NYIAJ TXIAG PAUV TSIS TAU KEV HLUB

Poob Zoo wrote:

Npauj Npaim........kuv ntshai ntshai saib koj zaj movie vim kuv ntshai ntshai kev kho siab,mob siab thiab nyuaj siab. Yog kuv saib koj zaj movie ces ua rau kuv tsis xav ua neeg lawm.

Npauj npaim aw.....txiv neej ces tsiv yim loj lam txias dag pojniam xwb os...Thaum tsis tau mas nim lav ntuj lav teb, lav ciaj lav tuag. Muab siav ciaj pauv siav tuag, muab diav nyiaj pauv diav kub, thaum tau lawm ces nim muab xyav thaws hnub.

Nyobzoo os, PoobZoo,

Ntev ntev lawm tsis tau ntsib koj, koj nyob licas lawm os, sis? Ua cas koj tsis email rau kuv li lawm thiab os.

PoobZoo, ua cas koj thiaj ntshai saib tej movies zoo li no ma? Saib kiag kom paub tias neeg lub siab sib txawv npaum licas no mas. Kuv li kuv xav saib seb tej niam tej txiv zoo es zoo licas hos tej niam tej txiv phem es phem licas. Vim tias tus yus nyiam thiab nws nyiam yus, tej niam tej txiv ho tsis kam rau yus yuav. Tus lawv nyiam ces lawv ho kom yus yuav tabsis lawv twb tsis paub tias puas yuav hlub yus tiag. Vim lawv twb tsis yog tus yuav ua lub neej nrog, yus thiaj yog tus yuav ua lub neej nrog ces yog lawv saiv rau yus xwb no ntshe kawg tuag zoo dua os. Nov yog kuv li kev xav xwb.

Hais txog cov txiv neej uas thaum tsis tau yus ces nim lees ub lees no, nim ua zoo rau yus thiab yus niam yus txiv es thaum tau yus lawm ces mam li muab yus tsim. Kuv tsis xav kom ntsib nws li os. Kuv li kuv ib sim neej kuv tsis lam tau lam txais txiv neej li tej khoom plig li. Tab txawm tus kuv nyiam lawm los kuv yeej tsis txais. Kuv muaj ob tug niamhluas kwvtij, nkawd li mas nkawd nyiam kom tej tub hluas coj nkawd mus tab laj thiab yuav khoom, yuav khaub ncaws, lossis lwm yam rau nkawd. Nkawd tseem cem kuv tias kuv tsis txawj ntxias Hmoob tej nyiaj thiab tej khoom, kuv hais rau nkawd tias tej ntawd kuv tsis ntshaw. Kuv ntshaw tus neeg muaj lub siab zoo, siab hlub thiab hais lus zoo uas kuv yeej nyiam nws tus cwjpwm, tus yeeb yam thiab nws tus xeebceem lub zem muag yeej fwm kuv li kuv yog nws lub cev thiab. Kuv tsis lam tau lam yuav txais lwm tus li tej khoom yoojyim kiag. Even lawv thov kuv niam kiag los kuv niam twb tsis kam lees. Kuv niam hais rau lawv tias yog lawv xav tau kuv lus, xav yuav dabtsi rau kuv, yuav tsum tos nug kuv tso no. Kuv zoosiab qhov uas kuv niam tuaj kuv tog, tsis li ces kuv twb mag yuav tej niag uas kuv tsis nyiam lawm os. Vim muaj coob leej cov uas ntshaw kuv es quaj qaws lawm los kuv tsis kam li na, hahaaha, j/k.

Ej, kuv lam tham xwb es txhob xav li cas mog.

Ntsuj_Plig wrote:

Npauj Npaim.......... Koj zaj movie es kuv saib thaum twg ces ua rau kuv lub kua muag los tsis paub tu, kuv xav tsa suab hu ib tug neeg kuv hlub kom nrov nrov seb nws puas hnov xwb tiag.

Cas ib pliag ntshis nws cia li ploj ntais lawm tsawg lub dawm los kuv mus nrhiav txhua los tsis pom nws tu lw mus dua qhov twg lawm. Kuv yuav ua cas nyob li no txog thaum kuv nrhiav tau nws os???

Ntsuj Plig,

Tos kuv ho hais li rau PoobZoo los vim tias kuv tsis nyiam cov niam txiv uas coj li zaj movies no. Hos hais txog ntawm koj thiab koj tus hluasnkauj ces kuv yeej pab neb tu siab heev li. Kuv xav tias yog kuv yog nws no ntshe kuv twb tuag rau hmo uas kuv niam kuv txiv muab kuv yuam mus yuav nws lawm os. Vim tias kuv tsis nyiam tus neeg ntawd ces kuv lub cev los kuv yeej tsis pub kom nws tau li thiab os. Xum tuag kiag rau lawv pom xwb ntshe zoo dua lawm os.

Npauj Npaim...........

Koj xav yog thiab mas, koj paub nav thaum kuv yuav tsis tau nws kuv mus yuav lwm tus lawm, kuv muaj ib co phooj ywg xav tias lawv yuav mus yuav tau nws no. Lawv thiaj rov qab mus hais nws tab sis nws tsis kam nws hais rau lawv tias yog nws tsis tau kuv ces lawv txawm yuav yog ntsuag nyiaj ntsuag kub los nws tsis yuav vim nws tsis xav los ua neej nrog kuv sib ntsia.....


Muab xav mas nws txaus hlub kawg li hos.....

Ntsuj_Plig wrote:

Npauj Npaim...........

Koj xav yog thiab mas, koj paub nav thaum kuv yuav tsis tau nws kuv mus yuav lwm tus lawm, kuv muaj ib co phooj ywg xav tias lawv yuav mus yuav tau nws no. Lawv thiaj rov qab mus hais nws tab sis nws tsis kam nws hais rau lawv tias yog nws tsis tau kuv ces lawv txawm yuav yog ntsuag nyiaj ntsuag kub los nws tsis yuav vim nws tsis xav los ua neej nrog kuv sib ntsia.....


Muab xav mas nws txaus hlub kawg li hos.....

Yog lawm, kuv nyiam cov pojniam coj lub siab ncaj li nws ntag.

Yog yus tsis tau tus nws hlub yus thiab yus hlub nws ces xum cia log nag hauv lub siab zoo dua na.

Npauj Npaim

tab sis kuv hlub nws heev vim tsis xav tias yuav los nag hauv nws lub siab
kuv tsuas xav tias nws tau lub neej zoo lawm tshav ntuj nrig hauv nws lub siab xwb
ua cas thaum kawg tsis yog los nag xwb hos tseem yog xob tua kiag lub plawv
nres lawm tiag. Yog muab xav li no zoo li twb yog tim kuv nws thiaj tuag thiab na....