Subject: KHAWS TSEG UA DAB NEEG Thu May 08, 2014 10:26 am
First topic message reminder :
CIA KUV MAM KHAWS KOJ TEJ LUS ZOO CIA UA IB ZAJ DAB NEEG
NtsujPLig....Nagtshia Nco tau txhua yam kuv ua npau suav 1 zaug wb mus taug 1 tug dej kuv mus de nplooj ntse los cug dej rau koj haus kuv npleem pob zeb kuv ntog tsoo kuv roob qheb mob heev li, koj tau hlais koj txoj hlab si los qhwv. Koj hais tias Kuv twb kom cia kuv mus de nplooj es koj pheej txeeb mus koj thiaj ntog sab ua luaj. Koj muab kuv nqa mus tso ntawm 1 thaj chaw av xuab zeb kuv pw pheeb lub pob zeb koj puag kuv cia kuv khooj ntawm koj xub ntiag dhau li kuv cia li tsim los lawm.
Puas yog koj puas nco tau lub sij hawm ntawv koj puas muaj zaj dab neeg no nrog koj tiam tag los. Oh....tsis nco lawm koj hais tias koj xav hnov kuv tshuab ncas rau koj mloog. Txhua zaus thaum kuv tshuab ncas koj cia li qe muag tsaug zog ntawm kuv 1 sab. Kuv nco koj heev li os tab sis nws yog tiam tag los hauv npau suav xwb nws yog npau suav na ntsujplig...
Ua tsaug koj zaj ncas zoo kawg li mam kaw cia mloog ntsoov seb puas muaj me kab npauj kab xi quaj. Mam mloog seb koj puas nrog me cua moj lwg ya tuaj
NkaujNagTshia.........
Last edited by Ntsuj_Plig on Thu Mar 31, 2016 2:26 am; edited 29 times in total
Subject: Re: KHAWS TSEG UA DAB NEEG Fri Oct 30, 2015 10:49 am
NtsujPlig tus nraug hmoob siab loj siab dav.... NagTshia yuav chim thiab mob lub siab rau koj tam lub ntuj tsis muaj hnub tshav.Vim yog nagtshia nkag yuam kev hauv koj siab"Hnub no nagtshia thiaj ua neeg vwm loj vwm les tam me xyoob ntoo tsis muaj roj muaj ntsav.Li cas los puam chawj tsuav txoj sia tsis tu ces tsis txhob txhawj"Leej nus ntau siab"Thov kom nws mus ua lub neej ntsha iab nrog me paj hmab paj ntoo tawg dhauv niab"Li no xwb nagtshia mam tuaj 1 cag nuam"Nco ntsoov 1 hnub tom ntej ho ntsib los thov hu luag nyav ta nagtshia yog koj 1 tug me txhawb nkauj txheeb muam nawb mog sib ntsib dua os NtsujPlig
Tij laug 8tos8nco nkaujnagtshia tsis paub tso tus code kom sau ntawv nyob rau 1 sab es thov nws pab tso tus code ntawv pub nagtshia os nawb ua tsaug ntau ntau ua ntej nawb 8tos8nco thiab ntsujplig ...
Subject: Re: KHAWS TSEG UA DAB NEEG Tue Nov 03, 2015 9:27 am
Nagtshia.... tus me nkauj hmoob siab loj
Yog tias Nagtshia nkag tau rau Ntsuj Plig lub siab lawm mas nws yeej yuav nyob kaj siab lug zoo tam li tej paj hmab paj ntoos tawg nthuav tos tus duab hli ci. Nws yuav tsis muaj hnub chis mus ib txhis li hos. Ntshai tsam Nagtshia nkag yuav kev rau lwm tus lub siab zoo tam li lub hnub muaj tus duab tshav kub npaum li nplaim taws ntshe Nagtshia yuav nyob los nyob tsis tau yuav tawm los ho hla tsis tsis dhau xwb tiag....
Subject: Re: KHAWS TSEG UA DAB NEEG Thu Nov 05, 2015 8:20 am
Nyob zoo os NtsujPlig.Ua tsaug zaj nkauj kho siab Zoo siab uas tau nyeem nws cov lus sau dua vam tias ntsujplig yuav nyob zoo ntawm kabnoog tseem nyob zoo os"
Kaj ntug hnub no pom me faj suab iab oo" tseem ci ntsha zoo nkauj li qubtab sis ntawm nkawv 2 leeg twb dhau lawm 1 ncua kev hlub os mog ntsujplig sib ntsib dua"
Yog tig tau lub sij hawm rov qab li lub clock.....?
Subject: Re: KHAWS TSEG UA DAB NEEG Mon Nov 09, 2015 1:22 pm
Nyob zoo rau koj thiab os Nagtshia
Kheev lam yog zoo li lub moo, kheev lam lub sij hawm tig tau rov qab koj tsis txhob txawj laus kuv ho txhob txawj tuag. Cia kuv mam rub zog koj pw ko kuv tej sab npab wb mam tham ntuj teb tag hmov luag lis nyav os mog. Vim lub sij hawm nws txawj tig ib hnub wb laus zuj zus ib xyoos twb yuav dhau mus ua ib tiam, tsis paub tias puas muaj txoj hmoo tau ntsib koj li os.