Tau kawg mas NkaujNagTshia.....yav tag los nyob rau hauv lub zos vib nais ces ntshe yuav nco nco txog thaum mus thaij duab ua si tim roob 10 npaj os yom.
Subject: Re: YwjSuab thiab NagTshia Thu Jun 12, 2014 9:52 am
YwjSuab koj hais raug nagtshia siab heev li ma"Pom daim duab video no ces twb pom ywjsuab thiab nagtshia tus ntsuj ncig tuav tes yuj yeev rau qhov txhia chaw lawm nab.."ua tsaug koj daim yas suab nkauj kho siab os YwjSuab tus tshua.
Rov tawm rau hnub tshiab YwjSuab Rov tuaj saib nagtshia dua.YwjSuab tuaj nrog nagtshia nyob ntawm tsev nagtshia ua pajntaub ,YwjSuab kuj yuav tau khoom noj thiab dej qab zib tuaj nrog nagtshia nyob tham ua si YwjSuab thiab nagtshia kuj tham kev lom zem kev tu siab sib xyaws ntxaws ,Tham 1 pliag nagtshia quaj lawm,YwjSuab tias nag tshia koj txhob quaj quaj es kuv mus thiaj tsis ntxhov ntxhov kuv siab mog,Kuv twb tias kuv mus tsis ntev,Cas koj pheej xav yuam kev tam li kuv yuav ncaim koj mus tsis tuaj lawm,Kuv nplooj siab tso cia rau koj khaws mog,Nco ntsoov,Yog tiam no ywjsuab tsis tau nagtshia ces ywjsuab yuav tsis yuav poj niam li na nagtshia.NagTshia teb tias ywjsuab nagtshia tsis tau txwv tsis pub koj yuav os ,Yog wb tsis sib tau lawm ces kav tsij mus pib koj lub neej mog,Ho muaj txoj hmoo loswb mam sib sau los koom lub neej mog ywjsuab.YwjSuab muab nagtshia ntsia 2/3 plia YwjSuab tias nagtshia kom hais yooj yim npaum koj nav?NagTshia tias ham tsis tiag ma ywjsuab,Thaum tsis tau lawm es yeej nyob tsis tau 1 leeg mus 1 txhis li os mog.tab sis nagtshia tsis yuav txiv tiag tiag yuav tos ywjsuab kom txog hnub tuag hov.YwjSuab thiab nagtshia kuj sib tham txaus luag1 chim ho txaus tu siab 1 chim,YwjSuab tias nagtshia tshuav 2 hnub lawm xwb mog uas ywjsuab yuav tau ncaim nagtshia tiag tiag li laub"NagTshia tias kav tsij mus kom deb ma ,qhov tseeb nagtshia hais nrog txoj kev mob siab,Yeej tsis xav pub ywjsuab nrug mus twg kiag li,NagTshia lub ncauj tsis qhia ywjsuab nagtshia muab ywjsuab nco khee kawv lub
siab,NagTshia nco thawj hnub ywjsuab thiab nagtshia sib ntsib los mus xaus rau hnub no yog hnub nkawv yuav sib ncaim tiag tiag.Hnob no yog 1 hnub tshav ntuj nrig,me kab quaj ntshoo nrooj qhov txhia chawCua tuaj ntxiag txias zias nram ntug dej pas npawv tuaj.ntsia me nplaim dej laim txias kub muaj coob tus me nyuam yaus da dej ua luam dej.Vim nagtshialub tsev nyob ze ntawm ntug pas dej xwb.YwjSuab koj puas paub tias hnub ntawv nagtshia lub siab ntxhov tsaus nti lub ntuj txawm ci ntsa tshav ntuj nrig los nagtshia tsuas pom tias tsaus nagtshia lub ntuj lub siab ntxhov thiab txhawj tas kis yog ywjsuab mus lawm,Ntshe nagtshia yuav rov tuaj zaum wb lub qub chaw mloog me kab quaj ntshoo nruj 1 leeg li no.Ntshe yuav kho kho nagtshia siab mus txog hnub ntawm txoj pa tu es thiaj yuav tsis nco ywj suab lawm xwb no"YwjSuab koj puaspaub tias chim thiab mob nagtshia siab npaum li cas,NagTshia ntsia lub ntuj kiv pes lees.Lub ntiaj teb kiv pes hlo.saib lub roob vinai txawv tsis zoo li qub,Tsis paub tias nagtshia lub siab ya mus dua twg lawm.YwjSuab thiab nagtshia nyob tham ntev li 1 tav su lawm,YwjSuab rov tias nagtshia koj puas tshaib plab os ?Wb rov mus noj mov yom?NagTshia tias YwjSuab,koj tshaib plab lawmlos ?YwjSuab tias nagtshia tsis hnov lub plab tshaib li os nyob nrog nagtshia li no .Tab sis ywjsuab paub nagtshia tshaib lawm,Mus wb mus noj su tim qhab mib lub lab yom?NagTshia tias ywjsuab hnub no wb mus noj hauv kuv tsev xwb mog,Vim ywjsuab twb yuav ncaim nagtshia mus lawm,Cia nagtshia ua rau ywjsuab noj 1 zaug nawb ?YwjSuab Lub tsev thib 2 suav nram qab mus yog nagtshia nyob.Continuue!!
