuav hlub tiag li hais
ntshe lam npais kom kuv zoo siab
Koj nyob kiab noj mov qab los
Ua kuv tos koj tsaus ntuj nti
Puas tsim nqis tus zoo lu peb
Nyob nrug deb lam ntxias xwb
Kom kuv npwb rau koj xwb lauj
Koj lam xauj kom kuv luag ntxhi
Thiab lam ci pob zeb kuv zov
Hais npaum ko puas muaj tseeb tiag
Yog nyiam npliag ces tuaj wb kawm
Sau kom tawm tej lus muag zoo
Mam sib nroo kom kiab siab os
Lus tsis mos los txhob de
vim tsis ntse cuag koj nawb
Dapobtawb tus txawj sau lus

Ua tsaug ntau----------cov lus tsim nuj
vim lub ntuj-----------no nws sib txawv
kuv thiaj sawv---------tsis ncaj lub caij
koj hnub qaij----tsaus ntuj ntawm kuv

Koj ntuj huv-----ntawm kuv tsaus huab
koj ntuj ntsuab------ntawm kuv los nag
kuv nyeem tag------------koj cov lus sau
twb ua rau------------kuv zoo siab lawm

Muaj sij hawm----------rov tuaj sau dua
kuv mam ua---------siab ntev tos mloog
kaj ntug txoog-----yuav nco ntsoov qhib
seb puas ntsib---------puas pom koj tuaj

Txhua yam muaj---------raws li kuv hais
kuv tsis zais---------txhua lo muaj tseeb
thiaj li rheeb------------seev ua paj huam
seb puas tshuam-----tau koj nplooj plaw

Subject: Re: zaum no ces koj tsis txhob tos lawm Wed Sep 03, 2014 12:18 am

Me nkaujnyiag tus hlub tiag
Me nkaujhmoob tus zoo noob
Me nkaujdala tus zoo tas tas
txaj muag ua dab tsi na yuam a
sau siab hlo nrog peb ras ma
kuv twb xav hnov koj ntxhi
xav hno koj lub siab kaj nrig
tuaj wb tuav tes ncig ua si
kuv twb tos tos los tseem hais li
ntshe tsis nci kuv tiag
thiaj tsis kam npliag
kuv nco koj heev
thiaj tuaj phone xwb los yeej seev
txawm ntaus ntawv tsis thwj
los kuv twb lam ywj
tsuzv koj nyeem paub
ces kuv twb tawm los saub
es txhob txaj muag
Wb thiaj tau tham lus sib cuag
mas yom me niam laus Darla

Subject: Re: zaum no ces koj tsis txhob tos lawm Wed Sep 03, 2014 12:36 am

Dabpotawb, tus neeg zoo lus
tau ib ntus nrog koj ua ke
ua rau kuv nce lawm ib qib
koj txawj dib thiab tcawj qhia
kuv thiaj ntsia thiaj paub yoog lawm
zoo sij hawm kuv tuaj cuag koj
zoo tam zoj lub hli ci tshiab
zoo nkauj thiab kaj li nrog muaj
Ua ci tuajj rau lub ntiaj teb tus
kuv leej nus kuv ncawg koj heev
ntshe koj pleev tshuaj rau koj cwj mem
thiaj sau lem tau kuv nplooj siab nco
zoo li no koj yuav tau qhub
thiab yuav hlub kuv mus tas li
kom luag ntxhi li lub hnub
tsis txhob pub tshav kub kiag
niaj hnub npliag koj kuv siab kaj
vim kuv saj tau koj cov lus qab
thiaj xab thab kpj tas lawm xwb os.... Smile

Dab Pob Tawb wrote:

nkaujhnubqub wrote:: Kuv tuaj phone xwb sau tau me me xwb los lam nyeem os tijlaug Dabpobtawb thiab cov phooj ywg sawv daws.

