~KHO SIAB~

Subject: ~KHO SIAB~ Mon Mar 01, 2010 2:52 pm

First topic message reminder :

Kho siab ua luaj..., vim tsis muaj koj nrog kuv nyob ntawm no,
Siab ntsws puas tas..., vim nco nco koj ibleeg xwb os mog,

Kho siab ua luaj..., vim tsis muaj koj nrog kuv uake,
Siab ntsws puas tag..., vim nco koj ibleeg xwb tiag le,

Kho siab ua luaj..., vim nyiag hlub koj los lawm ntev,
Siab ntsws puag tag..., vim qhia tsis tau koj li ned,

Kho siab ua luaj..., vim xav pom koj txhua lub sijhawm,
Siab ntsws puas tag..., vim tuaj lig tsis ntsib koj lawm,

Kho siab ua luaj..., vim tsis pom koj tuaj tos kuv ntawm thaj chaw no,
Siab ntsws puas tag..., thaum hnov tias koj twb tuaj tos tos kuv ib hmos,

Kho siab ua luaj li tiag..., vim tsis paub koj mus dua twg lawm os,
Siab ntsws puas tag..., yuav rov ntev npaum licas koj mam tuaj dua os, tus neeg kuv nco.

~KHO SIAB~ - Page 10 Waiting

Subject: Re: ~KHO SIAB~ Sat Aug 28, 2010 8:20 am

Lubpajzoo........Koj nco leej twg na??? Cas yuav seev kho kuv siab ua luaj li thiab os...

Lub caij twg yog kho kho siab
puas nco thiab puas xav txog nws
txawm leej twg los yeej ib yam
kuv ntshai tsam ho muaj ib hnub
tau tus hlub tsis raws siab xav
ntshe yuav ncav tes tsis cuag li
quaj dhawv dhi nco nws tshaj plaws
peb sawv daws ib leeg muaj tug
yog luag nug yeej tsis paub teb
nyob ntawm pe lub siab quaj dhi
nco tas li tsis pom qab hais
mob npaum chais hlais koj nplooj siab
kawg yug tshiab thiaj yuav ploj xwb tiag....

Subject: Re: ~KHO SIAB~ Tue Aug 31, 2010 2:33 pm

Nyobzoo os, kuv lub me tsev kho siab,
Ncaim ntev ua luaj lawm koj puas nco kuv thiab,
Nyobzoo os, kuv lub me tsev kho siab ...e...,
Ncaim ntev ua luaj no ua li koj puas nco kuv lawm ne,

Kuv lub me tsev kho siab, koj puas paub kuv nco koj heev,
Hnub no kuv thiaj rovqab tawm tuaj nyob nov seev,
Kuv lub me tsev kho siab, koj puas paub tias kuv kho siab no,
Hnub no kuv tuaj yog rovqab tuaj qhia koj paub xwb os mog.

Subject: Re: ~KHO SIAB~ Tue Aug 31, 2010 2:35 pm

Ua cas yuav kho kuv siab ua luaj nas tus phoojywg,
Cas nim tshav ntuj nrig es tsis pom koj nyob rau qhovtwg,
Ua cas yuav kho kuv siab ua luaj nas me neeg zoo,
Cas nim tshav ntuj nrig es tsis pom koj tuaj nug kuv moo,

Ua cas yuav kho kuv lub siab ua luaj thaum tuaj txog hauv no,
Koj puas tseem nco tau thawj thawj hnub wb sib ntsib lawm os,
Ua cas yuav kho kuv lub siab ua luaj thaum tuaj pom koj dua,
Koj puas tseem nco tau thawj thawj hnub wb teem caij tuaj sibcuag,

Subject: Re: ~KHO SIAB~ Tue Aug 31, 2010 4:08 pm

Npauj Npaim.........

Vim dab tsi thiab leej twg thiaj ua koj lub siab puas tsus kheev lam yog yaj nyog los txia tau cia kuv mam txia ntshis los muab koj nyiag nrog kuv mus
Vim leej twg los vim dab tsi thiaj ua rau koj lub siab quaj dhi keev ho yaj nyog los txia tau kuv mam txia ntshis los coj koj nrog kuv mus ua si

Nruab hnub cia wb mam plhis plho ua niaj ntab mov muv ya mus ntsauv hmab hmo ntuj wb mam mus nrog niaj dab niaj ntxoog tuaj sib hloo kab
Nruab hnub cia wb mam plhis plho ua niaj dab mos muv ya mus ntsauv cev hmo ntuj wb mam mus nrog niaj dab niaj ntxoog tuaj sib hloo kev....xwb tiag.

Subject: Re: ~KHO SIAB~ Wed Sep 01, 2010 9:48 am

Ntsuj Plig...,

Npauj Npaim ces nyob ib leeg kho siab khuav,
Ncig mus txog qhovtwg los tsuas yog nws ibleeg tuaj xuav,
Npauj Npaim ces nyob ib leeg kho siab zim,
Ncig mus txog qhovtwg los tsuas yog nws ibleeg tuaj ncig,

Vim li Npauj Npaim thiaj li kho kho lub siab tsis paub nyob,
Thiaj tuaj seev kev kho siab seb Ntsuj Plig puas yuav hnov,
Vim li Npauj Npaim thiaj li kho kho lub siab tsis paub ua licas,
Thiaj tuaj seev kev kho siab seb Ntsuj Plig puas paub no nas,

» Pojniam vs Txivneej
» Hnub no mloog nkauj tsi kho siab li...Nws tu siab xwb...
» Puag Yog Hlub?
» Siab Cob Xub
» Tu siab