Yog Sijhawm Tig Tau Rovqab

First topic message reminder :

Yog sij hawm tig tau rov qab,
Tsis ua nyab yuav nyob tos koj,
Ciaj koj poj thiaj zoo lub siab,
Tawm ntuj tshiab wb mus khwv noj,
Yuav nrog koj ua txhua yam,
Tsis pub plam koj mus ntxiv lawm,
Kev txij nkawm yuav tsis muaj ncaim,
Lub ntuj nqaim los tsuav muaj koj,
Nrog kuv nyob lub neej tiam no,
Kom zoo hlo wb lub me siab,
Mus txhua tiam tsis ntshaw leejtwg li os,

Yog kuv rov hluas dua tau ib zaug ntxiv
Kuv twb yuav xub ntsib koj ua ntej
Ces txhua yam twb yuav tsis pauv mus lawm
Kuv txoj kev hlub ces twb yuav yog koj

Yog kuv qhia tau rau koj
Koj muaj nqis npaum li cas
Ces kuv twb txaus siab tuag qi muag lawm
Nrog cov kua muag ntws sis zoo siab hlo

Yog kuv ua tau koj ib tug tiv thaiv koj
Siab loj thiab zoo li koj ib tug shining armour
Ces kuv twb yuav ua koj ib tug tub cawm seej rau koj
Thiab yuav tsis yog koj ib tug phoojywg xwb

Yog kuv lam yog ib tug qhua xwb
Es tsis yog kuv rau koj
Ces kuv twb yuav muaj peev xwm
Yuav qhia koj tias kuv hlub koj no

Yog kuv muaj txoj hmoo paub koj
Ces koj twb yuav paub kuv
Vim txhua yam kuv ua yog ua rau koj

Yog kuv muaj tagkis dua
Kuv twb yuav txhais ib ruam nrog sijhawm
Ces hnub no kuv twb yuav ntsib koj
Hnub no twb tsis los xaus
Hnub no koj twb yog kuv tug lawm

Nyobzoo os, Lubpajzoo, Ntsuj Plig, thiab Yeebtsim,

Nej tham tau zoo heev li es lam los xauj nej xwb os.

Hmmm.., yog tias sijhawm tig tau rovqab no ntshe yuav kho lub neej kom zoo dua nov li os.

Ntsuj_Plig wrote:

Hahaaaaa..............tsam wb mag hlais os???

Lubpazoo yog koj ua tau
wb yuav dhau mus ua dab neeg
txoj kev ntseeg yuav cia neeg kawm
kev txij nkawm cia kuv hlub koj
lub neej no nyob tshav ntuj nrig
tam hli ci saib paj hnub qub
kuv yuav hlub koj mus ib sim
tsis lam sim koj lub me siab
kua muag iab yeej tsis pub poob
nyob nto koob mus tag ib txhis....xwb tiag!!!

Hahahaa, koj ces ntshai ua luaj li ces kuj tsum xwb mas, naib aw....,

Ntsuj_Plig wrote:

Hahaaaaa..............tsam wb mag hlais os???

Lubpazoo yog koj ua tau
wb yuav dhau mus ua dab neeg
txoj kev ntseeg yuav cia neeg kawm
kev txij nkawm cia kuv hlub koj
lub neej no nyob tshav ntuj nrig
tam hli ci saib paj hnub qub
kuv yuav hlub koj mus ib sim
tsis lam sim koj lub me siab
kua muag iab yeej tsis pub poob
nyob nto koob mus tag ib txhis....xwb tiag!!!

Ntsuj Plig, yog sib hlub tiag lawm ces tsis ntshai hlais li os,

Ntsuj Plig yog ua tiag ces yeej tau xwb…, mloog nawd,

Ntsuj Plig, kuv yeej ua tau kawg,
Lub neej ntawd kuv yeej tsis ntshai,
Qhia kuv saib koj nyiam licas tiag,
Kuv yuav cia koj ua tus tswv,
Tus tuav chwv Lubpajzoo,
Yuav tsis nroo vim muaj koj lawm,
Kev txij nkawm tsis pub kom puas,
Kom luag qhuas tias wb txawj sibhlub,
Nyob muaj tub thiab ntxhais puv tsev,
Rub siab ntev kom haum txhua tug,
Luag yuav nug txog wb lub moo,
Ua neej zoo vim wb sib hlub,
Luag yuav rub koj los ua tus coj,
Tsis ntshaw noj vim lub neej zoo,
Lub koob moo yuav nrov ncha,
Tias koj ntag yog tus tswv zos,
Luag yuav tos koj txoj kev pab,
Rau txhua fab vim koj siab zoo,
Tau ntuj ntoo vim koj txawj coj,
Tsis tsim poj thiab neeg zej zog,
Luag yuav tos fwm koj txhua zaus,
Ua neej laus laus plaub hau dawb paug mus li tiag,