Yog Sijhawm Tig Tau Rovqab

First topic message reminder :

Yog sij hawm tig tau rov qab,
Tsis ua nyab yuav nyob tos koj,
Ciaj koj poj thiaj zoo lub siab,
Tawm ntuj tshiab wb mus khwv noj,
Yuav nrog koj ua txhua yam,
Tsis pub plam koj mus ntxiv lawm,
Kev txij nkawm yuav tsis muaj ncaim,
Lub ntuj nqaim los tsuav muaj koj,
Nrog kuv nyob lub neej tiam no,
Kom zoo hlo wb lub me siab,
Mus txhua tiam tsis ntshaw leejtwg li os,

Ntsuj_Plig wrote:

Lubpajzoo

Yog lwm tus no ntshai thiab tab sis yog Lubpajzoo lawm ces
txawm yuav mag hlais los yeej kam li lawm los mas me ab aw.......

Yog lawm, yog sibhlub lawm yeej tsis ntshai hlais,
Yuav sib hlub pais kom nto plaws ntsis,
Koj txhob chis kuv tsis txhob nros,
Wb sib tos sib hlub kom kawg siab,
Thaum luag nrhiav ces wb twb dhau,
Luag caum tau ces wb twb zoo,
Yog luag nroo ces wb mam sib pab,
Tuav yas npab koj txhob tso kuv,
Wb sib pus mus lawm lwm qhov,
Kom txhob hnov luag tej lus cem,
Tias wb lem wb sib pus khiav lawm,
Cia lawm kawm wb txoj kev sibhlub,
Muaj ib hnub lawv yuav lawv wb qab,
Wb mam pab kom lawv sib tau thiab xwb tiag yom,

Yog kuv tig tau sijhawm rov qab, kuv yuav tig mus rau lub sijhawm ntawd
Ua ntej wb sis paub.. ua ntej wb xav txog ces mam li khuv xim
Kuv mam li ua tug neeg koj tsis paub es pom thawj zaug
Yog kuv rov tig tau lub sijhawm, kuv yuav cia koj yog kuv thawj tug

Thiab yuav tsis pub wb xiam lub sijhawm taug kev ua ke
Wb yuav tsis cia lub sijhawm dhau mus thiaj tsis muaj mob siab
Ces wb lub ntsej muag luag twb tsis nyob ntshau ntshi
Yog kuv tig tau lub sijhawm rov qab kuv twb tsis nug tias thaum twg

Yog kuv txawj tig lub sijhawm rov qab kuv twb tsis pub wb ntxhov plawv
Ces kuv twb tsis lam ua neej nyob tiam no, niaj hnub no
Yog, yog kuv tig tau sijhawm rov qab.. wb twb sib ntsib lawm
Yog kuv tig tau sijhawm rov qab wb twb tsis los sib nrhiav

Yog kuv tig tau sijhawm rov mus rau thaum ntawd
Ua ntej wb yuav sib ntsib.. ua ntej wb yuav los sib paub
Kuv twb yuav los ntawm koj los paub koj
Yog kuv tig tau sijhawm rov qab ces wb twb tsis tuaj txog nov

Yog kuv tig tau sijhawm rov qab kuv yuav tig sijhawm rov mus
Yuav tsis muaj sib cav sib ceg “koj li” “kuv li”
Yog kuv tig tau sijhawm rov qab ces koj twb paub kuv npe
Yog kuv tig tau lub caijnyoog rov qab..wb twb tsis seev
YOG KUV TIG TAU SIJHAWM…

Wow…, wow!
Cas yuav hais tau zoo tshaj qhov kuv xav hnov lawm thiab ne, haahaa, nej mas yom tos tias ib leeg muaj coob tus hluasnkauj los vim txawj hais lus qabzib heev li nas, hahaahaa,

Ntsuj Plig…,

Lubpajzoo yeej hais tiag tiag,
Koj yuav nyiag los yog coj khiav,
Kom luag nrhiav tsis tau wb lw,
Txawm luag qw los wb tsis teb,
Khiav kom deb ya nyob qaum ntuj,
Wb ya yuj mus saib lub hli,
Hnubqub ci lub ntuj tshiab tshiab,
Wb lub siab nyob tau kaj nrig,
Nruab qaim hli muaj koj puag kuv,
Txoj kev hlub wb nyob ywj siab,
Lub ntuj tshiab wb mam fi xov,
Mam tig rov xa moo wb niam,
Fab lwm tiam yog rov muaj dua,
Mam los ua ib tug neeg zoo,
Nug niam moo thiab mloog niam lus,
Koj mam mus thov luag tuaj hais,
Kuv mam pais ua koj tus nyab,
Wb mam pab ob tog niam txiv,
Nyob luag ntxhi tsis muaj hnub tag rau tiam tom ntej mog.