Yog Sijhawm Tig Tau Rovqab

Subject: Yog Sijhawm Tig Tau Rovqab Fri Aug 20, 2010 10:07 am

First topic message reminder :

Yog sij hawm tig tau rov qab,
Tsis ua nyab yuav nyob tos koj,
Ciaj koj poj thiaj zoo lub siab,
Tawm ntuj tshiab wb mus khwv noj,
Yuav nrog koj ua txhua yam,
Tsis pub plam koj mus ntxiv lawm,
Kev txij nkawm yuav tsis muaj ncaim,
Lub ntuj nqaim los tsuav muaj koj,
Nrog kuv nyob lub neej tiam no,
Kom zoo hlo wb lub me siab,
Mus txhua tiam tsis ntshaw leejtwg li os,

Subject: Re: Yog Sijhawm Tig Tau Rovqab Thu Aug 26, 2010 7:46 pm

Yog sijhawm tig rau rov mus rau sijhawm
Txoj hmab yuav cab hmab
Qab nplooj yuav ua tsis tau qaum nplooj
Qaum nplooj yuav ua tsis tau qab nplooj

Yog sijhawm tig rau rov qab
Paj hmab tawg paj tawg nce lees saum lag zeb
Nplaum nplias tuaj rau qaum tsua
Yuav dai koj nrog huab nrog cua

Yog sijhawm tig rau rov mus
Cag hmab hlav cag hmab lig tuaj saum lag zeb
Yuav nce zuj zeeg cab rau saum tsua
Paj hmab yuav txi txiv tawg tuaj ci nplas hau tsua
Yog sijhawm tig rau rov qab mus

Subject: Re: Yog Sijhawm Tig Tau Rovqab Sat Aug 28, 2010 8:13 am

hahaaaa............Koj los tseem hais tau zoo tshaj qhov kuv xav tseg lawm thiab>>>>>

Muaj tseeb tiag yog tias koj kam
cia kuv mam pus koj khiav mog
wb mus txog ntxeev ntuj nraum ub
kuv yuav hlub tsis pub koj quaj
kom txhob nyuaj koj lub me siab
mus kav kiab los kuv tuav tes
kuv yuav zes kom koj thiaj luag
kuv yuav puag tsis pub koj no
caij noj hmo pw kuv xub ntiag
kuv puag kiag mam hais mov pub
txoj kev hlub yuav nyob ib txhis
yog tag kis tseem muaj lub hli
kuv mam li xa xov rov qab
rau koj nyab thiab rau koj nus
tias wb mus nyob ntuj ceeb tsheej
kom qhia meej koj niam koj txiv
tsis txhob fiv nyuj dab npua tai
nws me ntxhais tseem muaj txoj sia
nco los ntsia rau saum lub hnub
yog tshav kub ntsia rau lub hli
duab luag ntxhi thaum lub ntuj ntxhoo
lubpajzoo mam rov qab los....no mog!!!

Lubpajzoo wrote:: Wow…, wow!
Cas yuav hais tau zoo tshaj qhov kuv xav hnov lawm thiab ne, haahaa, nej mas yom tos tias ib leeg muaj coob tus hluasnkauj los vim txawj hais lus qabzib heev li nas, hahaahaa,

Ntsuj Plig…,

Lubpajzoo yeej hais tiag tiag,
Koj yuav nyiag los yog coj khiav,
Kom luag nrhiav tsis tau wb lw,
Txawm luag qw los wb tsis teb,
Khiav kom deb ya nyob qaum ntuj,
Wb ya yuj mus saib lub hli,
Hnubqub ci lub ntuj tshiab tshiab,
Wb lub siab nyob tau kaj nrig,
Nruab qaim hli muaj koj puag kuv,
Txoj kev hlub wb nyob ywj siab,
Lub ntuj tshiab wb mam fi xov,
Mam tig rov xa moo wb niam,
Fab lwm tiam yog rov muaj dua,
Mam los ua ib tug neeg zoo,
Nug niam moo thiab mloog niam lus,
Koj mam mus thov luag tuaj hais,
Kuv mam pais ua koj tus nyab,
Wb mam pab ob tog niam txiv,
Nyob luag ntxhi tsis muaj hnub tag rau tiam tom ntej mog.

