Yog Tseem Muaj Lub Hnub Tuaj

Lub sib hawm thaum ua nkawv ob tug kwv tij kwv npawg sib ntsib es sib tham tag ces nyias kuj tau mus nyias ntsev lawm. Pej Sim kuj los tsev tau muaj siab hlo hais tias Npauj Lias twb tau ncaim Pej Sim mus tau 6 lub xyoo no lawm tsis tau hnov Npauj Lias xov li. Ntawm nov yog thawj zaug uas Pej Sim tau hnov Npauj lias xov ces Pej Sim xav hais tias txawm yuav zoo li cas los xij cia Pej Sim mus xyuas seb puas yog Pej Sim tus Npauj Lias tiag. Tom qab ntawv ces Pej Sim thiaj li tau rov qab mus nrhiav Npauj Lias dua rau pem lub zos uas Pej Sim tus npawg Pob Zeb tau hais los lawm ntawv. Thaum Pej Sim mus txog rau pem lub zos ntawv lawm ces Pej Sim kuj tau mus so rau hauv tus tswv zos lub tsev.

Pej Sim thiaj li tau nug tus tswv zos ntawv hais tias: Tus txiv hlob….uas ntawm nej lub zos nov puas muaj ib tug ntxhais los sis yog ib tug poj niam lub npe hu ua Npauj Lias xeem hmoob Lis no ne yom?

Tus tswv zos thiaj li tau teb Pej Sim hais tias: Aub! Tus me tub, yog hluas nkauj no tsis muaj sub na, ho puag thaum i uas twb yuav muaj 7 lub xyoo los no, muaj ib tug mas tiam sis nws twb tau muaj txiv dua los lawm, nws hais tias nws tus txiv yog hmoob xeem xyooj no sub as, nws twb los yug tau ib tug me nyuam tub nyob rau ntawm peb lub zos no, tab sis hnov hais tias nws tus txiv cia li tau ploj lawm, nws tseem nyiaj hnub nyob tos nws tus txiv hos. Zoo nkaus li tsaib no xwb nws tus me tub loj me ntsis tuaj lawm thiab twb txawj txawj ua nws luag lawm ces nws thiaj li tau coj nws tus me tub nkawv ob niam tub tau rov qab mus nrhiav nws tus me tub leej txiv lawm ces nkawv tsis nyob rau ntawm lub zos no lawm na.

Thaum Pej Sim tau nrog tus tswv zos ntawv tham tag lawm ces Pej Sim thiaj li tau ua ib siab rov qab hlo los tsev lawm yam tu siab nrho. Nyob tau ib lub xyoo tom qab ntxiv xwb ces Pej Sim thiaj li tau ua ib siab yuav poj niam thiab pib dua Pej Sim lub neej tshiab lawm.

 
Continue.....

50 lub xyoo tom qab uas Npauj Lias tau ncaim Pej Sim mus lawm, Pej Sim mus ua lub neej nyob rau teb chaws fab kis, Pej Sim kuj tau daws lub npe hluas mus rau lub npe laus lawm thiab ces nws tsis hu ua Pej Sim no lawm. Nws lub npe laus tau hu ua Sim Ceeb no lawm, Sim Ceeb los twb tau muaj li 70 xyoo lawm, los tab sis nyob rau hauv Sim Ceeb nruab siab mas xav ntsoov txog txoj hauv kev yuav rov qab mus kom pom thiab saib lub zos Tsuas Ntab dua ib muag ua zaum kawg uas nyob rau hauv Sim Ceeb lub neej. Yog hais tias muaj ib hnub twg txoj sia yuav tu los thiaj li yuav zoo Sim Ceeb lub siab qi qhov muag ncaim lub ntiaj teb no mus. Yog li ntawv Sim Ceeb thiaj li tau rov qab mus txog rau teb chaw Los Tsuas es ze rau ntawm lub zos Tsuas Ntab, tab sis xyov yog ua li cas lawm tiag Sim Ceeb cia li mob lawm thiab.

Yog li ntawv tus tswv zos ntawm lub zos ntawv thiaj li nug hais tias: Nyob zoo tus txiv ntxawm. Koj los lub teb chaws twg los? Koj ho yuav mus rau qhov twg? Thiab koj lub npe ho hu li cas?

Sim Ceeb thiaj li teb rau tus tswv zos hais tias: Kuv lub npe hu ua Sim Ceeb yog xeem hmoob Xyooj no, kuv los teb chaws Fab Kis los thiab kuv xav mus xyuas lub zos Tsuas Ntab no os tus me tub.

