Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.
Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no.
Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.
Koj sim muab coj mus xav seb koj ho yuav ntaus nqi li cas thiab no???
Last edited by Ntsuj_Plig on Thu Mar 31, 2016 11:31 am; edited 3 times in total
Feem ntau cov niag ruam tsis tshua mos hluas nkauj pob vim lawv twb tsis muaj peev xwm ne hos cov niag neeg mos hluas nkauj li koj hais saum koj kab post mas yog cov niag neeg uas lawv yeej mus thaj hluas nkauj ua ke tsheej pab es ib tug pheej tsis leem cai ces nws pheej mus qhia nws tej phooj ywg kom ua li nws ua ces luag nkauj ka rau puag ces thiaj li muaj tej xwm txheej tsis ncaj ncees rau tib neeg txoj kev sib hlub hauv nruab siab ne ces tus niag neeg tsis zoo nraug thiaj li mus xyaum cov neeg phem tus yam ntxwv ua tej yam tsis yog kev cai nkauj nraug zoo li koj zaj lus los muaj ces cov neeg zoo li ntawm mas nyob teb chaws nov luag hu ua laib. Tab sis, raws li Hmoob niam Hmoob txiv ib txwm ua neej nyob mas tej laus yeej pom cov neeg ruam tham neeg ruam thiab neeg phem ces yeej tsis tham leej twg li os. Qhov kuv hais cov neeg phem mas yog phem lub ntsej muag hos tsis yog tus neeg phem lub siab mas muaj tej cov neeg zoo li ntawm os.
Raws li cov laus qhia lawv tej tub tej ki loj hlob es mus tham hluas nkauj mas cov laus yeej qhia koj tus me nyuam ntawm xyaum ua neeg zoo ces thaum nws loj tuaj yog nws yuav mus tham hluas nkauj mas nws yuav tsum mus yuav ib luab zuag hauv khw los ntsis nws tej plaub haus kom zoo nraug ntxiag thiab nws yuav tsum paub hwm kwv hwm tij thiab hwm pej xeem huab hwm mas tus neeg ntawm thiaj li yog tus nrhiav poj niam los puag pw sov sov nawb ho tus niag neeg niam txiv hais tsis tau es nyob tus niag plaub hau ntxov voos thiab tsis ntxuav muag li mas cov neeg zoo li ntawm txawm mus nyas qhuav txias los yeej tau plaub li os vim luag tsis nyiam nws ua vauv ne.
Hahahahaha.......40 xyoo lawm los peb tseem tham txog kev nkauj kev nraug nyob Los Tsuas teb mas ntshe yuav yog Viyang thiaj li teb tau txhua yam lus nyob sab ntuj tim rau peb nyeem xwb lau thiab Ntsuj_Plig los nws yeej yog ib tug neeg muaj zoo lub zeem uag thiab paub dab neeg Hmoob ntau zaj lawm ces nws yuav sau tau ntau yam rau peb nyeem thiab os.
Hais txog hluas nkauj muaj me nyuam hauv Toj siab mas tej zaum yuav yog hluas nkauj mus cuav zos dhau lawm ces nws mus tham luag tej phone hauv luag tej chaw ua hauj lwm tag li ces tos tus hluas nraug tim Meskas paub ces nws tus hluas nkauj twb muaj me nyuam lawm ces yuav yog li koj hais los muaj thiab tiag. Tab sis, qhov hais tias hluas nkauj muaj me nyuam hauv phone mas kuv ho tsis tshua ntseeg yam lus zoo li ntawm vim lub phone yeej tsis lam muaj tau me nyuam mas qhov cuav ces yog lawv tham cov lus txhais ua lwm yam code es yus paub tsis txog xwb os.
Ntsuj_Plig, koj zaj dab neeg Yim Laj, tij laug thiab niam ti tus niam hluas, Paj Huab, thiab Nkauj Ntxoo yog lawv yeej sau tau zoo zoo lawm ces kawg yuav tsum muaj tus mus b zaj movie tom qab zaj dab neeg phau nyeem sau tawm lawm mas ntxim yuav zoo kawg li vim tus tswv zau nws zaj dab neeg ntawm luag yeej design lawv zaj dab neeg ua images tag lawm ces neeg hloov tsis tau lawv cov lus lawm mas zoo kawg li os.
Txawm yuav nyob qhov twg thiab yuav yog tiam twg los nyias yeej muaj nyias ib zaj me dab neeg uas khuam siab npaum li npev 3 ceg daig ntses caj pas nqos tsis mus li los mas.
Kuv ces zaj uas haib tshaj ces ntshe tsuas yog xav tsis txog tias yuav tau ntsib niam tij thiab tij laug tus niam hluas no xwb tiag....hahaa. Hos zaj uas nyob hauv npau suav tsis ploj mas yuav tau muab ua 2 ntus tham lawm vim tias ntu pib ces yog ntu uas Yim Laj, Paj Huab thiab Nkauj Ntxoo lawv lub neej hluas nkauj hluas nraug. Hos ntu ob ces ntshe yuav tau tham txog ntu uas Nkauj Ntxoo tus ntsuj plig rov los nrhiav Yim Laj nyob rau tiam no....hahaaha.
Tseem tshuav ib zaj uas muab tis npe tias " Nkauj Kev Deb Txoj Kev Hlub" zaj no yog muab tham los mas kuj ntxim hlub kawg thiab tiag....hahaha
Ntsuj_Plig, koj zaj dab neeg zoo heev thiab ntxim hlub txhua leej tub hluas thiab ntxhais hluas tej plees nkauj nraum kawg li os.
Hais txog ib khub hluas nkauj hluas nraug muaj me nyuam nyob ntawm nej lub zos mas kuv tseem tsis tau mus xav txog nkawv. Tab sis, yog koj khoom ces ho piav ntxiv txog ntawm Paj Huab neb txoj kev sib sau ua neej los ua txij ua nkawm zaum no ne koj mus yuav Paj Huab li cas, koj puas tau hais ib lo lus tu moo rau Nkauj Ntxoo ua ntej neb txoj kev hluas nkauj hluas nraug yuav tus mus tsis muaj ntxiv lawm, koj mus coj Paj Huab li cas, Koj yeej npaj tau ib tug nkauj qaib nyob hauv tsev tos lwm Paj Huab sub li cas, Paj Huab caum koj zaum no ne nws puas nqa tau ib yam dab tsi ntawm tes nrog nws li cas, koj coj Paj Huab los txog tsev ne neb puas muaj hoob pw thiab los neb niam thiab txiv muab leej twg lub txaj rau ne pw es cia lawv mus pw hauv av los yog txaj qhua li cas, koj thiab Paj Huab neb pluas ntshais sawv ntxov yog neb ua los neb niam thiab txiv ua, thiab ntau yam uas koj xav qhia rau koj zaj dab neeg kom peb kawm tau tej yam peb tsis paub seb peb Hmoob lub neej thiab kev mus coj hluas nkauj hmo ntuj puas nyuab npaum li cas thiab ua tsaug ntau os.