Subject: Re: Yog Sijhawm Tig Tau Rovqab Tue Aug 31, 2010 1:03 pm

Yog kuv tig tau sijhawm rov qab
Kuv yuav nrhiav kom tau koj
Koj yuav yog kuv tug
Kuv yuav yog koj li

Yog kuv rov xaiv dua
Kuv yuav xaiv koj
Yog kuv tig tau caij
Kuv yuav tuav wb cia

Yog tias ua tau li kuv xav
Kuv yuav rov pib dua nrog koj
Kuv yuav tig sijhawm rov qab
Txoj kev hlub yuav muab rau koj

Yog kuv rov pib tau dua
Lub sijhawm txawj nres
Kuv yuav tsis kam ua tus swb
Kuv yuav nrog koj ib leeg

Cas yuav yog npau suav xwb
Tias wb tau nyob ua ke
Yog tias kuv tseem muaj hnub
Thov kom lub sijhawm tig los pub

Subject: Re: Yog Sijhawm Tig Tau Rovqab Fri Sep 03, 2010 4:19 pm

hahaaaa............Koj los tseem hais tau zoo tshaj qhov kuv xav tseg lawm thiab>>>>>

Muaj tseeb tiag yog tias koj kam
cia kuv mam pus koj khiav mog
wb mus txog ntxeev ntuj nraum ub
kuv yuav hlub tsis pub koj quaj
kom txhob nyuaj koj lub me siab
mus kav kiab los kuv tuav tes
kuv yuav zes kom koj thiaj luag
kuv yuav puag tsis pub koj no
caij noj hmo pw kuv xub ntiag
kuv puag kiag mam hais mov pub
txoj kev hlub yuav nyob ib txhis
yog tag kis tseem muaj lub hli
kuv mam li xa xov rov qab
rau koj nyab thiab rau koj nus
tias wb mus nyob ntuj ceeb tsheej
kom qhia meej koj niam koj txiv
tsis txhob fiv nyuj dab npua tai
nws me ntxhais tseem muaj txoj sia
nco los ntsia rau saum lub hnub
yog tshav kub ntsia rau lub hli
duab luag ntxhi thaum lub ntuj ntxhoo
lubpajzoo mam rov qab los....no mog!!!

Yog Sijhawm Tig Tau Rovqab - Page 4 Together-in-Heaven

Ntsuj Plig, koj zaj pajhuam hais hlais rhe kuv me nploojsiab..., cia kuv mam li piav kuv zaj thiab...,

Hmmm..., uali kiag mas me Ntsuj Plig aw...,
Tus kuv ntshaw nws twb yog koj,
Zoo siab hlo yuav nrog koj mus,
Wb sib pus nyob ntuj ceeb tsheej,
Ua lub neej nyob kaj siab lug,
Yuav tsis nrug tsis ncaim koj li,
Nyob luag ntxhi pw koj xubntiag,
Yog muaj tiag li koj tej lus,
Kuv yuav mus nrog koj nyob,
Yuav tsis txob tsis tshiam koj li,
Kom koj txiv koj niam foom koobhmoov,
Lub neej zoo wb mam hais qhia,
Sau ntawv cia ua ib zaj dabneeg,
Nyob ceeb tsheej ntuj nraum ub,
Xav lus hlub los qhia kuv niam,
Kom paub tias wb lub neej zoo,
Xa lus nug moo los rau kuv txiv,
Tsis pub chis vim wb twb sib sib hlub lawm no mog.

Subject: Re: Yog Sijhawm Tig Tau Rovqab Sat Sep 04, 2010 8:25 pm

Muaj tseeb tiag lub me pajzoo
thaum hnov moo tias koj kam tiag
kuv npaj nyiag koj coj khiav mus
tso nyab nus nyob rau tom qab
liaj teb fab los cia lawv ua
txoj kev tshua mam cia lawv nco
caij ntuj no kuv yuav puag koj
caij nrhiav noj tsis cia koj ua
mus ua qhua kuv tuav koj tes
txhua txoj kev wb mus kom thoob
txhua tus hmoob wb saib kom txhua
kuv yuav puag koj mus tag ib sim os...mog!!

» Lub Sijhawm
» Thov Muab Sijhawm Rau Kuv