NYIAJ TXIAG PAUV TSIS TAU KEV HLUB

Ntsuj_Plig.........koj zaj dab neeg hais tau tu siab kawg li. Kuv xav tias txiv neej ces nyiag siab phem, tsis muaj siab ntsws li ces ntshe tsis paub qhov meaning of "LOVE" li. ua cas hnub no kuv mam li hnov koj seev txog txoj kev hlub kev nco. Cov txiv neej zoo li koj ko xyov puas muaj 3 leeg os yom???

Thaum kuv nyeem koj zaj story, ua rau kuv twb pom nkauj ntxoo neb txoj kev hlub zem zuag lawm. neb txoj kev hlub hais tau tu siab thiab mob siab kawg li.

Kuv li kuv ntshai ntshai kev hlub. Kev hlub mob mob li kuv tsis xav tau kev hlub. Yog txoj kev hlub twg es thaum kawg nkawv sib tau lawm ces kuv thiaj li ntshaw thiab xav kom yog kuv hos yog txoj kev hlub twg es tsis sib tau ces kuv ntshai ntshai.. kuv tsis xav kom yog kuv vim kuv tsis xav mob.

Ntsuj_Plig...........Txawm tias tiam neej no koj tsis tau tus koj hlub los yog lwm tiam muaj tiag, mam nrov los sib yuav rau lwm tiam. Kom koj xav tias hauv ntiaj teb no cov neeg uas tsis tau tus hlub raws siab xav muaj coob heev thiab, tsis yog yus xwb. Muab xam tias yog lwm tiam muaj tiag li tej laus hais ces mam nrov los yuav nws rau lwm tiam.

Yog lwm tiam muaj tiag, kuv yuav thov yawm saub/vajtswv..kuv tsis kam los ua tib neeg lawm. Kuv yuav ua huab ua cua lawm xwb.. Yus yuav mus qhov twg los tau tag nrho.. Yus thiaj li tsis nyuaj nyuaj siab thiab kho kho siab. Los ua tib neeg nyob ntiaj teg, yus muaj ntau yam kev nyuaj siab, mob siab, khib siab thiab kev hlub.. Kuv tsis xav thiab tsis ntshaw taug txoj kev hlub, kev mob siab ntawv lawm os..

Ntsuj_Plig wrote:

Npauj Npaim wrote:

Ntsuj_Plig wrote:

Muaj ib hnub thaum kuv hnov tej neeg mus kav kiab los qws zom zaws tias muaj neeg noj tshuaj nrad. Kuv thiab ib tug phooj ywg wb thiaj tau khiav mus txog cas neeg ntsauv pawg lus tom Nkauj Ntxoo lub tsev, thaum ntawd ua rau kuv poob siab nthav kuv thiaj tau phoom kiag cov neeg coob coob ntawm qhov rooj nkag kiag mus txog hauv tsev. Pom Nkauj Ntxoo pw tus ntsej muag daj tseem ntawm ncej tas, ntws kiag ib kab ntshav los txog ntawm sab plhu ua rau kuv lub siab quaj dhi lub ncauj hais tsis tau lo twg tab sis nyob hauv lub siab xav tias.

Ab......... Yog vim dab tsi tiag koj thiaj ua siab tso kuv tseg rau lub ntiaj teb no na tus neeg kuv hlub. Thaum ntawd kuv rov qab xav txog nws lo lus uas tau hais rau kuv tias yog hnub twg tsis muaj kuv lawm thov koj kwv ib ntshuas ntawv tuaj rau kuv xwb ces kuv txaus siab qi lub qhov muag lawm mog. Ua rau kuv haj yam hlub nws heev ntsia tsis tau thiaj ua siab tawm plaws rov los lawm tus me ntsej muag ntshaus ntsho xwb tiag.

NtsujPlig, raws li kuv paub mas peb cov pojniam yog cov uas xav thiab nco tej lub sijhawm zoo li qhov koj hais no dua. Hos nej cov txiv neej mas muab tej kev hlub no zais cia tob li tob, txawm tias yus xav hlub thiab xav tau nws npaum licas los muab zais cia rau nruab siab xwb yeej tsis kam muab tham qhia rau leejtwg kiag li.

Tabsis hnub no, hnub no koj ho yog tus muab zaj no los tham tias koj hlub thiab nco nws npaum licas. Koj qhia tau tias nyob rau lub sijhawm uas koj tus hlub tso lub ntiajteb no tseg lawm, hauv koj lub siab, nws mob npaum licas. Uacas koj yuav txawj tham txog tej zaj dabneeg sib hlub no ua luaj li. Uali koj puas tau muab neb txojkev sibhlub no los sau ua ib zaj dabneeg rau lawv coj mus ua movies rau peb saib mas lod?