Tus tswv zos thiaj rov teb rau Sim Ceeb hais tias: Aub! Ua li los tus txiv ntxawm Sim Ceeb. Kuv lub ne hu ua Pej Huam no os tus txiv ntxawm, kuv los kuj yog xeem hmoob Xyooj thiab los mas. Yog li ntawv kuv xas mas koj tus ua txiv ntxawm tsis tshua xis neej ces cia kuv coj koj tus ua txiv ntxawm mus so rau pem kuv lub tsev es nim hnub koj ho muaj zog me ntsis tuaj lawm thiab koj tsis sab lawm no, koj mam li mus xyuas lub zos Tsuas Ntab los mas yom tus txiv ntxawm Sim Ceeb. Ib qho ntxiv thiab rau qhov tam sim no pem lub zos Tsuas Ntab ntawv los kuj tsis muaj neeg nyob tag lawm thiab tsuas yog hav zoov lawm xwb.

 
Continue.....

Sim Ceeb thiaj li teb rau Pej Huam hais tias: Ua li los mas tus me tub Pej Huam. Kuv ua koj tsaug ntau nawb mog uas koj muaj lub siab dawb, siab zoo, siab loj thiab tseem coj kuv mus so rau pem koj tsev thiab os.

Thaum Sim Ceeb nrog Pej Huam mus txog rau pem Pej Huam tsev lawm ces Pej Huam thiaj li hais rau Sim Ceeb hais tias: Los tsev os txiv ntxawm Sim Ceeb....wb los txog kuv lub tsev lawm.

Nkawv los txog rau hauv Pej Huam tsev lawm ces Pej Huam thiaj li tau hais rau Pej Huam niam hais tias: Niam tus no yog ib tug txiv ntxawm xeem hmoob Xyooj thiab, nws los tim teb chaws Fab Kis los, nws lub npe hu ua Sim Ceeb no thiab nws muaj ntsis tsis tshua xis neej es kuv thiaj li tau coj nws los so ib ob hnub hauv peb tsev no kom nws muaj zog me ntsis tso nws mam li mus.

Pej Huam niam thiaj li hu hais tias: Nyob zoo os txiv ntxawm Sem Ceeb.

Thiab teb rau Pej Huam hais tias: aws ua li los mas me tub Pej Huam.

Sim Ceeb kuj los so rau hauv Pej Huam lub tsev tau li ob peb hnub lawm, tab sis Pej Huam niam thiab Pej Huam poj niam lawv kuj niaj hnub mus ua teb tag lawm, tsuas cia Pej Huam nyob hauv tsev zov txiv ntxawm Sim Ceeb xwb.

Muaj ib hnub ces Pej Huam thiaj li hais rau Pej Huam niam hais tias: Niam tau ob peb hnub no lawm txiv ntxawm Sim Ceeb twb tau zoo me ntsis tuaj lawm ces cia hnub no koj ho nyob hauv tsev nrog txiv ntxawm Sim Ceeb es kuv yuav mus ua tus tuam choj yaj nplej rau koj nyab nej tau yaj nplej nawb.

Hnub ntawv Pej Huam niam thiaj tau nyob hauv tsev ces thaum Pej Huam niam ua tau tshais noj tag, Pej Huam niam ua tau ib qho kua dis nqa mus rau txiv ntxawm Sim Ceeb noj.

Thaum Pej Huam niam nqa mus txog rau txiv ntxawm Sim Ceeb lawm ces thiaj li hais rau Sim Ceeb hais tias: Txiv ntxawm Sim Ceeb....tau ob peb hnub no lawm koj puas muaj zog me ntsis tuaj? Kuv ua tau ib qho kua dis nyob nov es koj sawv los noj kom koj thiaj li muaj zog nawb.

Sim Ceeb thiaj li teb rau Pej Huam niam hais tias: Ua koj tsaug ntau nawb niam tij….ob peb hnub no zoo nkaus li kuv kuj mloog tau kuv lub cev me ntsis tuaj lawm thiab. Twb yog muaj tus me tub Pej Huam los tu kuv thiab los nrhiav tshuaj rau kuv noj es kuv thiaj li muaj zog me ntsis tuaj lawm. Kuv ua tus me tub Pej Huam tsaug ntau heev os….niam tij. Koj muaj ib tug tub siab dawb thiab siab zoo heev li mog. Kuv nrog koj tus ua niam tij zoo siab heev li nawb.

 
Continue.....

Koj na.....NkaujNagTshia....tos kuv lub zog pheej qaug qaug tsis sawv li los vim koj pheej yuav tos kom kuv sau xaus tso koj mom li tuj nrog nyeem no ne yom. Yog li ntawv ces YwjSuab yuav tos kom txog hnub twg uas NkaujNagTshia muaj muaj caij tuaj nrog nyeem tso YwjSuab mam li tuaj ua ib zaug sau kom xaus kiag xwb.......hahaha......zoo siab uas koj tseem tuaj tsam kuv txog rau lub chaw dab neeg no thiab mog....NkaujNagTshia.