zaum no ces koj tsis txhob tos lawm

Subject: zaum no ces koj tsis txhob tos lawm Thu Apr 12, 2012 9:15 am

First topic message reminder :

Txoj me kev deb ncua ntev
Yog luag ib leeg zoo sev
Ntshe nyob nrog koj los tsis zoo
Thiaj ua ib siab mus kom ntsiag moo

Zaum no ces kuv yuav ua hlo ib siab
Zaum no ces kuv mus nrog kua muag iab
Kuv txoj kev hlub tsis muaj nuj nqis
Cia mus mus kom tseg tau koj txhua hlis

Tseg cia kuv txoj kev hlub nrog koj nyob
Mam cia txoj kev kaj siab nrog koj sib txob
Kuv yuav mus tsis rov tuaj lawm mog
Kuv mam mus ua zoo ib leej niam tsev thiaj li yog

Kuv lub siab ua si mam sau zais cia
Yog ib hnub kuv rov mob mam khawb rov los cawm sia
Kuv lub siab tau tso tuaj ua si ntawm no
Kuv tso tseg yog ib hnub kuv nyob tsis muaj khub mam tig rov los nco

Mus lawm mog txoj kev kaj siab
Mus lawm tiam seb puas yuav rov pom koj dua thiab
Mus mam nqa koj nrog kuv lub siab zais
Thaum chim siab sev puas hnov koj rua ncauj nrog kuv sib hais

Subject: Re: zaum no ces koj tsis txhob tos lawm Tue Sep 02, 2014 11:52 am

Kuv twb sau tau ob zaj lawm ces tag kis mam xav dua sau dua os me nus Dabpobtawb kuv nyiam nyeem koj cov paj huam thiab ua rau kuv lub huam kuj nthuav tau dav zog lawm thiab laiv Smile

ua tsaug os

Subject: Re: zaum no ces koj tsis txhob tos lawm Tue Sep 02, 2014 12:05 pm

Kuv tuaj phone xwb sau tau me me xwb los lam nyeem os tijlaug Dabpobtawb thiab cov phooj ywg sawv daws.

Dabpobtawb cas tuaj lig ua luaj
Tos kuv quaj mam sawv los qhub
Puas yuav hlub tiag li hais
ntshe lam npais kom kuv zoo siab
Koj nyob kiab noj mov qab los
Ua kuv tos koj tsaus ntuj nti
Puas tsim nqis tus zoo lu peb
Nyob nrug deb lam ntxias xwb
Kom kuv npwb rau koj xwb lauj
Koj lam xauj kom kuv luag ntxhi
Thiab lam ci pob zeb kuv zov
Hais npaum ko puas muaj tseeb tiag
Yog nyiam npliag ces tuaj wb kawm
Sau kom tawm tej lus muag zoo
Mam sib nroo kom kiab siab os
Lus tsis mos los txhob de
vim tsis ntse cuag koj nawb
Dapobtawb tus txawj sau lus

Subject: Re: zaum no ces koj tsis txhob tos lawm Tue Sep 02, 2014 4:42 pm

DabPobTawb thiab Nkaujhnubqub,

Neb ma tshaj lij tiag li os. Neb sau tau zoo kawg li os. Kuv ces tsis txawj sau kuv pom neb cov tag ces kuv cia li txaj muag lawm thiab vim kuv tsis txawj li neb es....Kuv mam tuaj nyeem neb li lawm xwb...

Muab lub paj no txhawb neb ob lub zog es kav tsij tau sau pajhuam rau kuv nyeem nawb.

Subject: Re: zaum no ces koj tsis txhob tos lawm Tue Sep 02, 2014 11:27 pm

Lub paj no--------cas yuav tawg tshiab
ntxim tus ntxhiab----yuav tsw qab heev
kuv pom dheev----------xav de los hnia
coj mus cia-----------tsau dej tau saib

Cais yuav haib------------ua luaj li tiag

cia kuv nyiag------------de koj mus cia
thiaj tau ntsia-------thaum kuv kho siab
vim tawg tshiab-----tau ntxim nyiam heev

Koj lam kheev-----------kuv ua tus tswj

kuv yuav nwj---------thiab ywg dej nraim

yuav tsis ncaim-------thiab kuv yuav hlub
yuav tsis pub----------kab muv los ntsauv

Li yav thauv-----------tsis tau sib ntsib

koj puas tib----------kuv thiab na yuam

tus leej muam----------mi nkauj das las

ntsia koj mas-------ntsia tsis paub dhuav

Kuv xav yuav---------thiab kuv xav tawb

lub paj dawb-------------li koj ntag mas

yuav ua cas---------thiaj muaj txoj hmoo
kuv thiaj tsoo--------tuaj txog ntawm koj

Yuav de zoj------------koj nqa mus tsev

muaj hau kev----------kuv yeej yuav tuaj
kuv twb muaj---------chaw koj nyob lawm
kuv maj rawm-------------coj koj mus tu

Tu kom du------------thiab rau chiv pab

tua tej kab-----------tej ntsaum los noj
es kom koj---------thiaj tawg tau tshiab
hnia laj siab--------------mus tag ib sim

Koj tsis dim------------hauv kuv lub vaj

yuav nyob kaj---------ywj siab ywj ntsws
kuv yuav plhws------thiab xyuas koj nraim
yuav tsis ncaim-----------tsis txiav koj li

Koj tsim nqi-----------rau txhua tus neeg

koj ib leeg------------xwb thiaj zoo nkauj
tam lub rose----------neeg ntiaj teb nyiam
txhua txhia tiam---------yuav hlub koj xwb
os tus muam Das Las

Subject: Re: zaum no ces koj tsis txhob tos lawm Wed Sep 03, 2014 12:03 am

Tijlaug Dabpibtawb koj sau paj huam ntau ne ntsis os cas zpo li kuv nyeem tsis txaus kuv li es.. Hi koj os

» Paub li tsis txhob tuaj
» KUV COV PAJ HUAM
» Txhob Ntseeg Luag Neej Thiaj Tsis Puas
» Tsis Nco Kuv Lawm Los?
» Cas tsis pom nej tag lawm