Subject: Ncoibsim Tus Qub Mob Sun Mar 20, 2016 6:51 pm
First topic message reminder :
NcoIbsim, twb tau lawm ntev niaj mus ntau xyoo rov los txog lub me caij qub nim yuav rov kho2 NcoIbsim lub plawv os, yeeb vim yog xab plees nkauj nraug ib txhis zoo tsi sib tau es ntshe yog wb tej me qub xyw rov los yuj los hloov NCoibsim lub lub siab, xyov Ncoibsim yuav muab tub mob no ntoog mus txog thaum twg mam rov txog lub me caij uas ib pas nqus tsi tuaj thiaj mam nrauj ncua tseg txoj niag kev lwj ntsws os.
Subject: Re: Ncoibsim Tus Qub Mob Tue Mar 29, 2016 12:30 pm
hahaha ua li os tij laug. yeej li koj hais os tsuas yog tej vaj khaum es txog lub caij plooj ntoo zeeg es caij ntuj qhib tshiab nws tseem txawj hlav tuaj dua hos peb tib neeg ces tsuas muaj laus zuj zus lawm xwb, txawm nyob lwm hnub kuv tus Khamla wb rov sib pom los xyov puas rov sib nco tau lawm thiab kuv yuav tsis piav txog kuv tej qub mob no mus ntxiv lawm thiaj yuav ua rau kuv kaj siab thiab tsis ua mob ua ntsaj rau kuv lawm es kuv tus hlub thiaj li yuav tsis txhawj2 kuv os vim kuv los tuaj hauj lwm deb thiab nws txhawj kuv kawg li.
Subject: Re: Ncoibsim Tus Qub Mob Tue Mar 29, 2016 12:46 pm
Koj puas muaj Nkauj Khamla neb duab ntxiv lawm thiab seb neb puas nyiam kuv ua duab rau neb tau saib ua si laug hnub ua lub chaw nco ces koj mam li tso duab ntxiv tseg cia ua keeb kwm rau hauv peb lub zos nov tau.
Subject: Re: Ncoibsim Tus Qub Mob Tue Mar 29, 2016 4:34 pm
nyob li ntawm wb cov duab ces tsis muaj lawm os tom qab uas nws rov mus yuav suav ces kuv chim2 siab es kuv muab Delete tag lawm tsuas tshuav qee daim uas nyob rau hauv kuv zaj dab neeg lawm xwb uas yog Microsoft Word lawm xwb kuv twb muab sim xa ntau zaus tuaj tab si tsis laib li, Vim cov duab no wb tau yees puag thaum wb tseem ua nkauj nraug uas nws tsis tau mus yuav tus txiv tom ntej lawm kuv tseem khaws tseg los txog hnub no lawm xwb,
thiab kuv ho tsis tau paub tias how to recall or bring back kuv cov duab hauv kuv Computer no vim kuv tau muab Deleted tag lawm,
yog mas laib kawg os tab si tam sim no kuv tau muab kuv cov duab lwv tag lawm cia kuv rub tau kuv cov duab rov qab thaum twg no mam muab tso tuaj rau peb saib dua os,
koj puas paub yuav ua li cas thiaj li rub tau duab rov qab ne yom?
Subject: Re: Ncoibsim Tus Qub Mob Tue Mar 29, 2016 5:49 pm
Tsis paub zoo hais tias seb koj hais rub li cas xwb tiag?
Yog hais tias koj cov duab nyob rau hauv koj ib daim memory diskette me me uas koj ntsaws tau rau hauv koj lub computer ces koj yuav tsum muab nws tso rau hauv koj lub computer tag mas koj thiaj li browse to coj tuaj tso rau hauv nov.
Yog hais tias koj cov duab yog daim duab xwb ces koj yuav tau muab nws tso rau ntawm tej qhov chaw sab nraum zoov kom pom kev tshav ntuj lam lug es kom txhob muaj ntxoov ntxoo ces koj mam li siv koj lub iphone rov yees koj daim duab dua mas koj thiaj li tso tau rau hauv koj lub computer ces koj thiaj li browse tau tuaj tso rau hauv peb zos tau ib yam nkaus.
Yog hais tias koj cov duab nyob rau hauv word page xwb ces thaum koj qhib koj daim page pom daim duab nyob tim daim screen monitor lawm ces koj yuav tau siv tus key Print Src tib nias tus key, "Print Scr" nyob saum qaum cov leb numbers ntawm sab xis tag ces koj mus qhib Excel los yog Paintbrush ces koj mam siv ob tug keys CTRL+ V ces koj daim duab nrog daim page yuav poob nthav los rau thaj chaw ntawm ces koj mam li txiav daim duab kom zoo li koj nyiam tag ces koj thiaj li browse tau tuaj tso rau hauv peb zos tau ib yam nkaus.
Yog hais tias koj muab koj cov duab delete tag lawm ces koj mus xyuas hauv koj lub, "Recycle Bin" seb koj cov duab puas tseem nyob hauv ces koj nias, "Restore or recover" ces koj cov duab thiaj li rov qab mus nyob rau hauv koj lub computer hos yog koj empty koj lub Recycle Bin lawm ces koj cov duab yeej ploj tag lawm ces koj rub tsis tau rov qab los lawm ces tag li ntawm lawm xwb los muaj.
Yog hais tias koj rov qab recover koj cov files nyob hauv koj lub hard drive mas tej zaum koj yuav tau koj cov duab rov qab los thiab los muaj. Tab sis, yog koj tej duab tsis yog yam tseem ceeb dab tsi rau koj lub neej lawm ces koj tsis tag nkim sij hawm rov mus rub koj cov duab los saib dua zaum ob lawm los tau.
Last edited by 8tos8nco on Thu Mar 31, 2016 9:20 am; edited 3 times in total
Subject: Re: Ncoibsim Tus Qub Mob Wed Mar 30, 2016 1:46 pm
tij laug kuv cov duab ces kuv twb muab deleted mus rau hauv Recyle Bin tag lawm ces tom qab ntawv kuv ho muab lub Recycle Bin ntawd Empty lawm thiab os ces ntshe kawg tag nrho li ntawd li koj hais lawm xwb os