Hmoob Lub Neej

Subject: Hmoob Lub Neej Sun Dec 30, 2012 8:41 pm

First topic message reminder :

Lub neej toj siab ib txwm yog kuv lub neej uas khuam siab thiab nco ntsoov tsis ploj mus ib txhis. Kuv tseem nco tau hnub uas kuv thiab kuv tus phooj ywg tuaj nrog koj thiab koj tus phooj ywg dob nplej. Hnub ntawd muab xam tau tias yog wb txoj kev sib hlub uas tsis ploj hauv nruab siab mus tag tiam no. Vim kuv txoj kev tso dag thiaj tau ua rau koj chim, kuv tseem nco thaum koj chim kuv los ntxias koj lub kawm ev. Kuv saib mas koj zoo tau ntxim hlub tshaj txhua zaus, cas hnub no koj ho dua twg lawm os? Kheev lam muab lub sij hawm tig tau rov qab cia muab hnub no rov mus ua hnub ntawd ib zaug ntxiv, kuv mam puag koj rau hauv xub ntiag kom ntev ntev os mog...

Subject: Re: Hmoob Lub Neej Thu Oct 17, 2013 8:20 pm

Haib tiag li os koj zaj dab neeg na Tsuj_Plig. Koj ma paiv ua rau kuv poob siab nthawv ntag tias tsam Yim Laj thiab Nkauj Ntxhoo nkawv tsis sib tau xwb.....muaj sijhawm rov tuaj piav ov...kuv tseem xav paub kom tag koj zaj dab neeg nawb.

Subject: Re: Hmoob Lub Neej Sun Oct 20, 2013 8:38 am

NkaujHmoob......

Ua tsaug koj tuaj pab nyeem kuv zaj dab neeg os yog koj tsis tuaj nyeem ces
ntshe kuv sau los yuav tsis muaj qab hau thiab tiag.....

Subject: Re: Hmoob Lub Neej Sun Oct 20, 2013 8:59 am

- Tom qab Yim Laj thiab Nkauj Ntxoo nkawd tau teem caij tag tau 2 lub hlis uas ncaj rau lub 11 hlis ntuj hmoob Yim Laj cov kwv tij los kuj xav kom Yim Laj yuav poj niam. Muaj ib hnub nyob hauv lub 11 hlis xiab Yim Laj thiaj tau coj nws cov kwv tij mus hais Nkauj Ntxoo, hmo ntawd ntsia saum ntuj hnub qub dawb vog mus puv ntuj ntiaj teb qaim hli nrig mus puv toj. Yim Laj thiab Nkauj Ntxoo nkawd tseem tsis tau tsaug zog thiab tham muaj zog zis rau txoj kev yuav sib sau los ua txij ua nkawm. Nkauj Ntxoo tau hais rau Yim Laj tias kuv thov sij hawm ib hnub ntxiv uas kuv yuav tsum tau qhia rau kuv niam paub, Yim Laj los kuj pom zoo thiab muab sij hawm rau Nkauj ntxoo.

- Hnub tom qab Nkauj Ntxoo tau mus nrog nws niam sib tham tag Nkauj Ntxoo niam tsis pom zoo Nkauj Ntxoo yuav Yim Laj vim tias Yim Laj yog ib tug tub ntsuag yug los rau ib tsev neeg txom nyem thiaj ua rau Yim Laj thiab Nkauj Ntxoo txoj kev sib hlub sib nco tau dhau mus ua tus npau suav uas tsim tsis nto lawm xwb tiag.

Continue........

Subject: Re: Hmoob Lub Neej Sun Oct 20, 2013 12:34 pm

Tsuj_Plig cas koj zaj dab neeg es yuav muaj kev cov nyom ob peb ntus li na....Lo los kua muag li lawm os.... Crying or Very sad

Subject: Re: Hmoob Lub Neej Sun Oct 20, 2013 1:42 pm

NkaujHmoob.....

Vim li ntawd tiam no kuv thiaj tsis xav ua neeg muaj lub cev es
kuv thiaj li ua Ntsuj Plig xwb los mas.

» Neej Hmoob
» Hmoob 18 Xeem Yog 18 Ces Neej Tsa
» neej neeg
» Nkauj Hmoob Los Tsuas Lub Neej Pub Npua
» LUB NEEJ ZOO IB YAM LI DEJ NTWS