Dabpobtawb cas tuaj lig ua luaj
Tos kuv quaj mam sawv los qhub
Puas yuav hlub tiag li hais
ntshe lam npais kom kuv zoo siab
Koj nyob kiab noj mov qab los
Ua kuv tos koj tsaus ntuj nti
Puas tsim nqis tus zoo lu peb
Nyob nrug deb lam ntxias xwb
Kom kuv npwb rau koj xwb lauj
Koj lam xauj kom kuv luag ntxhi
Thiab lam ci pob zeb kuv zov
Hais npaum ko puas muaj tseeb tiag
Yog nyiam npliag ces tuaj wb kawm
Sau kom tawm tej lus muag zoo
Mam sib nroo kom kiab siab os
Lus tsis mos los txhob de
vim tsis ntse cuag koj nawb
Dapobtawb tus txawj sau lus

Ua tsaug ntau----------cov lus tsim nuj
vim lub ntuj-----------no nws sib txawv
kuv thiaj sawv---------tsis ncaj lub caij
koj hnub qaij----tsaus ntuj ntawm kuv

Koj ntuj huv-----ntawm kuv tsaus huab
koj ntuj ntsuab------ntawm kuv los nag
kuv nyeem tag------------koj cov lus sau
twb ua rau------------kuv zoo siab lawm

Muaj sij hawm----------rov tuaj sau dua
kuv mam ua---------siab ntev tos mloog
kaj ntug txoog-----yuav nco ntsoov qhib
seb puas ntsib---------puas pom koj tuaj

Txhua yam muaj---------raws li kuv hais
kuv tsis zais---------txhua lo muaj tseeb
thiaj li rheeb------------seev ua paj huam
seb puas tshuam-----tau koj nplooj plaw

Subject: Re: zaum no ces koj tsis txhob tos lawm Wed Sep 03, 2014 1:27 am

Nkauj_Dala wrote:: DabPobTawb thiab Nkaujhnubqub,

Neb ma tshaj lij tiag li os. Neb sau tau zoo kawg li os. Kuv ces tsis txawj sau kuv pom neb cov tag ces kuv cia li txaj muag lawm thiab vim kuv tsis txawj li neb es....Kuv mam tuaj nyeem neb li lawm xwb...

Muab lub paj no txhawb neb ob lub zog es kav tsij tau sau pajhuam rau kuv nyeem nawb.

Nkauj Dala e wb ces lam qw xws suab cuam kuj tsis xws suab liab
Qw qw txhaws qa tag los twb tsis tau lub mus tseem ntsiab
Nkauj Dala e wb ces lam qw xws suab kab kuj tsis xws sub noog
Qw qw txhaws qa tag los twb seev tsis tau ib lo lus zoo mloog

     Wb ces lam qw laug lub caij lawm lub xyoo
     Yug los tsis txawj ces lam seev xwb twb tsis zoo
     Wb ces lam qw laug lub nyoog kom txhob laj nyob
     Yug los tsis txawj ces thiaj seev tau lub suab mus hawb pob

              Niam thiab txiv yug zoj nyob toj siab tsis tau kawm ci
              Thiaj tsis txawj xyaum hais tau ib lo me zoo lus nyob mus tsim nqi
              Niam thiab txiv yug zoj nyob yaj sab tsis tau nrog luag kawm txuj
              Thiaj tsis txawj xyaum hais tau ib lo me zoo lus nyob mus tsim nuj

Lam nthos nkaus tus cwj mem kos kawv ko tau lawm niaj mus peb kab
Seb puas muaj zoo ntxhais nkauj hmoob rheeb zoj ziag caum kuv no qab
Lam nthos nkaus tus cwj mem kos zoj tau lawm niaj mus peb kab ntev
Seb puas muaj zoo ntxhais nkauj hmoob reeb zoj ziag caum kuv hau kev

Kuv twb pom mi nkauj dala txawj tsa suab seev tau kho siab zim
Nim daj zoj tias tsis muaj lub zoo laj lim los tswv yim
Kuv twb pom mi nkauj dala txawj tsa suab seev tau kho siab ntxiag
Tseem daj zoj tias tsis txawj tab tsis qhov tseeb mas nws twb tsis muaj siab tiag

            Nim tsis yog koj tus me nraug hmoob uas koj nco los koj hlub
           Thiaj daj zoj tias tsis txawj hais los txawj qhub
           Nim tsis yog koj tus me nraug xwb los nraug kheev luag
           Thiaj daj zoj tias nim tsis txawj es thiaj txaj muag

Nraug dab pob tawb paub tias mi nkauj dala muaj lub zoo mus peev xwm
Tos nkauj dala tsis kam seev los vim wb nim tsis yog nkauj sib hlub los nraug sib swm.
Dab pob tawb ntseeg tias mi nkauj dala yeej txawj qhub los txawj nqua
Tos nkauj dala tsis kam seev los vim wb niam tsis yog nkauj sib swm los nraug sib tshua.

