Cas Koj Tseg Kuv

Cas Koj Tseg Kuv
sau los ntawm:
Nkaujhnubqub


Puas yog kuv cov mov tsis muaj qab mib
koj thiaj tseg ncua tsis tuaj dib
Puas yog kuv tej lus tsis muaj kuab
Koj thiaj tseg ncua tsis xav tuaj npuab
Puas yog kuv lub suab qab tsis xws koj lub siab
Koj thiaj tseg ncua tsis tuaj hnia kuv tus ntxhiab
Puas yog kuv tus pa tsis xws koj tus pa
Koj thiaj nrog luag leej lwm tus ya
Me phooj ywg cas koj mus ntsiag moo to
Kuv ces koj lam dag lam hais xwb koj twb tsis nco
Yog koj tsis tuaj lub siab tsis ruaj
Ntshe kuv yuav tseg thaj me chaw no tsis txhob tuaj
Yog koj mus muaj tus nrog koj ua si
Ntshe kuv yuav tseg kiag thaj chaw no tsis txhob tuaj li
Vim tu siab tuaj los tsis muaj koj nrog ua si
Nplooj siab tsis puab nplooj ntsws li
Vim kua muag poob ntuj nthav xwb
Tuaj txog thaj chaw no ua yus puas hlwb
Koj txawm yuav tsis nco kuv los tsis ua as mog
Mus lwm lub chaw nrog lwm tus tsuav koj kaj siab log

Uacas koj yuav seev tau tu siab ua luaj
Kuv rov tuaj pom ua rau kuv quaj
Koj tej lus seev tau tu siab heev li
Kuv tuaj pom ua rau kuv kua muag si

Uacas yuav seev tau tu siab nrho
Qhia kuv sob vim leej twg ua koj nco
Koj thiaj seev tau tej lus tu siab ua luaj
Vim leej twg ua rau koj lub siab quaj

Uacas koj yuav seev tau ntximhlub
Qhia kuv seb nws yog leejtwg leej tub
Kuv mam qhia nws tias nws ua koj lub siab mob
Puas yog vim nws koj thiaj li tu siab nrho

Yog kuv ntxov paub tias koj yuav tso kuv tseg
Kuv yuav nyob ib leeg tsis tav koj txoj kev
Yog kuv ntxov paub tias koj tsis hlub kuv tiag
Kuv yuav nyob ib leeg tsis ncog koj kiag

Tabsis vim ntuj thaum ub koj dag kuv nyob tos
Nim no koj tso kuv koj mus lawm tsis rov los
Koj tseg kuv nyob ib leeg rooj teg no kho siab khuav
Koj mus lawm tsis nco kuv cia kuv los lub kua muag

Sim neej no koj siab phem ua luaj tseg kuv li no
Tom qab no kuv mam paub tias koj yeej tseem nco
Koj tsuas lam dag kuv seb kuv puas hlub koj tiag
Vim licas thaum ntxov koj ho khiav mus tsis hais qhia

Koj yuav tseg kuv nyob mob kuv lub siab ua luaj
Tseg kuv nyob kho siab nrog lub siab quaj
Tsis muaj leejtwg yuav paub txog qhov kuv mob li
Leej twg los kuv tsis xav nrog hais lus ntxhi

Vim nco koj tshaj qhov nco lawm hais tsis taus
Koj tso kuv nyob ib leeg rau lub ntuj tsaus
Koj xav tias ua li ntawd kuv yuav nrhiav koj no lod
Koj sim kuv lub siab mob nrog lub kua muag nrog

Nim no kuv mus deb lawm koj mam li khuvxim
Koj tuaj txog ces tsis muaj kuv koj mam li chim
Koj sim kuv lub siab ua kuv tsis nyob tos koj lawm
Tsam no koj mam khuvxim ces kuv twb tawm

Koj mam xav zoo ces kuv twb tawm nroog
Koj tuaj txog ces kuv twb mus lawm ntau xyoo
Vim licas koj thiaj sim kuv lub siab li ntawm no
Koj sim koj dag ua rau kuv nco ua muag nrog

Tabsis nim no kuv mus lawm koj ho tuaj nrhiav
Koj ces txhob lam sim kuv siab ho rov khiav
Kuv yuav mus lawm ces tsis los lawm mog
Koj nyob ces txhob nco thiab tsis txhob tos...,