Ncoibsim Tus Qub Mob

Subject: Ncoibsim Tus Qub Mob Sun Mar 20, 2016 6:51 pm

First topic message reminder :

NcoIbsim, twb tau lawm ntev niaj mus ntau xyoo rov los txog lub me caij qub nim yuav rov kho2 NcoIbsim lub plawv os, yeeb vim yog xab plees nkauj nraug ib txhis zoo tsi sib tau es ntshe yog wb tej me qub xyw rov los yuj los hloov NCoibsim lub lub siab, xyov Ncoibsim yuav muab tub mob no ntoog mus txog thaum twg mam rov txog lub me caij uas ib pas nqus tsi tuaj thiaj mam nrauj ncua tseg txoj niag kev lwj ntsws os.

Subject: Re: Ncoibsim Tus Qub Mob Mon Aug 22, 2016 8:56 am

koj hais yog lawm os tij laug,
kev nkauj nraug ces tsuas zoo li ib kob me nag tshauv tshia ib lwm rau yus lub nrog cev tom qab qhuav tag lawm ces yuav tsis muaj ntxiv rau nws thiab yus lawm tias yuav tau ua nkauj nraug ntxiv lawm tsuas tau sib paub sib nug moo qee zaum thaum sib ntsib lawm xwb os lawv
tsim tsis nyog qhov Ncoibsim los paub nws li

Subject: Re: Ncoibsim Tus Qub Mob Mon Aug 22, 2016 9:14 am

Ncoibsim, yeej yog li koj hais lawm thiab zoo siab tias koj siab zoo es koj thiaj li tso neb zaj dab neeg rau peb rag txuj nco txog neb txoj kev sib hlub thaum hluas ua lub chaw tshua ib zaug xwb hos yav laus ces neb nyias yeej muaj nyias ib zaj dab neeg taug lawm ces yeej kawg ua ib siab tias yam twg neb txoj kev hluas tsim muaj ces yeej zoo li tej me noog kaus tsawb hummingbird txawj ya tsis txawj tsaws ces neb sib ntsib los kawg cia ua nkauj muaj nraug nus seb hnub qab nram ntsis neb tej me nyuam puas mus sib nrhiav tau ua txij ua nkawm ces neb thiaj li tau ua niam tais yawm txiv lawm xwb.

Subject: Re: Ncoibsim Tus Qub Mob Mon Aug 22, 2016 9:43 am

Tij laug, yeej yog mas tab sis txawm hnub no wb lub cev ntaj ntsug tau pauv mus ua neeg laus lawm los wb lub siab thiab txoj kev qub uas tau muaj rau wb taug tuaj sib cuag yeej hloov tsis tau li, txawm hnub no tej nroj tsuag yuav zeeg thiab rov hlav tuaj dua wb tej hneev taw yuav nphob thiab yuav yaig lawm los Ncoibsim lub siab yeej hnov qab tsis tau txhua yam uas wb tau tsim tseg cia li, txawm hnub no wb txoj kev sib hlub sib nco yuav pauv mus ua ib zaj me dab neeg rau sawv daws nyeem lawm xwb los nws yuav nyob nraim hauv Ncoibsim lub siab mus tsis ploj.

Subject: Re: Ncoibsim Tus Qub Mob Mon Aug 22, 2016 11:39 am

Ncoibsim, koj mas yeej nco ntsoov koj tus me qub hluas nkauj tsis ploj hauv koj nruab siab vim neb tau sib raug zoo ib zaug lawm ces tsawg tiam los ntshe neb yuav cim ntsoov cia rau hauv neb nruab siab mus tsis paub ploj ces yeej yog li koj hais lawm.

Lwm hnub neb muaj duab thiab muaj tej yam koj xav piav tso tseg rau saum huab cua los peb mam li nrog neb ua txuj ua ci seb puas khaws tau neb zaj dab neeg cia nyob rau hauv peb Hmoob Ntuj Ceeb Tsheej kom ntev li ntev tau yog peb lub web site tseem nyob nres nroos li qub.

Zoo siab txhua yam lus qab zib thiab sib tshua ntgawm neb txoj kev sib nco yuav ua lub chaw tshua li nkauj ntsuab thaib nraug nab tseg mus txhua txhua tiam.

Subject: Re: Ncoibsim Tus Qub Mob Tue Aug 23, 2016 10:50 am

Tij laug thiab sawv daws,
tsim nyog mas kuv yuav tau ua nej sawv daws tsaug vim muaj nej lub zos no kuv thiaj tau tuaj cuav zos lam hlwb lawm ib ntus thiab kuv tau kawm tau ntau yam coj mus pib kuv lub neej los txog tav no os,
vim chim2 siab es tsis paub ua cas es thiaj coj tuaj piav rau nej mloog xwb los txawm tsis zoo mloog lwm tus li los kuv thov txim ntau nawb,
thiab kev nkauj nraug yav tag los ces yeej tig tsis tau rov lawm tsuas tau piav ua dab neeg ntxias tej me nyuam tsaug zog lawm xwb,
leej twg yog yus tus txij nkawm ces nws thiaj li yog yus tus na ej lawm xwb