          Kheev lam kuv yog tus mi neeg uas nkauj da las hlub
          Ntshe yuav nqis tuaj seev rau nws mloog lawm niaj mus txhua hnub
          Kheev lam kuv yog tus mi nkauj da las nco
          Ntshe yuav nqis tuaj seev rau nws mloog txhua txhua hmo

             Nim nyiam nyiam nkauj das las tus zoo li ntawm koj
             Kheev koj lam xav li kuv xav es sau siab hlo mus ua kuv ib leeg poj
             Nim nyiam nyiam nkauj da las tus siab zoo los siab ntev
             Kheev koj lam xav li kuv xav es sau siab hlo mus ua kuv ib leeg sev

Yog koj nqis tuaj txog ces txhob txaj muag cia li txav zoj los ti ti
Nraug dab pob tawb li kuv xav xav nrog koj tham wb tej lus sib ntxhi
Yog koj nqis tuaj txog ces txhob txaj muag cia li txav zoj los sib npuab
Dab pob tawb li kuv xav nrog koj tham tej me lus tsis phem kuj tsis xuab

            Tuaj txog ces cia wb tig zoj wb xub ntiag los sib ntsia
            Cia wb lub cev sib npuab mloog wb 2 lub plawv dhia
            Tuaj txog ces cia wb tig zoj wb xub ntiag los sib nqa
            Cia wb lub cev sib npuab mloog wb 2 lub plawv ua pa

Tham ntau lawm ces cia xaus tseg txij li nov
Cia lwm zaus tso li nqis rov tuaj phov
Tham ntau lawm ces cia xaus tseg ua lub chaw tshua
Cia lwm zaus tso li nqis rov tuaj piav koj mloog dua

Subject: Re: zaum no ces koj tsis txhob tos lawm Wed Sep 03, 2014 9:32 pm

Dabpobtawb, Nkaujhnubqub neb txawj seev los txawj hais nim hais tau lub suab zoo dua ntais
Nkauj Dala li kuv no tuaj hnov ces lub siab lub ntsws twb yaj yuj yees nrog neb pais los nim tsis txawj nrog neb hais.

Dabpobtwb, neb txawj seev los txawj kho suab nim seev yee tuaj saum tsua mus nrov ncha
Nkauj Dala li kuv no tuaj ntsib ces thiaj ua hnub ua hmo tuaj lawv qab xwb ntag
.
Xyoo no twb zoo niaj mus zoo xyoo es muaj neb tuaj seev yees rau ntawm hmongheaven no
Peb thiaj tau mloog tag lawm neb ob lub suab zoo mus laug xyoo es mloog li cas los mloog tsis dhuav, mloog tag lawm ces xav txhom yuav...hehehee

Dabpobtawb nim nthos nkaus tus me cwjmem kos lawm niam ob peb kab seb puas muaj lawm tus zoo nkaujhmoob caum qab los taug kev. NkaujDala ces xav caum hais seev yees tav Dabpobtawb kev los caum qab, los nthos nkaus tau tus me cwjmem ces twb sau tsis tau lawm ib peb los es xyov puas yuav txhawb tau Dabpobtawg lub zog na yom.

NkaujDala ces twb tsis muaj tag lawm tus swm hmoob thiaj tsis muaj tus nrog qhoob
Xav txav zog los nrog Dabpobtawb hais los ntshai tsam Dabpobtawb tsis kam txais ua khub
NkaujDala ces twb tsis muaj lawm tus zoo hlub thiaj tsis muaj lawm tus nrog qhub
Xav txav zog los nrog Dabpobtwg qhub los ntshai tsam Dabpobtawb tsis kam txais ua tus hlub

Chij laj tsis chim xeeb chim laj xeeb luaj no ces muab sau tseg li no es cia NkaujDala mam tuaj zaum ib saib ntsia tseeb tseeb ces twb ntau tau NkaujDala siab mus lawm ib feeb

Zam lub txim nawb......kuv tsis keej li Nkauhnubqub ne es lam sau me me twb tsis txaws los lam nyeem os nawb.

» Paub li tsis txhob tuaj
» KUV COV PAJ HUAM
» Txhob Ntseeg Luag Neej Thiaj Tsis Puas
» Tsis Nco Kuv Lawm Los?
» Cas tsis pom nej tag lawm