Pheej Hmoo Hlub

Subject: Pheej Hmoo Hlub Fri Oct 17, 2014 5:09 pm

First topic message reminder :

Tus neeg nyob deb, nws tseem koom ib lub ntiajteb

Koj nyob rau qaumntuj los yog koj nyob sab qabteb

Kuv yuav caij dav los nyob tsheb thiaj nrhiav tau koj

Koj nyob rau meskas los yog koj nyob rau Tuamtshoj

Kuv tsuas pom koj me neev tes ntiv nrhia lus dai siab

Tsuas hnov koj tus ntxhiab los ntawm koj lo lus seev

Kuv nplooj siab ntxeev vim koj tej me lus zoo qabzib

Wb puas yuav sibntsib ua ntej txoj me siav yaj ntshis

Kuv yuav pheej txoj hmoo hlub koj li no mus ib txhis

Kuv yuav ywj ya nrhiav koj li nkaujhnub nrhiav nraughli

hlub - Pheej Hmoo Hlub - Page 3 Most-Beautiful-White-Satin-Pocket-Ring-Bearer-Pillow-Cushion-Flowers-in-Middle-Fantastic-Wedding-Ring-Cushion

hlub - Pheej Hmoo Hlub - Page 3 Most-Beautiful-White-Satin-Pocket-Ring-Bearer-Pillow-Cushion-Flowers-in-Middle-Fantastic-Wedding-Ring-Cushion

Subject: Re: Pheej Hmoo Hlub Wed Nov 12, 2014 2:13 pm

Yog lub caij kuv tsis txawj ua pa lawm los kuv tsis kam tu siav

Vim Teev nagtshia tseem yog kuv tus neeg hauv txoj kev hlub nrhiav

Txawm txoj sia tu mus lawm ntau xyoo los yuav tsis zoo siab lwj

Vim tseem tos tus neeg kuv tshua lub kua-muag hlub quaj plhws

Leej muam siab zoo hais lus daisiab koj nyob sab ntuj twg tiag

Koj puas paub kuv nim qis kiag mus nrhiav thoob California

Kuv tsis pom koj ib pliag od mog-tsuas pom me dej haivtxwv ntas nrog cua txias

Kuv tsis pom koj lub meej xeeb luag nyaj-tsuas nco tau koj lolus tso dag

Suab haivtxwv dej ntas ntsawj ntug suab puam tsis xws suab cua nroo

Kuv mus lawm ntau hnub nrhiav lawm ntau hmo los tsis hnov koj hmoo

Ntshai nws yog phem niaj tsiv xyoo-kuv thiaj nco koj tshav ntuj nrig

Nruab-hnub hmo-ntuj lub me siab vwm siab tos xav tuav koj ib zaug tes mus ncig

Cas lub ntiajteb yuav dav ua luaj rau tib neeg txoj kev nrhiav tau sibntsib

Me qab ntuj los zoo xws qaum ntuj-me hnub tuaj, hnub poob los zoo sibxws li

Kuv tus neeg ntxim tshua-cia kuv maj mam ua siab ntev nrhiav-tos txog thaum lub qhov muag qi

Txog hnub rov tsis tau ntsib koj cia kuv yuav muab txhua lolus xav qhia koj xa mus zais nrog lub hli

Subject: Re: Pheej Hmoo Hlub Tue Dec 02, 2014 4:25 pm

Txoj me kev pheej txoj hmoo hlub ces nim zoo tsis txawv txoj kev taug tsaus ntuj nti 2 tog dub tsis pom duab hli thiab duab hnub. Lub me siab no nyiam ntshaw tau koj tiag los txoj me kev xaiv ntau npaum li nyob ntiajteb saib mus puam saumntuj pom ib ntuj hnub-qub, sim me neej no kuv yeej qhia tsis tau tias lub hnub-qub ci li cas tiag thiaj yog kuv tus hlub.

Hmo ntxeev yog hnub los txoj me kev tshua koj tseem nyob tus neev taw-qub tsis txawj nphob, nws zoo nkaus li yeej muaj koj nrog kuv nyob, tabsis me qab vag tsis taug tsis pom koj ncig-me txaj chaw/tsoos tsho tsis muaj ib lub yog koj li. Cas lub neej no yuav kho kuv siab tshav ntuj nrig, nraum zoov tsis hnov koj suab seev+suab xuav, hauv tsev me rooj tog nqha nrig khoob lam lug tsis muaj koj ib tug me neev tes tuav.

