~KHO SIAB~

First topic message reminder :

Kho siab ua luaj..., vim tsis muaj koj nrog kuv nyob ntawm no,
Siab ntsws puas tas..., vim nco nco koj ibleeg xwb os mog,

Kho siab ua luaj..., vim tsis muaj koj nrog kuv uake,
Siab ntsws puas tag..., vim nco koj ibleeg xwb tiag le,

Kho siab ua luaj..., vim nyiag hlub koj los lawm ntev,
Siab ntsws puag tag..., vim qhia tsis tau koj li ned,

Kho siab ua luaj..., vim xav pom koj txhua lub sijhawm,
Siab ntsws puas tag..., vim tuaj lig tsis ntsib koj lawm,

Kho siab ua luaj..., vim tsis pom koj tuaj tos kuv ntawm thaj chaw no,
Siab ntsws puas tag..., thaum hnov tias koj twb tuaj tos tos kuv ib hmos,

Kho siab ua luaj li tiag..., vim tsis paub koj mus dua twg lawm os,
Siab ntsws puas tag..., yuav rov ntev npaum licas koj mam tuaj dua os, tus neeg kuv nco.

Ntsuj_Plig wrote:

hahaaa..........Npauj Npaim

Txawm li cas los xij mog, twb vim yog neb txoj hmoo lub neej zoo muab pub ib zaug
txawm tsis tau los tsis ua cas yog kauv tas ntshe siab quaj dhi pom duab hli hnub qub ya yuj
ntsia lub ntuj mas qaim hli nrig rov muab tig los xav dua ib zaug thaum ntuj tsaug uas te
sam khub tsis muaj hnub nws puag koj kauv pam ces mam xam tias tau sib hlub lawm los mas.....hahaaa!!

Npauj Npaim wrote:

Ntsuj Plig aj, kuv yeej tsis tau mus kauv pam nrog nws li es nim no thiaj khuvxim los mas, hahaaha,

Yog mas, twb xam yog tsis tau nrog nws kauv pam es thiaj li khuvxim tias kheev lam ho nrog nws kauv pam kiag seb nws ho yuav zoo siab los yuav ntshai, hahahaha, tabsis tsis tau ces zoo tshaj li qhov uas tau lawm es yuav muab nws ua hnub ua hmo nco ntshe yuav tsis qab siab mus ua noj li os.

Puas yog nas?

Ntsuj Plig,

Tej zaum yeej tim ob leeg thiab es lub sijhawm ntawd thiaj tsis muaj raws siab xav lawm. Licas los twb dhau mus tag lawm ces muab xav tias ntshe yeej tsis yog yus hmoov no os mog.

Lawv aw..., nej tuaj tham txog kev kho siab ces kho kho kuv lub siab lawm thiab ntshe yuav tau seev ib zaj thiab pod?

Sim neej no kho siab ua luaj,
Tsis xav quaj los kua muag los,
Lub siab ntxov tsis paub ua neeg,
Tsis xav ntseeg tias zoo li no,
Vim kev nco los yog kev hlub,
Lub neej qub ho pheej xav txog,
Yog tsaug zog los yog npausuav,
Tsis ntxim yuav kho yus lub siab,
Tsis xav piav los pheej nco ntsoov,
Yog tim hmoov los yog tim dabtsi,
Lub siab chis tsis muaj neeg paub,
Thiaj tuaj saub los tsis zoo siab,
Siab tsis kiab vim nco txog koj,
Thiaj xav zoj cia muab sau cia,
Mam hais qhia ua lus pajhuam,
Hais cuam tshuam txog Lubpajzoo,
Cia mam mloog seb puas hnov xov,
Nyob ntawm nov tos lawm xwb tiag,