YwjSuab thiab NagTshia

Subject: YwjSuab thiab NagTshia Thu Apr 25, 2013 9:02 am

First topic message reminder :

Lub Ntuj Rov Pub NagTshia Thiab YwjSuab Los Sib Ntsib

Hmoobheaven ntug dej hiav txwv, toj roob hauv pes laug tau zoo nakuj, paj hmab paj ntoos tawg tau tshiab khiv, me nroj tsuag hlav tau tuaj ntsuab xwb xiab rau txhua txhia ces kaum toj, cua tuaj txias zias nplooj xyoob nplooj ntoos laim pes txias rau txhua txhia ces kaum hav, me nplooj kuj yem nrog rau me nplooj hmab phaub npog lwj luas raws tus ntug dej hiav txwv Hmoobheaven, suab zeb saib mus ib ncua muag zoo nkaus li nyob rau teb chaws suab puam. Tag kis ntawv kaj ntug txoog NagTshia sawv ntxov mus ncig raws Hmoobheaven hiav txwv. NagTshia ncig mus kev ceev nrooj ib pliag xwb zoo li NagTshia sab heev lawm ces NagTshia thiaj li maj mam mus kev lawm xwb. NagTshia thiaj li tsa qhov muag saib taug raws tus ntug dej tsis pom muaj ib tug tib neeg li, saib mus rau puag tim qab ntug pom hnub tuaj ci ntsa iab, saib mus rau dej hiav txwv pom zoo nkaus li ib lub me nyuam ntuj ntsuab xwb xiab, thaum cua tuaj ib vuag nplaim dej nphau tsheej twv, cua tuaj ib vuag thiaj li pus tau NagTshia lub siab khiav lawm tiag. NagTshia ob lub qhov muag nyob nrog dej haiv txwv, ob txhais tawv mus kev tas zog, lub siab nrog huab nrog cua hais lus tsis nco saib kev li. Tos nco xwb NagTshia cia li tsoo kiag leej twg lawm ces NagTshia cia li yuav ntog, thaum ntawv tus neeg ntawv tuav nkaus NagTshia duav dub rhe NagTshia rov qab los. Thaum NagTshia sawv tau tus zog lawm, NagTshia xav zoj hais tias ntshe nyob tsam yog neeg phem. NagTshia txawm tib thawj tus neeg ntawv thiab NagTshia khiav ib sav rov tom qab, txawm hnov ib lub suab lus hais tias thov txim no rau NagTshia. NagTshia npau taws thiab ntshai heev ua rau NagTshia lub siab dhia peg poog lawm xwb ces NagTshia thiaj li cem hais tias:

continue.....

Subject: Re: YwjSuab thiab NagTshia Wed Jun 18, 2014 7:16 am

NkaujNagTshia a......hnub uas tsheb khiav yeev hauv tsav npas tawm ntawv YwjSuab tseem nco tau ib tug nkauj hmoob tus me ntxhiab uas dag tos kev nyiag hnia YwjSuab ntawm tus dab thaib txog niaj hnub no tseem tsis tau ploj tseem hnov tus pa tsw ploj loog. Niaj hnub no YwjSuab noj zaub ntsuab hau thaum twg ces tseem ua rau YwjSuab rov nco txog cov me nqaij qaib hau xyaw zaub ntsuab, pom cov me kua txob thaum twg ces tseem nco txog tais me kua txob tuav xyaw txiv lws thiab mus nuv ntsev thawm twg ces tseem rov nco txog thaum ub tau mus noj ntses nyob rau hauv ib tug nkauj hmoob ntxim ntxim hlub lub tsev tiag. Nyob rau hmo kawg ntawm YwjSuab thiab NagTshia......ummmm......txhob tham os yom vim 8 tham ces 8 rov mob YwjSuab li niag heart lawm xwb, hos tsis tham tawm los nim tshuav lawm ib txoj niag kev khuam siab ntsuj ntsuav khuam lawm nplooj me siab nco tsis ploj li thiab tiag.....NkaujNagTshia.

Subject: Re: YwjSuab thiab NagTshia Wed Jun 25, 2014 7:31 am

YwjSuab wrote:: NkaujNagTshia a......hnub uas tsheb khiav yeev hauv tsav npas tawm ntawv YwjSuab tseem nco tau ib tug nkauj hmoob tus me ntxhiab uas dag tos kev nyiag hnia YwjSuab ntawm tus dab thaib txog niaj hnub no tseem tsis tau ploj tseem hnov tus pa tsw ploj loog. Niaj hnub no YwjSuab noj zaub ntsuab hau thaum twg ces tseem ua rau YwjSuab rov nco txog cov me nqaij qaib hau xyaw zaub ntsuab, pom cov me kua txob thaum twg ces tseem nco txog tais me kua txob tuav xyaw txiv lws thiab mus nuv ntsev thawm twg ces tseem rov nco txog thaum ub tau mus noj ntses nyob rau hauv ib tug nkauj hmoob ntxim ntxim hlub lub tsev tiag. Nyob rau hmo kawg ntawm YwjSuab thiab NagTshia......ummmm......txhob tham os yom vim 8 tham ces 8 rov mob YwjSuab li niag heart lawm xwb, hos tsis tham tawm los nim tshuav lawm ib txoj niag kev khuam siab ntsuj ntsuav khuam lawm nplooj me siab nco tsis ploj li thiab tiag.....NkaujNagTshia.

