Subject: Re: KUV COV PAJ HUAM Wed Jan 21, 2015 9:01 am
Ntxawm Paj Dib Txoj Kev Hlub
Tau ntau xyoo uas kuv tau ntsib ntxawm paj dib nram teb pob kws kuv nyiam nws vim txoj kev nquag kuv thov puag los nws tsis kam cia ib tsam tsaus ntuj koj tuaj nco ua luaj yuav tos thaum twg yaum phooj ywg los lawv tsis mus siab puas tsus tsam muaj neeg tham siab fav lam rau nws ib tug kuv thiaj mus txog ib tag hmo no li no te khov dawb vog thaum mus txog nws tsaug zog lawm kuv maj rawm nkaus hlo ncas tshuab kuv ho muab raj coj los tshov thaum nws hnov wb thiaj sib tham koj puas kam wb nyob ua ke nws txawm de kuv sab caj npab nws tias Ab......ntuj teb tag hmo tav li no tsam muaj poj ntxoog kuv txawm mloog nws sawv nrov khuav los khov duav khi tiab khov kho tos kuv nco ces wb ob leeg zaum ib nceeg ntsia tej hnub qub txoj kev hlub ntawm ntxawm paj dib thaum xub pib ces li no tiag.....
Ib sij huam kuv ncaim mus dhau thiaj li tau tso koj rau luag lub kua muag tsis muaj hnub tu txawm quaj hu los kuv tsis hnov mus tsis rov ntsia ntsoov tom ntej cas nco nej ua luaj li os kuv yuav tos txog rau thaum twg tej phooj ywg thiaj rov sib ntsib mam tau pib dua txoj kev tham siab fav lam nco nej tshaj plaws hmoob sawv daws nej nyob tom qab caij tshaib plab los noj qos mog kuv mus txog rau mes kas teb ncua kev deb mam sib nug moo muaj ib xyoo yog tias hmoov muaj kuv rov tuaj peb mam sib ntsib mam li qhib lub suab los tham nyob ib tsam ua kev phooj ywg ib hnub twg lub ntiaj teb kawg tej kwv npawg txoj kev sib nco kuv hais no yuav dhau mus tag caij ntuj nag nag tshauv kom sis tej me tshis khiav los nkag nkuaj nco ua luaj yuav ua cas nyob thaum muaj mob tsis muaj tus tu mam li xyu xav txog tus hlub ntuj thaum ub wb nyob ua ke thaum ntawd ces twb dhau mus deb lub ntiaj teb twb tig mus dhau mam nco tau tias txoj kev hlub yav thaum ub pw koj xub ntiag nco tiag tiag tsis muaj hnub ploj muab xav zoj ces kua muag los....tiag lawv!!!
Lub neej uas thaum kuv tseem yau Kuv xav ntau hlwb ua qe qauj Tej hluas nkauj yeej xav tawb kuv Yam tej muv uas xav nqus zib Yam tshuaj khib yuav tuav qws txob Los kuv nyob tug niag tsis nti Tseem ua si tsis paub qab hau HLuas nkauj npau sau khaub hnab khiav Raws ncuj nciav yam li kuv niam Koj zoo diam kav tsij rov qab Tsis txhob thab kuv tus no nawb Kuv khawb khawb taub hau xwb tiag Xav ib pliag nws hais dab tsi Rov ua si mus txua tuj lub Cas ntxim ntxub ua luaj li lau Nws yws rau kuv tus muam mloog Ua yog toog yam li npau suav Kuv tso plhuav tuj lub pov tseg Cua pob ntseg seb hais dab tsi Nws txawm ntxhi tias ruam ua luaj Kuv tseem quaj tug niag hnya txus Nws khiav mus zaum ua paj ntaub Kuv mam paub tias nws chim lawm Kuv thiaj tawm rov tuaj hais tias Ab....., Ntsais Lias koj chim lawm los Tsis txhob nros kuv hlub koj tshaj Mas hais ncaj hlub tshaj zib ntab Koj ntxim qab cuag tej zib muv Kuv yeej uv tsis tau li na Kuv hais tag nws thiaj teb tias Puas hais tiag na tus kuv hlub Yog kuv pub koj puas kam noj Yam tej roj miv twb yaim loo Tsis txhob nroo tias tsw ua luaj Tsis txhob quaj tias cas ntsim txob Kuv yuav nyob nrog koj ib sim Mam tsis chim lawm os tus hlub Kuv tig qhub koj hais dab tsi? Cas zoo li yuav txawv ua luaj Pib yws tuaj niag hlwb ua rwj Puas xav nwj kuv sab plhu na Kuv thiaj nqa nws rau saum txaj Txawm pib ntsaj ces kuv qi muag Ntuj tsaus zuag tos hnov hnub tawm Tsis nco lawm xyov wb ua dab tsi li lau....!!!! hahaa.....
Kuv mus ncig xyuas tej xuab zeb Nram ntug dej seb puas tseem nyob Cas dej hlob xuab zeb pawv tas Tsis ua cas vim dej nag loj Ua tej choj raug dej tshoob mus Dej muab pus mus poob qhov ntuj Tej chaw tsuj uas muaj hneev taw Los twb xyaw dej mus tag lawm Ua siab tawm rov qab los tsev Tsis pom kev tseem maub tsaus ntuj Thiaj mus tsuj tau dab taub hau Txaus ntshai dhau ua plig poob tas...xwb tiag!!!!
Home 
Calendar
