Cas Koj Tseg Kuv

Subject: Cas Koj Tseg Kuv Thu Jan 17, 2013 12:58 pm

First topic message reminder :

Cas Koj Tseg Kuv
sau los ntawm:
Nkaujhnubqub

Puas yog kuv cov mov tsis muaj qab mib
koj thiaj tseg ncua tsis tuaj dib
Puas yog kuv tej lus tsis muaj kuab
Koj thiaj tseg ncua tsis xav tuaj npuab
Puas yog kuv lub suab qab tsis xws koj lub siab
Koj thiaj tseg ncua tsis tuaj hnia kuv tus ntxhiab
Puas yog kuv tus pa tsis xws koj tus pa
Koj thiaj nrog luag leej lwm tus ya
Me phooj ywg cas koj mus ntsiag moo to
Kuv ces koj lam dag lam hais xwb koj twb tsis nco
Yog koj tsis tuaj lub siab tsis ruaj
Ntshe kuv yuav tseg thaj me chaw no tsis txhob tuaj
Yog koj mus muaj tus nrog koj ua si
Ntshe kuv yuav tseg kiag thaj chaw no tsis txhob tuaj li
Vim tu siab tuaj los tsis muaj koj nrog ua si
Nplooj siab tsis puab nplooj ntsws li
Vim kua muag poob ntuj nthav xwb
Tuaj txog thaj chaw no ua yus puas hlwb
Koj txawm yuav tsis nco kuv los tsis ua as mog
Mus lwm lub chaw nrog lwm tus tsuav koj kaj siab log

Subject: Re: Cas Koj Tseg Kuv Thu Jan 17, 2013 1:16 pm

Npauj Npaim wrote:: Yes! Kuv nyiam txoj no heev li os vim nws hais raug kuv siab heev li thiab es kuv thiaj muab copy los tso ntawm no, koj tuaj wb tham os, niamhluas.

Koj mas txawj tiag tiag li os, hais raug kiag kuv lub siab nyiam lawm na.

Wb twb yog niam laus niam hluas ne... koj sau twb raug kuv siab ces kuv sau los yuav tsum raug koj thiab na
koj ua siab ntev os zoo li kuv lub pc khiav qeeb qeeb phej nres nres na

Subject: Re: Cas Koj Tseg Kuv Thu Jan 17, 2013 1:18 pm

Koj puas paub thaum ub koj tseg kuv cia
Kuv lub siab mob cuag ib rab riam ntsia
Koj puas paub tias koj tseg kuv nyob ib leeg
Kuv lub siab mob cuag lub ntuj qeeg

Kuv xav tsis txog tias koj yuav mus tseg kuv li
Koj cia kuv nyob rau tom qab tsaus ntuj nti
Koj ncaim kuv mus tsis hais kuv ib los kiag
Koj tseg kuv nyob ib leeg kho kho lub siab

Tsam no koj mam hais tias koj hlub kuv xwb
Koj puas paub vim koj kuv thiaj li puas hlwb
Tsam no koj mam hais tias koj yeej hlub kuv tiag
Koj puas paub tias tsam no kuv lub siab twb txias

Vim licas koj thiaj seev tej lus no tawm los
Koj txhob seev ntshe yuav zoo dua lawm mog
Vim licas tsam no koj ho rov seev tej kev sib hlub
Koj txhob seev kuv lub siab thiaj tsis rov kub...os mog.

Subject: Re: Cas Koj Tseg Kuv Thu Jan 17, 2013 1:22 pm

Tus hlub..., vim licas koj thiaj tseg kuv cia
Koj yeej paub zoo vim licas koj ho tsis qhia
Koj yuav cia kuv mus nyob ib leeg txias to
Tsam no koj mam tuaj nrhiav tias koj tseem nco

Kuv ces twb tu siab nrho mus nrhiav lub neej tshiab
Tsam no koj mam tuaj qhia tias mob koj lub siab
Kuv twb ua ib siab mus lawm tsis nco koj ntxiv
Tsam no koj ho tuaj seev txog kev hlub yav thaum i

Txhob seev lawm ntshe yuav zoo dua
Vim tus hlub koj twb mus lawm ncav tsis cuag
Tsam no ces ua ib siab txhob nco txog yav tag
Cia tso wb nyias mus nyias siab thiaj li kaj

Subject: Re: Cas Koj Tseg Kuv Thu Jan 17, 2013 1:26 pm

niam laus twb yog thaum i es nej khiav tas tsis muaj neeg li ces kuv xav tau ces tu siab heev kuv thiaj seev xwb
tsam no kuv twb tsis muaj kev xav seev li lawm vim kuv zoo siab tuaj pom koj lawm na
txhua yam kev tu siab ploj tas lawm seev tsis tau lawm ne... tag kis mam sawv ntxov tuaj seev rau koj dua nawb...hahaha koj hlwb khiav nrawm ua luaj li... koj twb seev tau ob zaj lawm kuv twb xav tsis tshwm li...

Subject: Re: Cas Koj Tseg Kuv Thu Jan 17, 2013 1:29 pm

Heheeheh, kuv ces hais li lub siab xav xwb os.

Tej thaum yus sau mas tej lus ntawd ciali khiav tsuag tsuag los xwb hos tej zaum mas yuav tau xiv sijhawm ntev thiab os.

» cas koj tseg kuv
» Tseg Tsis Taus
» pov tseg koj txoj kev lwj siab mog
» KHAWS TSEG UA DAB NEEG
» TSEG TXOJ KEV TXWV TUB NTXHAIS