YwjSuab tsuav tseem nco tau ces nagtshia tuag los qe muag tau lawm ma"YwjSuab ntev lawm os lub qub chaw zaum chaw ncig ces yog poj ntxoog lau ntxoog lub chaw rag lawm xwb,Hauv ywjsuab lub siab los twb fab 1 yam nkaus.Tab sis nagtshia lub siab tseem muaj ywjsuab nyob du lug txhua txhia ceg kaum siab thiab plawv hov"YwjSuab ua nkauj ua nraug nyob cas txoj kev hlub yuav loj ua luaj"Muab xav los mas loj npaum lub ntiaj teb dav npaum lub ntuj.Tab sis thaum kawg dej dag thiab roob hav hiav txwv muab quas thiab faib hlo 1 leeg nyob 1 ceg kaum ntuj,Quaj koj tsis paub"Hu los koj tsis hnov.chim siab ua luaj dhia tsua los tsua tob tob"Yuav muab riam hno los ntshe yuav mob mob"Thiaj ua lub neej nco YwjSuab los txog niaj hnub no poob lub kua muag ua dej haus,muab lub sij hawm tos ywjsuab los ua tshuaj cawm"Thiaj muaj txoj kev cia siab thiab txoj sia los txog rau hnub no.Tab sis me niam nkauj hnub twb qaim puag tim npoo ntuj.Hauv wb lub siab ces tsuas cim tu me lw tswj.Tsam no ces lub me hli twb qaij da puag tim npoo roob.Tab sis hauv lub siab tseem khaws ywjsuab lo lus zoo los yeej noob lawm xwb os me neeg dai siabUa tsaug koj zaj nkauj mloog tau kho siab heev li na"Mloog zaj no ntxiv "Zaj nov yog zaj koj muab rau kuv hauv PM .Sib ntsib dua os YwjSuab .

Subject: Re: YwjSuab thiab NagTshia Wed Jun 25, 2014 8:33 am

<>KevCoglus NtawmHnubNcaim<>

Rov kaj ntug tag kis hnub no yog hnub kawg ntawm ywjsuab thiab nagtshia txoj kev hlub tshua thiab nco nyob rau lub nroog Thaj Nam ViNai. hnub no sawv ntxov ywjsuab rov tuaj ywjsuab nqa khoom ntau kawg li tuaj rau nagtshia.Ywjsuab kuj yuav tau khaub ncaws 2/3 ce,nrog khaub noom thiab phuam da dej khau ntau yam nqa tuaj rau nagtshia"NagTshia tias ywjsuab koj twb yuav mus koj yuav siv nyiaj taug kev es cas tseem yuav khoom ntau ua luaj tuaj tsam koj tsis tau nyiaj siv lawm na"YwjSuab lub kua muag kuj poob nthav ntsia nagtshia lub ntsej muag thiab rub nagtshia txhais tes los tuavYwjSuab ntsiag lawm ib plkiag.Dauv muag lawv ntsia rov hauv av.tab sis ywjsuab lub kua muag poob sib nrhav"Ua rau nagtshia tauv tsis tau nagtshia lub kua muag thiaj poob nthavnyias quaj nyias mob nagtshia lub siab cua riam hlais.Ua rau nagtshia tsaus muag ntawv ntais.Ntsia lub ntiaj teb pib tsaus.Vim yog ywjsuab muab nagtshia txoj kev hlub los xaus.YwjSuab cev tes so nkaujnag lub kua muag poob.NagTshia ua zaj ua ntxeev khuv xim thiab nco nagtshia tus me nraug hmoob.YwjSuab muab tau 1 lub nphaib kooj nplias los qhaib nagtshia cia.YwjSuab kho 1 lub moo rau nagtshia coj qhia tias yuav hlub nagtshia txog hnub ywjsuab lub plawv tsis ntoj.Nov yog yam khoom qhaib ntawm ywjsuab ua rau nagtshia muaj txoj kev cia siab.Cas yim saib ywj suab los yim tshiab"YwjSuab thiab nagtshia txoj kev hlub los mus xaus rau hnub no.NagTshia ntsia lub ntiaj teb ua yoj yees twb yuav nphau.Mloog lub ntuj ua zog koog twb yuav vau"YwjSuab tsis paub tias nagtshia txoj pa twb yuav tu.Me kua muag si laim ntawm plhu"Ua rau ywjsuab lub siab tsis kaj.Mob ywjsuab siab tsheej zaj