Last edited by Nkaujnagtshia on Thu Jun 12, 2014 11:33 am; edited 9 times in total
Subject: Re: YwjSuab thiab NagTshia Thu Jun 12, 2014 11:01 am
NkaujNagTshia.....koj puas tseem nco tias thaum tag kis tav tshais cov tsheb bus khiav yeev tuaj nres nkaus rau nram tshav npas nab. Lub sib hawm ntawv ua rau lub plawv yuav nres lawm tiag tiag li os yom. Lub ncauj tsis hais los lub siab seev yees, txawm hais tias tsis quaj los lub kua muag yeej poob tawv to.
Subject: Re: YwjSuab thiab NagTshia Tue Jun 17, 2014 8:00 am
YwjSuab Kuv nco kawg os.Kuv tseem nco muaj 1 zaug kuv ntim tau 1 pob su thiab khaub noom rau 1 tug phooj ywg.Thaum ntawv lub tsheb twb yuav sawv kev lawm,Tab sis neeg coob dhau los vij kuv ntsia tsis pom nws li kuv tau los mus tsev tim ntug (04) tus daj,Kuv los nyob tiv tos thaum kuv pom lub tsheb bus khiav los txog tus daj lub bus majmam khiav slow tseem tau hnia nws 1 pas ntawm thiab dai siab tshaj plaws li os YwjSuab Tiam no yuav nco tsis ploj lub zos vinai dai siab li hov.Ua tsaug koj daim nkauj os ywjsuab.Es koj ne ho xav li cas thaum lub siab yuav tawm hauv tshav ban mus na ?.
Subject: Re: YwjSuab thiab NagTshia Tue Jun 17, 2014 8:58 am
(YwjSuab Hnub ntawv nagtshia ua su rau ywjsuab noj puas qab thiab os ?)