Hli txav mus ua xyoo kev hlub kev tos koj tseem yog dabntub npausuav...tusiab ua luaj no kuv tsis tsa suab quaj los lub kuamuag ntws lug tawm los li yog taub kuamuag nchuav los mus ntxuav txoj me kev ntshaw koj hauv tus npausuav...Tiamno lig lawm tiag tus me neeg kuv tshua, me paj tawg txhij me txiv txi txhua-tsuas tshuav nplooj tseem ntxoov kav sawv yuj yees nyob thaiv cua.

hlub - Pheej Hmoo Hlub - Page 3 Lonely_Night_by_DehCavalieri+%281%29

Subject: Re: Pheej Hmoo Hlub Sun Dec 07, 2014 11:40 pm

Yajceebtshiab wrote:: Nagtshia...Lub ntuj yeej tsim yuajsim rau txuabsim noj
Lub ntuj yeej tsim kom leejtub los hlub leejntxhais li koj
Lub ntiajteb cawm noob neej txoj sia los ntawm kev hlub
Tsuas yog tus tibneeg tsis pomkev thiaj tsim kev ntxub

Txwjnkawm xeebmuaj yog noob neej kevhlub kevntshaw
Vim kevhlub thiaj muaj kevntseeg, kev swm thiab ncawg
Txhua txwm txwjnkawm sibtawg yog kevhlub tseem tsawg
Lawv pib lub neej zoo npaum twg los hwj xwm tsis kawg

Ua tsaug Nkauj Nagtshia lub me quarter mog leej mua nkaujntxawm

in case nej tsis paub kuv cov lus Hmoob

Yuajsim=plant-hood

Txuabsim=animal-hood

Ab leej nus hmoob tus siab zoo"
Cas lub niaj xyoo yuav 1 sij dhau mus 1 lub "
Tab sis wb twb sib paub ntev ua luaj los
tsis tau nyob 1 ntxaij sawv ua 1 khub"
Ua tsaug PheejHmooHlubtus nus txawj tham"
Puas yuav muaj txoj hmoo uas muaj 1 hnub twg
yuav pom hmoob leej tub tus zoo zam"
Koj nim nyob rooj teb sab ntuj twg"
Wb nim hais zoo ua luaj los tsuas yog phooj ywg"
Koj nim txhawj yaj los txawj txia "
Cia koj txia ntsis yog rab koob paj ntaub rau nagtshia
muab zais nkaus cia"Ua tsaug nawb koj tej me lus qab zib
lus plawv siab"ciam mam ntim ntua cev txiaj saub zam yeev
tos ntau koj rau lwm tiam tshiab os mog Ua tsaug nawb koj zaj nkauj mloog tau kho siab heev osg

Subject: Re: Pheej Hmoo Hlub Fri Dec 12, 2014 8:20 am

Me leej nus hmoob tus lus zoo Wb sib paub los lawm ntau xyoo"

Es koj txawm yuav ncaim tiag Txawm yuav ploj koj lub suab Mus ntsiag"

Yeej paub tias yuav tsis sib tau Cas tsis nyob cawm kuv txoj pa mus txog hnub laus

Me leej nus hmoob kuv ua yam twg tsis ntxim koj siab"

Thiaj ua koj lub ntuj tsis ka lub teb tsaus nciab

Me leej nus hmoob siab dawb Ua tsaug txhua yam lus txhawb"

Yeej paub nws hlub nagtshia Los tsis yog txawj yog nkawm"

Thiaj tsis zoo muab piav qhia Leej nus hmoob tus nyob deb"

Nws sim tiv rov mus saib ibpliag seb lub ntuj tshiab nyob qhov twg"

Puas muaj 1 txoj xub ke twg nagtshia mus soj tau nws qab"

taug tau nws lw ntxiv mus lawm Cas xav tsis tawm tias "

Yog dab tsi tshoov koj lub plaw Thiaj mob soj tsis tau qab "

taug tsis tau chaw os leej nus Hnub no nagtshia tuaj zaum tsis tiaj

sawv tsis tus vim nws yuav yuav ncaim nagtshia mus"

Txawm nagtshia cheem los nws tsis nyob ntxiv"

Ntshe nagtshia nplooj plaw yuav ntxhuaj nplooj siab yuav kiv"

Ntshe nagtshia quaj los tsis Muaj neeg so nagtshia kua muag"

NagTshia txhawm chim tuag los tsis muaj neeg plaws''

Cia mam quaj seev tsis muaj Tus paub tus hlub'

Mam ua siab ntim ntaua lub txiaj zam yeev mus tos koj rau saum ntuj ub"

Yog lwm tiam muaj tiag tiag NagTshia li tuav ntawv zias los pw koj ntiag

ua tsaug nws tej lus zoo lus daib siab mam tos ntuag nraug hmoob"

Li koj rau lwm tiam tshiab Mogsib ntsib dua leej nus siab dawb"

Tseemtshua

Subject: Re: Pheej Hmoo Hlub Sun Jul 19, 2015 10:02 pm

» Muaj Hmoo Ib Vuag
» Nws Tsis Yog Vim Txoj Hmoo
» chaw sau paj huam hlub "Txoj kev hlub yog wb"
» NWS PHEEJ UA LI NWS XAV LOS NROG KUV PW HAUV TXAJ
» Koj nyiam tus neeg coj tus cwj pwm zoo li cas