YwjSuab tias NkaujNag.Txhob quaj ma.Kuv cog lus tias kuv mus tsis ntev kuv yuav rov tuaj.NagTshia nyob ua lub siab zoo"tsis txhob tham hmoob 1 hnub twg ywjsuab tau nagtshia wb lub neej thiaj yuav nto koob mog.YwjSuab mus ywjsuab yuav ua lub siab dawb.Hnub twg wb tau nyob 1 tse ces nagtshia yuav yog kuv tus zoo niam tsev los txhawb.NagTshia Nqa koj cov khoom mus cia es wb mus taug kev ua si yom.Vim hnub nov yog hnub wb tau nyob ua ke lawm xwb mog,Ntshe yuav ntau lub hli puav ywjsuab thiaj tau rov tuaj pom nagtshia dua os.NagTshia nqa khoom mus cia nagtshia rov tawm tuaj .NagTshia niam hais tias nagtshia koj yuav mus dab tsi ?NagTshia tias niam kuv yuav mus nrog ywjsuab ua si taug kev 1 pliag tag kis nws twb mus tsev lawm"NagTshia niam hais tias mus los tau tab sis tag kis peb yuav mus txiav txim mus mis kas nawb ,Ua rau nagtshia lub siab haj yam mob yam tus mob ntxiv tuaj rau nagtshia lub siab"NagTshia tsis teb nagtshia niam li vim nagtshia lub suab ncia twb tawm los lawmHais tsis taus 1 lo lus rov rau niam,NagTshia nqa lub kaus uaa ywjsuab yuav rau nagtshia,Khiav tawm plaws mus cuag ywjsuab lawm.Thaum nagtshia tuaj txog ntawm ywjsuab,YwjSuab tias nagtshia .Pua ta koj twb zoo siab lawm tsis yog los?Los yog niam cem koj cas ntsej muag ntshaus ua luaj.YwjSuab cev tes so nagtshia kua muag tias nagtshia koj txhob quaj txhob ntsoos ua li no ywjsuab lub siab tsis kaj"Thiab tsis xav rov qab na nagtshia"NagTshia tias ywjsuab puas yog nagtshia txoj hmoo los rau lub caij nyoog phem,Cas yuav ua rau nagtshia plam tag txhua yam,NagTshia xav tuag tsis xav ua neeg nyob lawm os".Koj mus yog hnub twg koj sau ntawv nagtshia tsis teb koj rov lawm ces koj ua 1 siab txhob nco nagtshia lawm mog,Koj paub tias yog nagtshia tuag mus lawm os mogywjsuab" Txuas ntxiv"
.

Subject: Re: YwjSuab thiab NagTshia Wed Jun 25, 2014 2:00 pm

Yeej nco yeej nco 'Thawj hmo wb tuaj sib ntsib.Hnov koj tus ntxhiab qab zib tsis ploj hauv siab"Nco hmo hli ci ntsa iab hauv wb lub plawv"Yeej nco nco hmo ntawv.vim Koj muaj tus zoo"Koj thiaj ploj ntsiag moo.Cia kuv mam quaj ncia tsis seev qhia pub twg paub txog.Mam nqos lub kua muag nrog los cawm lub siab.Lwm tiam tshiab mam hlub koj dua kuv me nus nraug sua " tus neeg kuv hlub .Zaj nkauj nov yog 1 zaj nagtshia nyiam heev thaum wb nyob ua ke mloog tsis dhuav.!!

YwjSuab thiab NagTshia - Page 23 90051110

Subject: Re: YwjSuab thiab NagTshia Thu Jun 26, 2014 6:18 am

NkaujNagTshia tus me neeg zoo lus twb tau ntev ntau npaum no lub xyoo lawm los koj kuj tseem nco tau zoo kawg hais tias ua ntej thaum wb yuav sib ncaim ntawv es YwjSuab tau muab dab tsi tseg rau NkaujNagTshia thiab. NkaujNagTshia....txoj kev uas wb tau sib ncaim ntawv yeej vim yog lub teb chaws tsis tiaj tus thiaj li ua rau NkaujNagTshia thiab YwjSuab plam tag lawm txoj kev hlub tshuav lawm txoj kev tshua nplooj siab nploog ntsws nyob thiaj tsis tus. YwjSuab tseem nco tau NkaujNagTshia tus me ntxhiab tsw tsw xub npum nauv kiab tiag. NkaujNagTshia cas es nyob rau hnub kawg ntawm wb tau ncig ua si ntawv yuav luv ua luaj rau wb tiag li os yom zoo yam li lub nhub tsis pab wb kiag li es tib pliag ntshis xwb hlub hnub twb qaij lawm es NkaujNagTshia twb yuav tau rov mus tsev lawm os.

» Lus Nco Thiab Lus Dai Siab
» NkaujnagTshia Lub Chaw Mloog Nkauj
» Nyiam Nagtshia Heev
» thaj chaw mloog nkauj
» Nco Nco Koj