YwjSuab teb nagtshia tias ua li es yog tsis muaj dab tsi no wb mus yuav khoom los ua su yom,NagTshia tias ywjsuab cia nagtshia ua dab tsi los lam noj dab tsi xwb masl?YwjSuab tias ua li mas nagtshia.Yog li koj ua zaub kuv khiav khiav mus tuav 1 co taub ntoos qaub los wb noj vim tshav kub heev xav noj qaub papa ya thiab ne>Ywjsuab mus tuav qaub lawm,NagTshia kuj ua zaub tos ywjsuab.NagTshia tsua yog hauv qaib xyaw zaub ntsuab.tuav 1 co kua txob txiv lws suav.Thiab kib ntses xwb.Hnub ntawv ywjsuab thiab nagtshia nkawv tau noj 1 pluag mov ua ke hauv nagtshia tsev,NagTshia lub ncauj tsis tham dab tsi,Tab sis nagtshia lub siab mob cuag hluav taws txhiab.NagTshia hais 1 lo tias ywjsuab.Hnub no ywjsuab tau noj mov nrog nagtshia puas qab os?NagTshia tsis keej ua zaub mov ntshe yuav tsis qab rau ywjsuab os mog.YwjSuab tias nagtshia hais dab tsi li ko ?Qab tshaj plaws rau ywjsuab li hov.Xav kom nagtshia ua zaub mov li no rau ywjsuab noj mus 1 txhis xwb na nagtshia"NagTshia thiab ywjsuab kuj sib tso dag ploj lawm txoj kev ntxhov siab 1 me pliag.Thaum nkawv lucnh tag ywjsuab tias nagtshia.noj su tag lawm es hais niam es wb mus ncig taug kev ua si 1 ntsis puas tau os?Nagtshia hais niam ok ces ywjsuab thiab nagtshia kuj taug kev ncig rov rau sab (09)qaum choj pas dej plawv.NagTshia lub siab 1 hnub nco ywjsuab loj dua qub vim ywjsuab yuav tau ncaim nagt tsis tshuav 1 hnub ntxiv lawm xwb.YwjSuab tias nagtshia tag kis koj txhob mus twg thiab ua dab tsi,Vim yog hnub kawg ntawm wb uas ywjsuab yuav ncaim nagtshia mus lawm,YwjSuab xav rov tuaj nrog nagtshia nyob 1 hnub dua nawbmog.
NagTshia teb tias ua li mas YwjSuab tus dai siab.Mam tsis mus es nyob tos ywjsuab xwb os "nagtshia thiab ywjsuab ncig txaus siab ces ywjsuab thiab nagtshia rov los mus tsev.NagTshia saib ywjsuab los kuj mluas tshaj txhua hnub thiab,NagTshia ntseeg tau tias tej zaum YwjSuab yuav nco nagtshia 1 yam nagtshia nco YwjSuab thiab"YwjSuab tias nagtshia.Kuv nco koj heev li.ib chim txhob pw ntxov tos ywjsuab nawb mog?NagTshia tias ua li ma YwjSuab.YwjSuab thiab nagtshia kuj los sib faib kev ntawm ntug pas dej.YwjSuab yuav mus rau sab tshav ban "NagTshia yuav rov los tsev sab ntawm (04).NagTshia los tsev kuj tav caij tso dej nagtshia kuj los ev dej thiab ua hmo noj kom ntxov vim nagtshia thiaj tau khoom nyob nrog ywjsuab thaum tsaus ntuj.natshia kuj noj hmo tag 1 me pliag nagtshia nqa dej tuaj txhuam hniav sab tsev ntoo nraum xas las Cas YwjSuab twb rov tuaj lawm.YwjSuab tias nagtshia kuv ntshai tsam koj pw lawm es kuv cuab ntxov kawg tiag"NagTshia tias ywjsuab Kuv kuj tos tos koj ntsia ntsoov xub ke.NagTshia twb pom thaum ywjsuab tshwm puag tiam roob (02) hov"Nagtshia nqa lub tais dej thiab txhuam hniav mus cia nagtshia rov tawm tuaj nrog ywjsuab nyob tham txoj kev nco kev hlub kev sib ncaim nrog lub kua muag ntws si"Lub sij hawm ntawv nagtshia nco ywjsuab tam txoj sia yuav yaj thiab tu mus"Lub neej no nagtshia yeej tsis tau nco leej twg thiab hlub dua 1 tug nraug hmoob dua li uas nagtshia hlub thiab nco ywjsuab"Txoj kev nco ces muab sau tag nrho rau ywjsuab lawm.Hmov ywjsuab thiab nagtshia zaum ntawm taw ntaiv nrog tus duab hli ci.Nyob nrog me kab me koojj lub suab xi "YwjSuab puag nagtshia tsis nrug ntawm ntiag.YwjSuab tsuas hnov nagtshia lub suab ncia.NagTshia khooj ntawm ywjsuab txhais npab.Tsuas hnov ywjsuab lub lub me plawv ua pa.YwjSuab tias nagtshia cia wb mloog nkauj ua ntej uas sib ncaim hmo nov nawb mog..Next
HauvTshuajNtsuab
Last edited by Nkaujnagtshia on Wed Jun 25, 2014 8:34 am; edited 1 time in total