Kuv mas pab hlub ib nkawm nkauj nraug no heev li os.

Npauj Npaim.....

Kuv xav mas wb sib hlub tshaj tej movie ntawd os vim tias hlub hlub tuag kiag los tseem yuav nco nco
kom raws tau thiab rov los ua neej rau lwm tiam hos leej muam...

Ntsuj Plig, ib sim niamtxiv xwb, yog tsis sib hlub ces thiaj hnov ntev, tabsis yog sib sib hlub li neb lawm ces yeej tsis hnov ntev li thiab yeej tsis ntshai tuag li os. Kuv thov qhuas neb os mog. Thov kom lwm tiam los neb tau los ua lub neej sib sib hlub thiab mog.

Ntsuj_Plig wrote:

Npauj Npaim.........

Koj yeej yuav xav tias ib tug txiv neej zoo li ntsuj plig xwb yeej yuav tsis muaj siab muaj ntsws tab sis qhov tseeb tiag yog tias koj tau pw hauv nws lub siab mas ntshe yuav zoo ib yam li ib ntuj hnub qub qim hli nrig mus puv lub ntiaj teb no hos.

Vim li ntawd txawm yuav yog tias Nkauj Ntxoo twb mus ua neej lawm los thiaj tseg tsis tau txoj kev nco thaum kawg thiaj zoo li no lawm los mas.

Ntsuj Plig, thov zam txim rau Npauj Npaim os. Tej zaum Npauj Npaim yuav tau hais lus siab koj zog lawm, tabsis thov zam txim mog. Tos Npauj Npaim ho tau hais lus dag ntsuav li ntawd rau Ntsuj Plig lawm los vim tias feem ntau ces pojniam yeej raug txivneej dag xwb yeej tsis hlub tiag. Tej tug twb hlub tiag los tseem tsis muaj peev xwm qhia nws lub siab thiab txoj kev hlub los tiv thaiv tus hluas nkauj li. Cov neeg uas kuv tau ntsib ces yog cov uas nws tsis muaj peev xwm xwb.

Yog tias Ntsuj Plig yog tus neeg muaj peevxwm ntawd thiab muaj txojkev hlub tseeb ntawd rau Nkauj Ntxoo lawm tiag ces yim huab zoo siab xwb mas mog. Txawm tias kuv tsis yog Nkauj Ntxoo thiab tsis tau pw ntawm Ntsuj Plig lub me xubntiag los tsuav tau hnov nws lolus zoo lawm ces zoo lawm mog.

Yeeb Tsim thiab npawg Nujqiam

Qhov tseeb tiag Nkauj Ntxoo los lus hais tias "Nyiaj txiag pauv tsis tau kev hlub...Nyiaj kub yog nws lub neej kua muag" nws txhais tias txawm yuav muab tas nrho nws niam nws txiv tej nyiaj los rau nws los zoo tsis npaum nws tau tus neeg uas hlub nws. Hos txawm nws yuav muaj nyiaj muaj kub puv tsev los yog tsis txawj sib hlub ces yeej yog lub neej kua muag xwb.

Vim txoj kev xav li no thiab tus neeg uas nws niam ntshaw ho tsis hlub nws thiab nws thiaj ua siab ncaim lub ntiaj teb no mus yam tsis muaj hnub ntsib lawm xwb tiag.

Poob Zoo.....

Ua tsaug koj tseem tuaj pab kub nyeem txog wb lub neej kua muag os. Kuv xav tias yog lwm tiam muaj tiag cia kuv mam los hlub nws pauj txoj kev uas tiam no nws tau muab nws txoj sia los pauv wb txoj kev hlub os.

Ntau tshaj ntawd, kuv tseem nco nws thaum kuv ntsib nws thawj zaug nyob rau ib thaj teb npleg muab nplej hais tas quav nplej daj rhuv. Lub caij tav su nrig ntsia mus rau tim ntug teb hnov tej noog puj daum thiab dab laug chaw qis quaj kho siab zim. Kuv tuav nws txhais tes nws luag ntxhi thiab hais rau kuv tias "Kuv puas muaj hnub yuav tau ntsib koj lawm." Thaum ntawd kuv qhov muag cia li kaw tau nws tus duab luag nrog kuv nyob mus tag ib sim li lawm tiag.

Txawm yog nws twb ncaim kuv mus tau 20 tawm xyoo lawm los kuv tseem nco ntsoov nws lo lus thiab tus duab uas luag ntxhi nyob hauv lub siab tsis ploj li.