Hmoob Lub Neej

Subject: Hmoob Lub Neej Sun Dec 30, 2012 8:41 pm

First topic message reminder :

Lub neej toj siab ib txwm yog kuv lub neej uas khuam siab thiab nco ntsoov tsis ploj mus ib txhis. Kuv tseem nco tau hnub uas kuv thiab kuv tus phooj ywg tuaj nrog koj thiab koj tus phooj ywg dob nplej. Hnub ntawd muab xam tau tias yog wb txoj kev sib hlub uas tsis ploj hauv nruab siab mus tag tiam no. Vim kuv txoj kev tso dag thiaj tau ua rau koj chim, kuv tseem nco thaum koj chim kuv los ntxias koj lub kawm ev. Kuv saib mas koj zoo tau ntxim hlub tshaj txhua zaus, cas hnub no koj ho dua twg lawm os? Kheev lam muab lub sij hawm tig tau rov qab cia muab hnub no rov mus ua hnub ntawd ib zaug ntxiv, kuv mam puag koj rau hauv xub ntiag kom ntev ntev os mog...

Subject: Re: Hmoob Lub Neej Sun Oct 20, 2013 2:01 pm

Txij ntawd los Yim Laj los kuj ua siab mus yuav poj niam thiab tom qab tsis ntev kuj hnov tias Nkauj Ntxoo los ua siab mus yuav tus neeg uas Nkauj Ntxoo niam xaiv rau nws lawm. Tau 3 xyoos tom qab Nkauj Ntxoo los tseem nco Yim Laj tsis ploj hauv nruab siab, vim txoj kev hlub kev nco uas tsis tau tus neeg Nkauj Ntxoo xaiv tseg nws thiaj tau ua siab tso lub ntiaj teb tseg mus yam tsis muaj hnub yuav tau rov los ntsib Yim Laj lawm. Hos Yim Laj los txawm tias yuav ua lub neej laus tag los tseem nco ntsoov Nkauj Ntxoo lo lus uas nws tau hais tseg tias " NYIAJ TXIAG PAUV TSIS TAU WB TXOJ KEV HLUB... NYIAJ KUB CES YOG LUB NEEJ KUA MUAG XWB".

Zaj dab neeg no cia muab xaus tseg li no, vam thiab cia siab tias yog koj tau nyeem lawm nws yuav pab ua rau koj hloov qee yam ntawm koj lub neej mus lawm yav tom ntej.

Ua tsaug ntau.

Sau Npe,

Ntsuj Plig (Lub Neej Toj Siab)

Subject: Re: Hmoob Lub Neej Mon Oct 21, 2013 3:06 pm

Tiam no txawm yog tias wb tsis sib tau los cia mam mus sib yuav
rau nruab dab mog.

Subject: Re: Hmoob Lub Neej Mon Oct 21, 2013 7:41 pm

Ntsuj_Plig,

Koj zaj dab neeg Hmoob Lub Neej cas yuav tu siab ua luaj. Tau hlub tsis tau yuav tau ua nkauj nraug tsis sib tau cas yuav mob siab txaus nkaus li. Twb tsis yog kuv es kuv twb mob mob siab lawm tos koj tsis xav ua tib neeg yuav ua tus me ntsuj plig xwb os.

Tej laus thaum ub ma yom tsis txawj xav li. Lawv twb tsis paub tias tej tub thiab ntxhais sib nyiam lawm ces cia lawv sib yuav lawv es thiaj tsis mob mob lawv tej siab ntsws txog hnub tuag ho....

Tsuj_Pliag, ua tsaug koj tseem tuaj piav koj zaj dab neeg zoo zoo rau peb mloog thiab.

Subject: Re: Hmoob Lub Neej Tue Oct 22, 2013 6:13 pm

NkaujHmoob.......

Kuv xav tias txoj kev ua neej nyob lub ntiaj teb no yus lub siab txawm yuav zoo npaum twg los
yog yus poob rau txoj kev txom nyem lawm ces yus yeej tsis muaj txoj hau kev yuav tau ib
tug ntxhais zoo li tiag.

Txawm li ntawd xav tias cia nws mus rau tus nws niam xaiv kom nws tau lub neej zoo tab sis
cas thaum kawg nws tseem xum txo nws txoj sia ncaim lub ntiaj teb no mus lawm thiab. Muab xav
mas tus siab kawg li os.

Ua tsaug koj lub caij tuaj pab nyeem mog.

Subject: Re: Hmoob Lub Neej Wed Oct 23, 2013 1:33 pm

Raws li tej laus hais tseg mas poj niam ntxim hlub tshaj plaws vim tias me nyuam los yog lawv tau, qav num los yog lawv ua, kev zoo siab los yog lawv muab, ces yog thaum tus poj niam tsis taus li lawm es lawv noj kua dis lawm xwb mas cas yuav hlub ua luaj vim tsis xav kom lawv muaj mob li es thiaj li nyob tau luag txhi tag li xwb.

» Neej Hmoob
» Hmoob 18 Xeem Yog 18 Ces Neej Tsa
» neej neeg
» Nkauj Hmoob Los Tsuas Lub Neej Pub Npua
» LUB NEEJ ZOO IB YAM LI DEJ NTWS